Ətefɨ̂aʼ 15:22 - Ŋwàʼlè ə̀ Fèzhə̀ Mkâyn Mə̂ Fèm

²² Ghɨətom ə Njisə̀sghè è ghɨ chisəghe ə ndɛ ə̀ Fèzhə̀ghè, paʼsə̂ è əghɨə poməghe əkɨ̂m, ə saynə̂ se chɔʼ əghɨ yîghe ə ghənə əfètəyn se tom ə Antyòk yighə̀ Pɔ̂l è Pànapàs. Ghənə ə chɔʼɔ ə̀ ndômnè ə̀pɛ̀ ghɛ ə ghənə tè kyi kɔʼsêzè nâʼà sə ŋaŋ əghɨə poməghe əshi. Ə chɔʼɔ Njondàs mə tɔŋtə̂ vəyn nə Pasappàs è Silàs.

Ətefɨ̂aʼ 15:22 ပူးပေါင်းရင်းမြစ်များ

Ətefɨ̂aʼ 1:23

Ghənə ə chɔʼɔ Njosɛ̀f, mə zə vəyn zə atàsèzè nyi nə, Pàsapàs, (mə tè tɔŋtə kəpî vəyn nə Njustùs) ə fɨnə chɔʼɔ Màtyâs.

Ətefɨ̂aʼ 11:19

Ghɨə pomə ghɛ ə ghe tè sàŋne kûmə̀ ngəʼ zɛ ə è tè nyi kə tè zhwi Shìtifɨ̀yn, yîghe ə tə ndûə tâ endaʼ ə Fònisiyàzè, yîghe ə ndùə endaʼ ə Sàypulòszè, ghəmɔ̀ʼɔghe ndûə endaʼa Antyòkzè. Ghənə tè tsâ ndûə tom èchùŋ kè sê ghɨ Njûsə̀.

Ətefɨ̂aʼ 11:20

Pîza ghɨə pomə əmɔ̀ʼɔghe ə fɨə pə̂ endaʼ Sàypulòsè èndaʼa Silènzè ndûə kəpi ə Antyòk sè pɔŋɔ ndâʼà tom èchùŋ sê ghɨə Nglêkghè kûmə̀ Pɛ̂pɛ Njisə̀s.

Ətefɨ̂aʼ 11:22

Ghɨə ghɛ ə ghe tè nyi ə ndɛ ə Fèzhə̀ ə Njèlusalɛ̀m ə zɨə saʼghe kûmə̀ èghɛ nə zɨ̂yn ə tomə Pànapàs nə è ndu ə Antyòk.

Ətefɨ̂aʼ 11:27

Ə̀ tè nyi kepî ə mtuʼ nə mɛ, fɨ̀aʼtè shîse ə ndò ə Njèlusalɛ̀m ə tso ə Antyòk.

Ətefɨ̂aʼ 15:23

Ə tomə ŋwàʼlè ènyàʼa sê ghənə pîə nə, “Ghàs ghɨətomə, è ghɨə chisəghe ə ndɛ ə̀ Fèzhə̀ mə nyi ə ghɔnyì ghaynghe tomə ètɔŋtê se ghàyn. Ə ghàyn ghɛ ə nyi ə ghɔnyì ghasə mə ghàyn vachi ə̀ghɨə Njûsə̀. Ə ghàyn ghɛ ə ghàyn ndamə endaʼ Antyòkzè, è pâs endaʼa Silyàkè, è Sìlisyà.

Ətefɨ̂aʼ 15:25

Zɨnə mə ə nə̀yn ghàs ghɛ ə kwəyne kaʼke amɔ̀ʼ ə pomə̂ se chɔʼ əghɨə yîghe se tom se ghàyn. Ghənə nə̀ ndûə yighə̀ soyn sas sɛ ə ghàs kɔ̀ŋə̀ nâʼà sə ŋaŋ mə ə̀ nyi Pànapàs yî Pɔ̂l.

Ətefɨ̂aʼ 15:27

Ə̀ za nyi eghɛ zɛ ə ghàs tom Njondàs è Silàs ghɛ ghənə nə̀ tsâ sê ghàyn ghɛ zɛ ə ghàs nyi mə ə nyàʼ se ghàyn.

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 15:30

Ə pə̀ kə ghənə nyâʼ mɨsè ŋwàʼlè ətəyn, ghənə ə ndùə tiynsə̂ ə̀ghɨə təynghe endom, ghənə ə ndò tso ndûə ə Antyòk. Ə pə̀ kə ghənə ndû fɨ fumə, ghənə zùŋtə̀ əghɨe poməghe əkɨ̂m elùʼ emɔ̀ʼ ə fo ŋwàʼlè ə̀təyn sê ghənə.

Ətefɨ̂aʼ 15:32

Njondàs yî Silàs, mə ə̀ tè nyì kepî sèfɨ̀aʼtè ə njìə àshîŋə̀ etyâ ə tsà kɔʼɔ tom ə̀ Fèzhə̀ se nə̀yn nə ghɨ nə ghɨyn ə kyi ə̀təm atyaʼa è pomə̂ etɛze.

Ətefɨ̂aʼ 15:40

Pɔ̂l ə chɔʼɔ Silàs ə ndò mə ghɨə poməghe ə tsə̀m se ghənə nə Zhə̀fè tɔʼne è ghənə.

Ətefɨ̂aʼ 16:19

Ə pə̀ kə ghɨ vəyn ghɛ ə tè zhɔyn vayn èzhɔyn ə̀ təyn sə akɔ̀s fe nə ndom vɛ ə ghənə tè kyiə kɛve ətəyn ə pof, ghənə ə kyiə Pɔ̂l yî Silàs ə shìnə̀ ndûə è ghənə sê ghɨ eghaʼâghè azɨse endaʼke.

Ətefɨ̂aʼ 16:25

Ə nə̀ nə̂ nyi ə fètəyn ètuʼ, Pɔ̂l yî Silàs e sè tsə̂mə̀, zhəmə sènjàŋ sê Zhə̀fè, ghɨ ndɛ̂ chaʼ yîghe e zɨtə̂ kə ghənə zhəmə, tsə̂mə̀.

Ətefɨ̂aʼ 16:29

Wùə ètsɨ̀ŋnə ndɛ ə̀chaʼ nə vɨ̂yn ə tɔŋɔ, ə pìə nə ə pəyn è lâm ə shɨŋə njiə ndùə, ə pfɨ̀ə ə Pɔ̂l yî Silàs əshi sè tsɨŋtə̂ kə nyi kûmə̀ nə kàyntè efâyn tè nyi mə zə ko vəyn.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 17:14

Kè sə ashìŋə̀ ghɨə poməghe ə tomə Pɔ̂l yî ghɨə mɔ̀ʼɔ nə ghənə tso ndu èndomve ə etipìə tsô èghaʼâ, pîza Silàs yî Timotì ə faŋa kə ə Pelyà.

Ətefɨ̂aʼ 17:4

Ghɨ Njûs yîghe ə zɨə ə pomə ə̀ghɛ ghɛ ə è tè pìə ə tsɨ̀yntə̀ ə Pɔ̂l ànɔ̂yn yî Silàs. Nâʼà ànɔ̂yn ə ghɨ endaʼ ə Nglêk kyîke ə ke tè ngɨmnə Zhə̀fè paʼsə̂ è zəyn e tɛ yîghe ə pɔŋɔ tsɨ̀yntə̀.

Ətefɨ̂aʼ 18:5

Kə Pɔ̂l yî Timotì tè ndò pə̂yn ə Màsèndonyà, Pɔ̂l ə fo àshîŋə̀ ə vəynke akɨ̂m sə ndaʼà tom ə̀ Fèzhə̀, tsâ se ghɨə Njûsə̀ è ghɨə Nglekə̀ nə Njisə̀s nyi vɛ ə chɔʼ ndə̂m.

Ətefɨ̂aʼ 8:14

Ə pə̀ kə ghɨətom ə Njisə̀sghè ə Njèlusalɛ̀m zɨə nə ghɨ Sàmalyà ghə pomə tom ə̀ Fèzhə̀, ghənə ə tomə Pità yî Njɔyn sê ghənə.

2 Kolìŋ 1:19

Kûmə̀ nə Njisə̀s Klâys, Va Fèzhə̀ vɛ ə Silàs tè ndàʼa tom kûmə̀ vəyn ə ghàyn ə fètəyn, è Timotì è ngɨŋ zɨ̂mè, vachi vɛ ə È pìə “Eyn” fɨnə pîə “Ngaŋ.” Səmɔʼ ətəyn nyi nə è pîə tsɛ̂ kə nə, Èyn.

1 Tèsàlonikà 1:1

Ə̀ nyâʼà mi Pɔ̂l, è Silàs è Timotì è ŋwàʼlè zɨ̀yn sê ghàyn ghɨ e poməghe ə Tèsàlonikà, mə za nyi əghɨ ə Fezhə̀ghè, mə za nyi pɨa, è ghɨə Pɛ̂pɛ Njisə̀s Klâysghè. Ə fùʼkè, è pɔ̂ynè ə nyi sê ghàyn.

2 Tèsàlonikà 1:1

Ə̀ nyâʼà mi Pɔ̂l ghasè Silàs è Timotì ŋwàʼlè zɨ̀yn sê ghàyn. Ghɨ ə pomə ghɛ ə ghe nyi ə Tèsàlonikà ə nyi sə afɨa amɔ̀ʼ è Zhə̀fè pɨ̀a ghâsènì, è Pɛ̂pɛ Njisə̀s Klâys.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.