Ətefɨ̂aʼ 13:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pîza wùə èfɨyntə nə vɨnə̀ ə zə vəyn tè nyi Elimàs ewàmnè ə Nglêkzè ə tàʼa fo azhəm sê Pànapàs yî Sɔ̂l. È tè kyiŋə nə kə tu apàs endaʼ nə kɨ̂yn pomə tom èchùŋ.

Ətefɨ̂aʼ 13:8 ပူးပေါင်းရင်းမြစ်များ

Njɔyn 1:41

Kè sə ashìŋə̀, è və kyiŋə ànyì ə̀ vəyn ə pìə sê vəyn nə, “Ghàs ə fe sɔ̀zà mə za nyi vɛ ə nyi mə ə chɔʼ.’” (Mə za nyi Klâys)

Ətefɨ̂aʼ 13:12

Ə pə̀ kə tu apàs endaʼ kɛ fe ghɛ zɛ ə ze kyâyn, ə pomə sê Njisə̀s. È tè nyi èkaynze nâʼà sə ŋaŋ əte èzaʼlê zɛ Pànapàs yî Pɔ̂l tè zaʼlə kûmə̀ Pɛ̂pɛ Njisə̀s.

Ətefɨ̂aʼ 18:12

Ə tè nyì kə ə ndə̂m Ngalyò nə è və saʼa àpâs endaʼ kɛ ə tè tɔŋtə nə Àkayà, ghɨ Njûs yîghe fumə ə zùŋtə̀ ə kyîə Pɔ̂l ə ndùə è vəyn elùʼ əsaʼ

Ətefɨ̂aʼ 19:38

Ə Ndèmitiyùs è ghɨfɨaʼa ə vəynghe kyi ghɛ se ghâmə̀ wùə sə təyn, ghənə ə njìə ndùə è wùə ə̀təyn elùʼ ə saʼ kûmə̀ nə ghɨə sesaʼa səʼə fu, zaʼâ va tuʼ fə saʼ fîfe.

Ətefɨ̂aʼ 6:7

Tom ə̀ Fezhə̀ e fɨnə zham ndûə kə èshike. Ghɨə poməghe ə Njèlusalɛ̀m e tsɨ̀ə ndùə kə ndò. Ghɨ kɔʼsə nə eshyə̀ ə tsɨəghe e zɨə èzaʼlê nə zɨ̂nə̀ ə pɔŋɔ pomə̂.

Ətefɨ̂aʼ 8:9

Wùə tè ndamə fu endaʼ e tɔŋtə̂ nə Shimùyn nə̂ ə̀ghɛ ə fɨyntəghe, ghɨ endaʼ ə Sàmalyàghè e nyi è kaynze. È ve kɔʼsə̂ èwiyn nə zhi nyi wùə ètɛ.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

2 Timotì 3:8

Ghɨ nə ghɨyn tàsə̀ èzaʼlê zɛ ə ze nyi səmɔʼ kèpî kə Njanìs yî Njampàs tè tàsə zaʼlê ə Mosîszè. Ghənə nyiə kyi tekwâʼtè tepite, fɨnə kwəynə̂ va eghɛ zhîze əfètəyn èkyî epomə̂zè.