Ətefɨ̂aʼ 15:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ngaŋ! Ghâsènì tè pomə ə sɔza ghâsènì tɔynə̂ afùʼ ə Pɛ̂pɛ Njisə̀s kèpî kə tè sɔ̀zâ ghənə.”

Ətefɨ̂aʼ 15:11 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 3:24

Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn.

Ŋwàʼlè ə̀ Pɔ̂l sê ghɨə Lûmghè 5:15

Ghɨ nə ghɛ ə̀ pɛ̀ vachi èghɨ kûmə̀ nə mâʼtè vɛ ə Zhə̀fè fo sê ghɨghe səndô, mə ə̀ pəyn Njisə̀s Klâys è Vəyn, ve va eghɨ kə afɨa kɛ ə kwu ə Andàmzè tè pəyn è kəynke. E nyi səmɔʼ nə ghɨ se tsɨ̀ nyi mə ə kwu kûmə̀ pi zɛ ə wùə èmɔ̀ʼ tè nəyn. Pîza fùʼ ə Fezhə̀kè tsɨ̀ə tsɛ̂ ndò pi nə zɛ mə. Ghɨə tsɨə nyi mə ə fi mâʼtè ə Fezhə̀ etsɨəve kè sə ndô tɔynə̂ se wùə èmɔ̀ʼ Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 16:23

Ə kosê esəyn ə Pɛ̂pɛ Njisə̀s faŋ ghâyn ghə̀ ghənə.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Ngàleshyà 1:6

M nyi è kaynze nə ghànə kàynè fɨl tsɨ̀m sê wùə vɛ ə è tè tɔŋɔ ghàyn tɔynə̂ ə Klâys afùʼ, sè pomə̂ se tom ə̀ ndò.

Ngàleshyà 2:16

pîza ghàs ke ndô nə ə ndə̂mə̀ va nə wùə nyi chichi ə Zhə̀fè əshi kûmə̀ nə è ndə̀mə̀ Àlâŋ. Wùə nyi chichi ə Zhə̀fè əshi ke ashìŋə̀ kɛ è kyi kyî epomə̂zè sê Njisə̀s Klâys. Ghâsènì e sè nyi mə ə pɔŋ kyî kyì epomə̂zè sê Klâys Njisə̀s kə ghâsènì ə nyi chichi ə Zhə̀fè əshi tɔynə̂ ə ghâsènì epomə̂ sê Klâys, ə vachi tɔynə̂ e ndə̀m alàŋzè. Kûmə̀ nə wùə vayn kaʼa è və nyi chichi ə Zhə̀fè əshi mə è ndə̀mə àlâŋ ətəynke.

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.