Ətefɨ̂aʼ 15:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 15:3 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 13:48

Kə ghɨ ghɛ ə̀ tè vachi ə̀ghɨ ə Njûsghè zɨ ghɛ ətəynze, saŋnə̂ nâʼà sə ŋaŋ, tsîtə̀ tom ə̀ Fèzhə̀. Ghɨ etsɨəghe ə pomə sê Pɛ̂pɛ Njisə̀s, ə̀ nyi ghɛ ə Zhə̀fè chitê nə ghənə kyi ndam zɛ ə ze tə mîə va.

Ətefɨ̂aʼ 13:52

Chùmtè èpàm sə Njisə̀s shise ə Antyòk ə faŋa epàm sè saŋnə̂ nâʼà àchûŋ, mə ə lwiyn è Zuʼ se Ŋwaʼase.

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 15:12

Nâʼà pîndè ə kɨmə̂ mɔŋ, zɨtə kə se Pànapàs è Pɔ̂l. Pànapàs yî Pɔ̂l e tsâ sèchwìə è ghɛ kayntə ghɛ ə Zhə̀fè nə̀yn əghɨ ghɛ ə̀ vachi ə̀ghɨ ə Njûsghè əfètəyn tɔynə̂ ə ghənə.

Ətefɨ̂aʼ 15:22

Ghɨətom ə Njisə̀sghè è ghɨ chisəghe ə ndɛ ə̀ Fèzhə̀ghè, paʼsə̂ è əghɨə poməghe əkɨ̂m, ə saynə̂ se chɔʼ əghɨ yîghe ə ghənə əfètəyn se tom ə Antyòk yighə̀ Pɔ̂l è Pànapàs. Ghənə ə chɔʼɔ ə̀ ndômnè ə̀pɛ̀ ghɛ ə ghənə tè kyi kɔʼsêzè nâʼà sə ŋaŋ əghɨə poməghe əshi. Ə chɔʼɔ Njondàs mə tɔŋtə̂ vəyn nə Pasappàs è Silàs.

Ətefɨ̂aʼ 15:32

Njondàs yî Silàs, mə ə̀ tè nyì kepî sèfɨ̀aʼtè ə njìə àshîŋə̀ etyâ ə tsà kɔʼɔ tom ə̀ Fèzhə̀ se nə̀yn nə ghɨ nə ghɨyn ə kyi ə̀təm atyaʼa è pomə̂ etɛze.

Ətefɨ̂aʼ 15:4

Ə pə̀ kə Pɔ̂l yî Pànapàs ndù fɨ ə Njèlusalɛ̀m, ghɨ ə ndɛ ə̀ Fezhə̀ ghɛ ə ghe tè nyì fu, è ghɨətom ə Njisə̀sghè, è ghɨə chisəghe ə ndɛ ə̀ Fèzhə̀ ə fiə ndzɨsə̂ ghənə. Pɔ̂l yî Pànapàs ə tsà sê ghɨə təynghe nâʼà pî ghè vɛ ə Zhə̀fè tè nyi mə Fe nə̀yn tɔynə̂ ə ghənə.

Ətefɨ̂aʼ 17:15

Ghɨ ghɛ ə yighə̀ Pɔ̂l tè ndò əmɔʼ ə tɔ̀ʼnə̀ è vəyn ə ndùə tânə̀ endaʼ ə Atènzè ə zà vəyn fu ə kɛsə pə̀ ə Pelyà è tom kə Pɔ̂l tom nə Silàs yî Timotì zaŋse pəyn kote Vəyn.

Ətefɨ̂aʼ 20:38

Ghənə tè pìə zâ, saŋnə va kûmə̀ èghɛ zɛ ə è tè pi nə ghənə tə fɨnə fe va vəyn. Ghənə ə njìə vəyn ə ndùə ndə̂mə̀ ə ngwùʼ èghaʼâ kwəynə.

Ətefɨ̂aʼ 21:5

Ə pə̀ kə shîŋə̀ ə ghasè ghənə̂kè mì, ghàs ə ndò ə ndùə èshike. Nâʼà ghənə əkɨ̂m paʼsə kə è zhwiə ghənə̂ghè è ghɔynghe ə fɨə ndûə endaʼ ə tiynsə̂ ghàs etipìə tsò, ghàs ə tɨmə ə̀ ndzɨs fumə ə tsə̀mə̀.

Ətefɨ̂aʼ 28:15

Ə̀ tè se nyi mə ghɨe poməghe ə Lûm ə zɨ nə ghàs pə̂ ndò, ə pə̀ se lɨmtə ghàs ə setɔ̂ŋ sə Ezhɔynə Apiyùsvè, yîghe e lɨmtə̂ kəpi ghàs elùʼ vɛ ə ghɨ e motə pə tè pə njiə ətəyn, e tɔŋtə̂ nə, Ndɛ sə ghɨ̀ ə Motə pə seta. Ə pə̀ kə Pɔ̂l fe ghənə, ə fo àzɔ̀ŋnè se Zhə̀fè ze ə nə̀ vəyn è və kyi ə̀təm ə tɛghe.

Ətefɨ̂aʼ 8:14

Ə pə̀ kə ghɨətom ə Njisə̀sghè ə Njèlusalɛ̀m zɨə nə ghɨ Sàmalyà ghə pomə tom ə̀ Fèzhə̀, ghənə ə tomə Pità yî Njɔyn sê ghənə.

Ŋwàʼlè ə̀ Pɔ̂l sê ghɨə Lûmghè 15:24

M kwaʼtə̀ se nə̂ zɛ mə zôyn. M nə̀ nə̂ m mə kɔ̂ŋə̀ se fe ghàyn ezhoghɛ ə m ndûə endaʼ ə Sɨ̀pênzè, ə ghàyn tsamte mi kə m ndu fu. Pîza m tə môtə̀ ghâsènì sə fendîŋə̀ fə ashìŋə̀fè kə ghâsènì zɨne təm ə ghasènìghe.

1 Kɔlìŋ 16:11

Kə wùə vîvè tə chɨ̂ynè vəyn pîza ghàyn kyi se pɨlə tsàmtə vəyn nə è ndu è fɨaʼa vəynke əshi è pɔ̂ynè ə è kɛse pəyn se mi kûmə̀ nə m lɨmtə̂ vəyn ghasè ghɨə poməghe.

1 Kɔlìŋ 16:6

M tə pə̂ ə m mote ghâsènì sə fendiŋə̀ ashìŋə̀ kɛ ə fofke nyi tsɛ̂sè ətəyn, epàm ətəyn, ə ghàyn ke tsàmtə mi nə m ndu è kwî zɨmze əshi, ə sè nyi nâʼàpî ghayn zôyn, m ndu.

2 Kolìŋ 1:16

Kûmə̀ nə mə pɨaʼtê se mòtə ghàyn ezhoghɛ m tsɛ̂ ndûə ə Màsèndonyà è kɨsè ezhoghɛ m pə̂, endom kə ghàyn tsamte mi m fɛte kwi ndu ə Njòndyâ.

Taytùs 3:13

Ghàyn mɔmse nâʼà sə ŋaŋ se tsàmtə Zenàs, wùə ə̀ sèsaʼ, è Àpolòs ə ghənə e kwì, ghàyn fe nə ghənə kyi ndô nâʼà pîghè vɛ ə ghənə kyiŋə.