Ətefɨ̂aʼ 14:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ghɨ yîghe ə tè vachi ə̀ghɨ ə Njûsghè è ghɨ Njûs yîghe, è ghɨ ghɛ ə ghe tè chisə ghənə ə ndə̀mə̀ nə ghənə nə̀ nyâplə̀ è Pɔ̂l è Pànapàs, ə tɨmne ghənə e chighe.

Ətefɨ̂aʼ 14:5 ပူးပေါင်းရင်းမြစ်များ

Matyò 5:44

Pîza, M tsâ sê ghàyn zôyn nə, ghàyn kɔ̂ŋɔ̀ sèpàyn saynse, tsə̂mə̀ sê ghɨ ghɛ ə chɔʼɔ ghol ghaynghe.

Tom èchùŋ kè kə Lûk tè nyaʼ 6:28

Ghàyn pɔsə̂ ghɛghe sòylə̀ ghàyn, tsə̀mə̀ sê ghɛghe nyâplə̀ è ghàyn.

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 14:19

Ghɨ Njûs yîghe ə ndò pə̀ ə endaʼ ə Antyòkzè apàs endaʼ ə Pìsindyàkè, ə ndò pə̂ kəpi endaʼ ə Ìkonyùm ə pə̀ fɨə Listɨ̀là, ə nə̀ nə nɔ̂yn ə ghɨ nə kɛ ə zɨə kə èghɛ zɛ ə ghənə tè pìə, ə tɨmnə̂ Pɔ̂l è chîə ə shìnə̀ fɨə è vəyn fumə ə tɔ̂ŋ, kwaʼtə̀ nə è və kwu.

Ətefɨ̂aʼ 14:2

Pîza ghɨ Njûs ghɛ ə ghe tè tə nə ghe pomə̂ va, ə ndwìsə̀ ə̀ təm əghɨ̀ ghɛ ə̀ tè vachi ə̀ghɨ ə Njûsghè nə ghənə ə nyɔʼsə̀ ètɔŋ sê ghɨ ghɛ ə ghe pomə Njisə̀s.

Ətefɨ̂aʼ 14:4

Pîza ghɨ ghɛ ə ghe tè nyì fu endaʼ ə kyîə echyâsè ewìynze, ghɨə mɔ̀ʼɔghe e tɔ̀ʼɔ̀ ə̀ghɨ Njûsə̀, yîghe e tɔ̀ʼɔ̀ ə̀ghɨtomə.

Ətefɨ̂aʼ 17:5

Pîza ghɨ Njûs yîghe ə zhə̀tə̀ àghə̀ʼ kə ghɨ tsɨ̂yntè ə Pɔ̂l yî Silàs anɔ̂yn, ə zùŋtə̀ ànɔ̂yn ə mmɨ̂əmê pîəm kyîke, ke ə zhə̀tə̀ sè kwiə zɔ̂fə̀ tsɛ̂ endaʼ, ə ndùə kəmtə̂ ə̀cho se ndɛ ə Njesɨ̀ynə̀, nə ghənə kyiŋə Pɔ̂l yî Silàs se kyiə pə̀yn è ghənə ə ghɨghe əshi.

2 Kolìŋ 11:26

Kwuŋ kə ndɛtê se njìə mi nâʼà shîŋə̀tè setsɨ̀ kə m ndùə kwîzè, mə fɨnə shwîtə̀ èkwu əghɨ chɔŋəghə gho. Mə shwìe kwuze əghɨ ghasghe ndaʼ ghə gho, ə shwìe əghɨghe əgho ghɛ ə̀ va əghɨ ə Njûsghè. Mə shwìe kwuze ə tendaʼ te ghaʼâtè, ə shwìe ətelùʼ tə ashəshəte. Mə shwìe kwuze ə enjwì ə fengwaŋ eghaʼâvè, ə shwìe əgho ə ghɨ̀ə kə kaŋa nə̂ nə ə pomə.

1 Tèsàlonikà 2:14

Ghɔnyiə, ghɛ zɛ ə ze tè tyə̀nə nə tom ə̀ Fèzhə̀ ə zhə̀tè se fɨ̂aʼ ə ghàyn ə fètəyn tè nyi nə, ghɛ ghɛ ghe tè kyàyn sê nɔ̂yn ə ghɨ kɛ ə ke pomə sê Klâys Njisə̀s ə Njòndyâ ə kyàyn kepî sê ghàyn. Ghɨ endaʼ ghaynghe ə fo ngəʼse sê ghàyn, ə̀ nyi kepî sèngəʼ sɛ ə ghɨ Njûsə̀ tè fo sê ghɨ pomə nə ghɛ,

1 Tèsàlonikà 2:16

Endom nə vɨ̂yn ghənə tè mɔ̀msə se tàsè nə kə ghàs wamne sê ghɨ ghɛ ə tè vachi ə̀ghɨ ə Njûsghè kə Zhə̀fè sɔza ghənə. Kûmə̀ zɨnə mə, ghənə ə nə̀yn ke pise nyiə se sɛ se kɔʼ kwəyn. Zhə̀fè nyîə nyɔʼsə̀ ètɔŋ sê ghənə zôyn, shîŋə̀kè kɛ ke kwəyn se fo etsôs sê ghənə!

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.