Ətefɨ̂aʼ 13:43 - Ŋwàʼlè ə̀ Fèzhə̀ Mkâyn Mə̂ Fèm

⁴³ Ə̀ tè nyi kə ghɨ chyâsə ə ndɛ̂ atsɨ̀ynte, ghɨə Njûsghè ə chùmtə̀ ndùə Pɔ̂l yî Pànapàs, tsɨ̀ə kə nyi. Ghənə tè nyi yî ghə̀ ghɨə mɔ̀ʼɔ ghɛ ə̀ tè vachi ə̀ghɨ ə Njûsghè kə ghe kɛse sè nyi kepî kə ghɨ Njûsə̀. Pɔ̂l yî Pànapàs ə wàmnə̀ se ghɨ ətəynghe, ə fo ə̀təm ə tɛ nə ghənə ndu ke èshike se kyi epɔysê zɨ̂nə̀ ə Zhə̀fè fo sê ghənə.

Ətefɨ̂aʼ 13:43 ပူးပေါင်းရင်းမြစ်များ

Ətefɨ̂aʼ 11:23

Ə pə̀ kə è ndù fɨ fu, ə fe endom vɛ ə Zhə̀fè nyi mə Fe pɔsê ghɨghe, è ve saŋnə̂ nâʼà sə ŋaŋ ə təftə̂ ghənə nə ghənə ə chumtə̀ Fèzhə̀ è təm ə ghənə̂ ghəkɨ̂m.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.

Ipilù 13:9

Kə ghàyn zâ nə ə lɛsə̂ ghàyn è kyì tə ezaʼlêtè tekɨ̂m mə te nyi sə nɨŋ sê tom èchùŋ. E tsɔ̂fə̀ nə ə nə̂ àfùʼ ə Fezhə̀kè nə təm ghaynghe ə tɛ, ə̀ va chi elwɔ̂ŋ vɛ ə ghàyn ndə̀mə̀ kûmə̀ èfɨa zhiəve kûmə̀ nə lwɔ̂ŋ nə vɨnə tsâmtə̀ va ghɨ ghɛ ə ghe ndə̀mə̀ vəynve nâʼà səkɔs.

Ipilù 12:15

Ghàyn tɔʼne, kə wùə nə kwiynse àfùʼ kɛ ə Zhə̀fè tyə̀nə̀ sê vəyn. Ghàyn e fɨnə tɔ̂ʼnə̀, kə wùə tsɛ̂ fɨ ə ghàyn əfètəyn, ə è və nyi kə awə̂yn ə njwiəke ə ke ndəmə kɔʼɔ, ke ə pə̀yn è tsôstè tsɨəte è lɨf ə kəynke.

Kòlosè 1:28

Ə̀ za nyi eghɛ zɛ ə ghàs ndàʼà tom ə̀ Klâys sê nâʼàpî ndè. Ghàs fo etəftê, zaʼlə̂ ghənə è tɔf eghaʼâzè ekɨ̂m zɛ ə Zhə̀fè nyi mə fə fo se ghàs. Ghàs nə̀ nyiəmə kûmə̀ nə ghàs kyiŋə nə ghənə ə nyi chichi ə Zhə̀fè əshi kə ghɨ ghɛ ə fɨəyn ə ghənə̂zè nyi mə zə kàynè tɛ ə fètə̂ èpomə̂.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Filìpây 4:1

M pìə sê ghàyn ə ghɔnyìə ghɨmə ghe kɔ̀ŋə̀ nə, ghàyn e tɛ ə ghàyn epomə̂ sê Pɛ̂pɛ. M nyîə kɔ̂ŋə̀ ghàyn, lotə̂ kɔ̂ŋə̀ kə nâʼà se fe ghàyn kûmə̀ nə ghàyn nyi esaŋnê zɨmze, è mâʼtè zɛ m kyi ə mì efɨ̀aʼ.

Filìpây 3:16

Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Ɛfesùs 2:8

Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.

Ngàleshyà 5:1

Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

2 Kolìŋ 6:1

Ghàs fɨ̂aʼà ghasè ghə̀ Zhə̀fè əmɔʼ chyatə ghàyn ghɛ ə kyi fùʼ ə Fezhə̀kè nə kə ghàyn zàmaʼà nə ke njise sə ndô.

2 Kolìŋ 5:11

Nyiəmə, ghàs ngɨmnə̂ ndò Zhə̀fè. Ə̀ za nyi eghɛ zɛ ə ghàs chyatə ghɨə nə ə pəyn sê Vəyn. Zhə̀fè nyîə ke ə̀ghɛ ə̀kɨ̂m kûmə̀ ghàs, m kwaʼtə̀ nə ə ghàyn ətəm, ghàyn pɔŋ fɛtê ke ndò ghàs.

Ŋwàʼlè ə̀ Pɔ̂l sê ghɨə Lûmghè 11:6

Chitê ə vəyn nə zɨ̂yn nyi kûmə̀ àfùʼ ə Vəynke, ə̀ vachi kûmə̀ èghɛ zhîze kə ghənə nyi mə ə nə̀yn. Ə ze fə nyi nə Zhə̀fè chitə̂ ə̀ghɨ kûmə̀ eghɛ zhîze kə ghənə nyi mə ə nə̀yn, mə fùʼ ə Vəynke ə fɨyn kiva zhɨynze.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

Ŋwàʼlè ə̀ Pɔ̂l sê ghɨə Lûmghè 3:24

Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn.

Ətefɨ̂aʼ 17:34

Ghɨ yîghe ə ndùə paʼsə̂ sê Pɔ̂l ə pomə tom zɛ ə è tè tsâ. Ghɨ nə ghɨ̂yn tè nyi Ndyɔ̀nishùs, mə za nyi wùə əfètə̂ ànɔ̀yn esaʼke, è wùzhɔyn vîvè, zə vəynze e nyi Ndàmalis è ghɨə mɔ̀ʼɔghe.

Ətefɨ̂aʼ 17:4

Ghɨ Njûs yîghe ə zɨə ə pomə ə̀ghɛ ghɛ ə è tè pìə ə tsɨ̀yntə̀ ə Pɔ̂l ànɔ̂yn yî Silàs. Nâʼà ànɔ̂yn ə ghɨ endaʼ ə Nglêk kyîke ə ke tè ngɨmnə Zhə̀fè paʼsə̂ è zəyn e tɛ yîghe ə pɔŋɔ tsɨ̀yntə̀.

Ətefɨ̂aʼ 16:14

Ə̀ tè nyi əfètəyn ə̀ zəyn nə ghɛ, vîvè e nyi ətəyn, zə vəynze e nyi Lindyà mə è fɨ endaʼ ə Tyàtilàzè. È tè pəʼlə tekɔyn tə sendzɨste, se pâŋə̀, tɛ èkɛve. È tè ndamə ngɨmnə̂ kə Fèzhə̀. Pɛ̂pɛ ə chwìə èkwâʼtè ə vəyn nə è ndəm tuke eghɛ zɛ ə Pɔ̂l tè wàmnə̀ ə è pomə zəynze.

Ətefɨ̂aʼ 14:3

Pɔ̂l yî Pànapàs ə ndamə kɔʼɔ fumə nâʼà sə aghaf etyâkè, wàmnə̀ əghɛ ə chûŋ ghɛ ə Pɛ̂pɛ nyi mə è və nə̀yn se ghɨ fànə va nâʼà səkɔs. Pɛ̂pɛ Njisə̀s ə nə̀ ghənə ə tyə̀nə̀ chwìə, ə nə̀ ə̀ghɛ əkayntə ə tsɨəghe, se tyə̀yn nə ghɛ ghɛ ə chùmtè èpàm sə vəynse piə kûmə̀ èfo eghaʼ Vəynze nyi səmɔʼ.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

1 Pità 5:12

Ə̀ tsàmte Silàs mi nə m nyâʼ ŋwàʼlè zɨ̀nə sê ghàyn. Ə̀ nyì ke nâʼà ànyì vɛ ə kaʼa samse. Ŋwàʼlè ètɨmsə̂ nə zɨ̂yn nyì se fo ghàyn è təm ə tɛghe è kɨsè sê tyə̀yn nə ghɛ zɛ Zhə̀fè nyi mə fe ə nə̀yn sê ghàyn nyi chwìə səmɔʼ nə fe nyîə kɔ̂ŋə̀ ghàyn. Ghàyn tyəm ə tɛ, pomə̂ sê tom ə̀təyn.

Ngàleshyà 5:4

Ghàyn ghɛ ə ghàyn kyiŋə sə̂ nyi chichi ə Zhə̀fè əshi tɔynə̂ endə̀m ə alàŋzè, ə ghà ke nə, ghànə chyâsè ngɨŋ saynse ghâynghə̀ Klâys. Ghàyn ə fɨ̀l tsɨ̀m sê fùʼ ə Fezhə̀kè.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ətefɨ̂aʼ 17:17

È və kyîə èkâtè əghɛze ə ndɛ̂ atsɨ̀ynte yî ghə̀ ghɨ Njûsə̀, è ghɨ Nglêk ghɛ ə tè fànə Zhə̀fè, è kɨsè ə telùʼ tezhɔynte tuʼmè m̀kɨ̂m yî ghə̀ ghɨ ghɛ ə è tè pə kwəynə̂ yî ghə̀ ghənə fu.

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 6:5

Nâʼà ə̀ghɨ ə poməghe əkɨ̂m ə saŋnə àchûŋ kûmə̀ èghɛ nə zɨ̂nə̀ ə ghɨətom ə Njisə̀sghè pì, ə chɔʼɔ Shìtifɨ̀yn, ə nyi wùə mə è və ə fɛte pomə̂ sê Zhə̀fè, Zuʼse Ŋwaʼase e fɨnə chisə̂ vəyn, ə fɨnə chɔʼɔ Filìp, è Pòkolùs, è Nikanò, è Timòyn, è Pàmenàs, è Nìkolùs. Nìkolùs tè nyi wùə mə è ndò pə̂yn endaʼa Antyòkzè, è tè vachi wùə Njûs pîza kwîə kə pomə əghɨ̀ ə Njûszè tyə̀nə.

Ətefɨ̂aʼ 2:10

yîghe ghɛ ə ghe fɨ pə̂yn endaʼ ə Filinjyàzè, è Pàmfilyà, ghəmɔ̀ʼɔ ghɛ ghe fɨ endaʼ ə Enjìpzè è pâs endaʼ ə Lipyà kɛ ə ke paʼsə sê tə̀ʼ ə̀ Silên. Ghâsènì yîghe fɨ pə̀yn ə Lûm.

Matyò 23:15

Ngəʼ èghaʼâ nyì sê ghàyn ə tyə̀ynsè sə alàŋsè è ghɨ Falàsîə, ghàyn ghɨ kaŋkaŋa nə ghɨ̂yn! Ghàyn tyàŋà tènjwî tə fengwaŋte, kwîə ə tendâʼà ə tendâʼà kè se nə̀yn nə wùə èmɔ̀ʼ zɨ ə è chumte ghàyn. Mə shîŋə̀ kɛ ə è pomə ghàyn ə nə̀ vəyn è fiə ètsə̂fsè e tsɨ̂ə tsɛ̂ zayn shîŋə̀ tepɛ̀ se ndù elùʼ ewùs.

1 Njɔyn 2:28

Ghɔnyì ghɨmə zɨnə mə tyə̂nə̀ nə, ghàyn kyi se faŋə kə sə afɨa àmɔ̀ʼ ghâyn ghə̀ Klâys kə shîŋə̀ kɛ ə È tə pə̂, ə ghàyn ə kyi ə̀təm ə tɛ, se tyə̂m ə və shi mə ə ghomə̂ va.

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

Ətefɨ̂aʼ 18:7

È və ke zà ə ghənə ə ndùə ndamə ə wùə vîvè ə ndɛ mə ə tè vachi wùə Njûs zə vəynze nyi Taytùs Njustùs, mə ə̀ nyi wùə ngɨmnə̂ Fèzhə̀, ndɛ ə̀ vəyn è kwuʼ nyi paʼsê ke etipìə ndɛ àtsɨ̂ynte.