Ətefɨ̂aʼ 13:32 - Ŋwàʼlè ə̀ Fèzhə̀ Mkâyn Mə̂ Fèm

³² Ghàs e sè nyi zôyn se tsà tom èchùŋ sê ghàyn, ə nyi zɛ ə Zhə̀fè tè tsɨ̀ne ndəm sê pɨ̀a əghɨ Njûs ghəshiə. Fe ə lwiynse tsɨ̀nè ətəyn sê ghâsènì.

Ətefɨ̂aʼ 13:32 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:19

Tsì ətəyn ə piə nə, “Ə̀ nyi mi, Ngapɨ̀lɨyà vɛ m tyəm ə Zhə̀fè ə ngwùŋ. Ə̀ tom fəynfe è mi nə m pə̀yn tsayn tom èchùŋ nə zɨ̂nə sê ghò.

Tom èchùŋ kè kə Lûk tè nyaʼ 2:10

Pîza, Tsì ə̀ Pɛ̂pɛ nə zɛ ə pìə sê ghənə nə, “Kə ghàyn fayn, m pəyn è tom èchùŋ sê ghàyn, è nyi se fo esaŋnê sê ghɨghe əkɨ̂m.

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 13:23

Njisə̀s vɛ ə è tè fɨ etɔ̀ŋ ə ndɛ Ndàfîtzè, ə nyi Vəyn vɛ ə Zhə̀fè tè ndəm nə è və nyi Sɔ̀zà se ghɨə Isìlâyghè, kè kə è tè tsɨ̀ne nə Zhi tə nə̂.

Ətefɨ̂aʼ 13:38

Ghɔnyì ghɨmə, ghàyn e ke səmɔʼ nə, ə̀ nəyn Njisə̀s tsɔ̀fə kə ə ndaʼà tom èchùŋ se ghàyn nə Zhə̀fè nyiə lɛsə̀ fo sèpi sə ghɨ̀sè.

Ətefɨ̂aʼ 14:15

“Kûmə̀ ghè ə ghàyn nə̀ ghɛ zɨ̀nə? Ghàs nyi ə̀ghɨ, kèpi kə ghàyn. Ghàs pə̀ è tom èchùŋ sê ghàyn se nə̀yn nə ghàyn za zhə̀ mə àkaŋ mɨ̂yn ə kɛse pəyn sê Zhə̀ fɛ ə fe ndamə, ə̀ nyi Fèzhə̀ fɛ ə fe pom wuləke è chike, è njwî ə fengwaŋve è pî àkè kɛ ə ke nyi ətəyn.

Ətefɨ̂aʼ 26:6

Zôyn m sè tyəm fayn nə ə saʼ mi kûmə̀ èkwaʼtè elɨmtə zɛ m kyi sê tsɨnè zɛ ə Zhə̀fè tè tsɨ̀ne sê pɨ̀a ə ghâsènì ghəshiə

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Ətefɨ̂aʼ 5:42

Tuʼ mè m̀kɨ̂m ghənə e ndûə ə ndɛ̂ ètsə̀mə, è kɨsè ə ghɨghe ə sendɛ zaʼlə̂ ə̀ghɨ fɨnə ndaʼà tom èchùŋ ə̀ Njisə̀s vɛ ə chɔʼ ndə̂m.

Ŋwàʼlè ə̀ Pɔ̂l sê ghɨə Lûmghè 1:2

Ə tom èchùŋ zɛ ə Zhə̀fè nyi mə Fe ə tə kɨytê tsɨ̂nè nə zhi tə fo sê ghɨ Vəynghe. È və tə tsàyn se fɨ̀aʼtèsè ghɛ kûmə̀ tom èchùŋ ə̀təyn kè kə nyi mə ə nyàʼ ə Ŋwàʼlè Èŋwaʼa.

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ŋwàʼlè ə̀ Pɔ̂l sê ghɨə Lûmghè 4:13

Ghɛ mɔ̀ʼɔ zɛ ə ghâsènì ke nyi nə sə mɨ, Zhə̀fè ə tə tsɨ̀nè se Aplàghâm è ghâŋ fə vəynfe nə Zhi tə fo mbi ə ghənə gho. Zhə̀fè tè paʼà wàmnè chi zamə kûmə̀ nə Aplàghâm tè nyiə chumtə̀ elwɔ̂ŋ ə Vəynve. Zhə̀fè tè pi nyiəmə kûmə̀ nə Aplàghâm ə tə pomə̂ vəyn, Zhə̀fè ə njìə vəyn kə wùə chichi ə və shi.

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.