Ətefɨ̂aʼ 14:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə Ìkonyùm, Pɔ̂l yî Pànapàs ə ndùə ə njiə ndɛ̂ atsɨ̀ynte ə̀ ghɨ Njûsə̀ kè kə ghənə tè ndamə nə̂ nâʼàpî ghayn, ə ndàʼà tomə̀ Njisə̀s fumə, ghɨ Njûsghè è ghɛ ə̀ tè vachi əghɨ ə Njûsghè ə pomə sê Pɛ̂pɛ, tsɨ̀ə kə nyi.

Ətefɨ̂aʼ 14:1 ပူးပေါင်းရင်းမြစ်များ

Ŋwàʼlè ə̀ Mâk 7:26

Wùzhɔyn ə̀təyn tè nyi wùə Nglêk mə tè piə vəyn apàs endaʼa Silyà kɛ ə tè tɔŋtə nə Fònisìyà. Ə chyatə̂ Njisə̀s nə è chum fɨsê èpamə̂ ə satàyn nə zɛ ə vâ ə̀ vəyn ewìyn.

Njɔyn 12:20

Ghɨ Nglêk yîghe tè nyì kepî əfètə̂ ghɨ̀ ghɛ ə tè ndù ə Njèlusalɛ̀m se ngɨmnê ə Fezhə̀ ashîŋə̀ azhi ə zaʼâ tsɛke

Njɔyn 7:35

Ghɨ Njûs eghaʼâ e sè pîə se ngɨŋ sə ghənə̂sè nə, “È kyiŋə se ndù nâʼà ghayn nə ghâsènì nə̂ tàʼa fɨnə fe və ə? È kyiŋə se ndù endaʼ ə ghɨ ə Nglêk zɛ ə ghɨ ghasènìghe ndamə ətəyn se zaʼlê ə ghɨə Nglekghè mə?

Ətefɨ̂aʼ 11:21

Tyaʼa Pɛ̂pɛ ke tè nyîə nyi yighə̀ ghənə. Ghɨ tsɨəghe ə pomə ə fo ə̀təm ə ghənə̂ghè sê Pɛ̂pɛ.

Ətefɨ̂aʼ 13:43

Ə̀ tè nyi kə ghɨ chyâsə ə ndɛ̂ atsɨ̀ynte, ghɨə Njûsghè ə chùmtə̀ ndùə Pɔ̂l yî Pànapàs, tsɨ̀ə kə nyi. Ghənə tè nyi yî ghə̀ ghɨə mɔ̀ʼɔ ghɛ ə̀ tè vachi ə̀ghɨ ə Njûsghè kə ghe kɛse sè nyi kepî kə ghɨ Njûsə̀. Pɔ̂l yî Pànapàs ə wàmnə̀ se ghɨ ətəynghe, ə fo ə̀təm ə tɛ nə ghənə ndu ke èshike se kyi epɔysê zɨ̂nə̀ ə Zhə̀fè fo sê ghənə.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 13:5

Ə pə̀ kə ghənə ndû fɨ endaʼ ə Sàlamìszè ə ndàʼà tom ə̀ Fèzhə̀ ə sendɛ sə atsɨ̀ynte sə ghɨ Njûsghè. Ghənə ə njìə paʼsə̂ Njɔ̀yn Mâk kə è və tsâmtə̀ ghənə.

Ətefɨ̂aʼ 13:51

Ə pə̀ kə ghənə nyi se ndò, ghənə ə puʼə tsɨ̂sə̀ àpɨ̂l ə ghənə əghòl se tyə̀yn nə yighə̀ ghənə ə mì ə ndò ndùə endaʼa Ìkonyùmzè.

Ətefɨ̂aʼ 14:19

Ghɨ Njûs yîghe ə ndò pə̀ ə endaʼ ə Antyòkzè apàs endaʼ ə Pìsindyàkè, ə ndò pə̂ kəpi endaʼ ə Ìkonyùm ə pə̀ fɨə Listɨ̀là, ə nə̀ nə nɔ̂yn ə ghɨ nə kɛ ə zɨə kə èghɛ zɛ ə ghənə tè pìə, ə tɨmnə̂ Pɔ̂l è chîə ə shìnə̀ fɨə è vəyn fumə ə tɔ̂ŋ, kwaʼtə̀ nə è və kwu.

Ətefɨ̂aʼ 14:2

Pîza ghɨ Njûs ghɛ ə ghe tè tə nə ghe pomə̂ va, ə ndwìsə̀ ə̀ təm əghɨ̀ ghɛ ə̀ tè vachi ə̀ghɨ ə Njûsghè nə ghənə ə nyɔʼsə̀ ètɔŋ sê ghɨ ghɛ ə ghe pomə Njisə̀s.

Ətefɨ̂aʼ 14:21

Pɔ̂l yî Pànapàs ə ndàʼà tom èchùŋ endaʼ ə Ndepì, ghɨghe ə pomə sè nyi sèchùmtè epàm sə Njisə̀sè, tsɨ̀ə kə nyî. Epàmə̂ təyn, ghənə ə kɛsə ndô ndûə əte ndaʼà tə Lisɨtɨ̀làtè è Ìkonyùm ə pə̀ fɨə ə Antyòk apàs endaʼ ə Pesindyàkè.

Ətefɨ̂aʼ 16:1

Pɔ̂l yî Silàs ə ndò ndûə endaʼ ə Ndepì è endaʼ Lisɨtɨ̀là. Wùə èpomə vîvè èmɔ̀ʼ tè nyîə nyi fu zə vəynze e nyi Timotì. Nyìə vəyn mə ə̀ tè nyì kepî wùə èpomə, tè nyi wùə Njûs, pîza pɨ̀a vəyn e nyi wùə ə̀ Nglêk.

Ətefɨ̂aʼ 16:2

Ghɨə poməghe əkɨ̂m endaʼ ə Lisɨtɨ̀là è endaʼ Ìkonyùm tè wàmnə̀ kə àchûŋ kûmə̀ Timotì.

Ətefɨ̂aʼ 17:12

Ghɨ etsɨə fu, è zəyn e tɛ è ndômnèghè, mə nyi ə̀ghɨ Nglêkghè ə pomə sê Njisə̀s.

Ətefɨ̂aʼ 17:17

È və kyîə èkâtè əghɛze ə ndɛ̂ atsɨ̀ynte yî ghə̀ ghɨ Njûsə̀, è ghɨ Nglêk ghɛ ə tè fànə Zhə̀fè, è kɨsè ə telùʼ tezhɔynte tuʼmè m̀kɨ̂m yî ghə̀ ghɨ ghɛ ə è tè pə kwəynə̂ yî ghə̀ ghənə fu.

Ətefɨ̂aʼ 17:4

Ghɨ Njûs yîghe ə zɨə ə pomə ə̀ghɛ ghɛ ə è tè pìə ə tsɨ̀yntə̀ ə Pɔ̂l ànɔ̂yn yî Silàs. Nâʼà ànɔ̂yn ə ghɨ endaʼ ə Nglêk kyîke ə ke tè ngɨmnə Zhə̀fè paʼsə̂ è zəyn e tɛ yîghe ə pɔŋɔ tsɨ̀yntə̀.

Ətefɨ̂aʼ 18:4

Pɔ̂l tè kyiə əghɛ ə katə yîghə̀ ghɨə Njûsə̀ è ghɨə Nglêkghè tuʼ tendaʼ tekɨ̂m ə ndɛ àtsɨ̂ynte mɔ̂msə̀ se nə̀yn nə ghənə zɨ ghɛ zɛ ə è tè piə.

Ətefɨ̂aʼ 18:8

Klispùs vɛ ə è tè nyi atu sê ndɛ àtsɨ̂ynte nə zɨnə̀ ə pomə̂ sê Zhə̀fè, paʼsə̂ kə è sas ə ndɛ vəynze kɨ̂m. Ghɨə tsɨə mɔ̀ʼɔghe endaʼa Kolìnzè ə zɨə tom ə̀təyn, ə pomə̂, ə fo m̀mo sê ghənə.

Ətefɨ̂aʼ 19:10

Zɨnə mə ə ndùə èshike sə sepìŋ sèpɛ̀, kə ghɨghe əkɨ̂m ghɛ ə tè ndamə apàs endaʼa Esiyàkè, è ghɨ ə Njûsghè, è tumve ə zɨə èghɛ ə Pɛ̂pɛze.

Ətefɨ̂aʼ 19:17

Ghɨ Njûsə̀ è ghɨ ghɛ ə̀ tè vachi ə̀ghɨ ə Njûsghè əkɨ̂m ghɛ ə ghe tè nyi ə Ɛfesùs ə zɨə èghɛ zɛ ə ze kyâyn, fâynzè ə ko ghənə, ghənə e kɔʼsə̂ èzə Pɛ̂pɛ Njisə̀szè.

Ətefɨ̂aʼ 19:8

Pɔ̂l ə ndùə ə ndɛ àtsɨ̂ynte, ə njìə sènjɔŋ seta wamnə̀ nâʼà è kyə̀ ètɛ yî ghə̀ ghɨ təynghe, kyiə èkâtè əghɛ yî ghə̀ ghənə mɔ̂msə̀ se tsa paynsê se ghənə kûmə̀ èfɔ̂yn ə Fezhə̀vè.

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ətefɨ̂aʼ 21:28

sè pɨa piə nə, “Ghɨə Isìlâyghè, ghàyn tsamte ghàs! Ə̀ vɨ̂nə nyi wùə vɛ ə è tè kwiə zaʼlə̂ ə̀ghɛ epi ghɛ kûmə̀ ə̀ghɨə Isìlâyghè è Saʼ ə Mosîszè è kɨ̂sè ndɛ̂ ètsə̀mə zɨ̂yn. Nâʼà pi zôyn, è və fɨyn nji ghɨatumə ə njiə è ghənə ə ndɛ̂ ètsə̀mə, pofsə̂ tèluʼ, nə̂ nə kə ə tə nyi è zoze.”

Ətefɨ̂aʼ 9:20

È və ndò ə chəmə ndùə kə ə sendɛ sə atsɨ̀yntese ə shɨŋ nə zɛ ə zhə̀tə̀ sè ndàʼà tom èchùŋ nə Njisə̀s nyi Vâ ə̀ Fèzhə̀.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 10:12

Pî nə zɨnə̀ nyì sê nâʼàpî ndè kûmə̀ nə sə nɨŋ va sê ghɨ ghɛ ə̀ nyì ghə Njûsghè, è ghɛ ə̀ vachi ghə Njûsghè. Zhə̀fè nyi Pɛ̂pɛ kè sê ghɨ ghəkɨ̂m, pɔsə̂ nâʼàpî ndè achûŋ vɛ ə è tɔŋə ndû sê Vəyn.

Ngàleshyà 2:3

Taytùs tè nyi kepî ghasè vəyn pîza ə tàʼa kàyn nə ə kyi se se ənam ə vəynghe pî kə̂ è tè nyi wùə Nglêk.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.