Ətefɨ̂aʼ 15:32 - Ŋwàʼlè ə̀ Fèzhə̀ Mkâyn Mə̂ Fèm

³² Njondàs yî Silàs, mə ə̀ tè nyì kepî sèfɨ̀aʼtè ə njìə àshîŋə̀ etyâ ə tsà kɔʼɔ tom ə̀ Fèzhə̀ se nə̀yn nə ghɨ nə ghɨyn ə kyi ə̀təm atyaʼa è pomə̂ etɛze.

Ətefɨ̂aʼ 15:32 ပူးပေါင်းရင်းမြစ်များ

Matyò 23:34

M pîə sê ghàyn nə, m tə tomə sèfɨ̀aʼtè è ghɨ tɔfə è tyə̀ynsèsè sê ghàyn. Ghàyn tə zhwitə̂ yîghe, ə paynte yîghe awâmnè, ə pus yîghe ə sendɛ sə atsɨ̀yntese ə fɨnə chumə̀ fɨsə̂ yîghe ə setɔ̂ŋ ə setɔ̂ŋ.

Tom èchùŋ kè kə Lûk tè nyaʼ 11:49

Kûmə̀ nyi, zɛ ə tɔŋtə nə, ‹Tɔf eghaʼâ ə Fezhə̀zè› pi nə, ‹M nə̀ tomə sèfɨ̀aʼtè seghaʼâsè è ndùətomse sê ghənə, ə ghənə zhwite ghəmɔ̀ʼɔ, ə fo ngəʼ sê ghəmɔ̀ʼɔ.›

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ətefɨ̂aʼ 11:27

Ə̀ tè nyi kepî ə mtuʼ nə mɛ, fɨ̀aʼtè shîse ə ndò ə Njèlusalɛ̀m ə tso ə Antyòk.

Ətefɨ̂aʼ 13:1

Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 15:22

Ghɨətom ə Njisə̀sghè è ghɨ chisəghe ə ndɛ ə̀ Fèzhə̀ghè, paʼsə̂ è əghɨə poməghe əkɨ̂m, ə saynə̂ se chɔʼ əghɨ yîghe ə ghənə əfètəyn se tom ə Antyòk yighə̀ Pɔ̂l è Pànapàs. Ghənə ə chɔʼɔ ə̀ ndômnè ə̀pɛ̀ ghɛ ə ghənə tè kyi kɔʼsêzè nâʼà sə ŋaŋ əghɨə poməghe əshi. Ə chɔʼɔ Njondàs mə tɔŋtə̂ vəyn nə Pasappàs è Silàs.

Ətefɨ̂aʼ 15:27

Ə̀ za nyi eghɛ zɛ ə ghàs tom Njondàs è Silàs ghɛ ghənə nə̀ tsâ sê ghàyn ghɛ zɛ ə ghàs nyi mə ə nyàʼ se ghàyn.

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 15:31

Ə pə̀ kə ghənə tɔŋɔ ŋwàʼlè ə̀təyn, ə saŋnə̂ nâʼà sə ŋaŋ kûmə̀ ə̀ghɛ echûŋ ghɛ ə nyàʼ ətəyn se fo ətəm ətɛ sê ghənə.

Ətefɨ̂aʼ 15:41

Pɔ̂l ə tsɛ tɔynə̂ yî Silàs apàs endaʼ Silyàkè è Sìlisyà nə̂ nə ndɛ sə Fezhə̀ sè ə tɛ.

Ətefɨ̂aʼ 18:23

Ə pə̀ kə è tsɛ̀sè shîŋə̀ kyîke fumə, è və ndò ə tsɛ̀ tɔynə̂ apàs endaʼ ə Ngàleshyàkè è Filinjyà, tsâmtə̀ se nə̀yn nə ghɨ epoməghe ə tɔ̂ʼɔ̀ tɛ ə ghənə epomə̂.

Ətefɨ̂aʼ 2:40

Pità ə təftə̂, ə fɨnə wàmnə̀ ə̀ghɛ sê ghɨ ətəynghe, ghe tsɨ̀ə kə nyî. È və chyatə̂ ghənə, ə piə nə, “Nâʼàpî ndè sɔza ngɨŋə̂ vəyn, kə ndɔ̀ʼɔ Zhə̀fè nə poynsê ghàyn eghɨ kə È pɔynse ghɨə təm ə pi ghɨyn.”

Ətefɨ̂aʼ 20:2

È və kwìə tɔynə̂ èpɨas endaʼ nə vɛ ə fo ə̀təm sê ghɨə təynghe è tom se tsɨəse. È və ke pə̀yn ə Achà,

Ŋwàʼlè ə̀ Pɔ̂l sê ghɨə Lûmghè 12:6

Zhə̀fè ə njì fùʼ ə vəynke se fo ə fô ə̀ nâʼà pîndè, nâʼàpî zɨ̀yn e nyi ke sənɨŋ. Ə Zhə̀fè nyi mə fə fo wùə è fo nə è və wâmnə̀ ə̀ghɛ ə Zhə̀fè ezə, è ve wâmnə̀ kə əghɛ ətəynghe kə pomə̂ zɛ ə è kyi tyə̂nə̀.

Ŋwàʼlè ə̀ Pɔ̂l sê ghɨə Lûmghè 12:8

Wùə vɛ ə fo ə̀ Fèzhə̀ se vəyn nyi nə è və fo ə̀təm sê ghɨghe, e ve nə̂ kə zamə. Nâʼàpî ndè vɛ ə fo ə̀ Fèzhə̀ se vəyn nyi nə fɨake ə ndô ə və gho ndûə sê ghɨ mɔ̀ʼɔghe, è ve fo è təm ə vəynghe əkɨ̂m. Wùə vɛ ə fo ə̀ Fèzhə̀ se vəyn nyi nə è və nyi àtu se ghɨghe, è ve nyi àtu se ghɨə təynghe achûŋ. Wùə vɛ ə fo ə̀ Fezhə̀ se vəyn nyi sə̂ kyi èkosê esəyn sê ghɨghe, ə è və nə̂ zamə è saŋnêzè.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 14:29

Ə fɨ̀aʼtèsè nyì se wàmnè, sə wamnə̀ kə sè pɛ̀ kɨ̀sə sè ta, mə ghənə wâmnə̀, fɨ̀aʼtè sə mɔ̀ʼɔse e fɛtə̂ kyàʼsə̀ naynə̂ eghɛ zɛ ə ghənə pîə.

1 Kɔlìŋ 14:3

Pîza ghɨ ghɛ ə ghe tsâ tom ə̀ Fèzhə̀ wàmnə̀ se ghɨə, è ze tsâmtə̀ ghənə, fo ghənə è təm ə tɛ, è zɨ̀tèkè.

1 Kɔlìŋ 14:32

Wùə vɛ ə è kyi foze sə̂ tsâ tom ə̀ Fèzhə̀ kyi sə̂ tɔ̂ʼnə̀ endom vɛ ə è tsà tom ə̀təyn,

Ɛfesùs 3:5

Ə̀ nyi ə̀ghɛ ndɔ̀ʼɔ fe tyəyn sê ghɨ shiə kə è tyə̀yn paynse zôyn sê ghɨətom eŋwaʼ ə vəynghe è fɨ̀aʼtèsè tɔynə̂ ə Sezuʼ se Ŋwaʼa sə vəynse.

1 Tèsàlonikà 2:11

Ghàs tè kyî ghàyn kè kə pɨ̀a vayn kyi ghɔ vəynghe,

1 Tèsàlonikà 3:2

Ghàs ə tomə ànyì vâsvè Timotì vɛ ə ghasè ghə̀ ghənə fɨaʼà sê Zhə̀fè, ndàʼà tom è chùŋ kûmə̀ Klâys. Ghàs tomə nə è pəyn tsâmtè ə è nəyn nə ghàyn pomə è tyaʼa se Klâys, è kɨsè se fo ghàyn è təm ə tɛghe nə ghàyn ə kyi ndu ke ndò kyî epomə̂zè èshike,

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

1 Tèsàlonikà 5:20

kə ghàyn nə kɔ̂psè tom zɛ ə ghɨə ndaʼà sê ghàyn mə è ndò sê Zhə̀fè.

2 Tèsàlonikà 3:12

Ghàs pìə sê ghɨ ghɨ̂yn, ghənə e kyi se zɨ eghɛ zɛ ə ghàs pìə, fɨnə fo fɨ̀as se ghənə ezə ə Pɛ̂pɛ Njisə̀s Klâys nə, ghənə kyi sə ndamə èndam zɛ ə ze nyi achûŋ, fɨaʼà kə ghənə nyi kàʼa ndaʼà èfɨa vɛ ə ghənə zhiə.

1 Timotì 2:1

E za nyi ə Timotì nə ghɛ ə m̀kɔʼnè zɛ ə m kyiŋə nə gho è ghɨə mɔ̀ʼɔghe ə nə̂ nyi nə, ghàyn e ndɔnə se Zhə̀fè kè sê ghɨghe əkɨ̂m, tsə̂mə̀ se ghənə, fɨnə njîə eluʼ ə ghənə̂vè sə̂ tsə̂mə̀ se ghənə, è kɨsè sə fo àzɔ̀ŋnè sê Zhə̀fè əghɛ ghɛ ə è nyi mə è və nə̀yn sê ghənə.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.