Ətefɨ̂aʼ 13:31 - Ŋwàʼlè ə̀ Fèzhə̀ Mkâyn Mə̂ Fèm

³¹ È və tyə̀nə̀ ngɨŋə̂ vəyn shîŋə̀ tetsɨəte sê ghɨ ghɛ ə yî ghənə tè ndo ə Ngalìlî əmɔʼ ə kɔʼɔ pə̂ ə Njèlusalɛ̀m. Ghɨ nə ghɛ mə nyi ghɛ ə ghənə tsâ se ghɨə ghɛ zɛ ə ghənə tè fe.

Ətefɨ̂aʼ 13:31 ပူးပေါင်းရင်းမြစ်များ

Matyò 28:16

Chùmtè èpàm sə Njisə̀s sɛ njò èmɔ̀ʼ ə kɔʼɔ ə pfɨyn ə Ngalìlî elùʼ vɛ Njisə̀s tè pi nə ghənə ndu.

Tom èchùŋ kè kə Lûk tè nyaʼ 24:48

Ə nyi ghàyn ghɛ ə ghàyn nyi se tsɛ se saʼ sè əghɛ nə ghɨyn.

Njɔyn 15:27

Ghàyn nə̀ nə̂ ə pɔŋɔ wàmnə̀ kə səmɔʼ sê ghɨ kûmə̀ mi kûmə̀ nə ghàyn tè nyi ghâsènì, ə zhə̀te.”

Ətefɨ̂aʼ 1:11

Ndômnè nə ghɨ̂nə̀ ə̀pɛ̀ ə ke ə pfɨf sê chùmtè èpàm nə sɛ nə, “Kûmə̀ ghè ə ghàyn tyəm naynə̂ kɔʼsə̂ è kwùtwəyn nyi ə ghɨ Ngalìlîə? Njisə̀s vɨ̂yn, ə nji ə ghàyn əfètəyn È ve È kɔʼ ekwùtwəyn, tə kɛsə̂ pə̀ kə endom vɛ ə ghàyn fe È ndùə ətəyn.”

Ətefɨ̂aʼ 1:3

Ə̀ tè nyi kə Njisə̀s fe ngəʼ èghaʼâ ə kwuə ə kɛsə zômə̀, È və tyə̀ynə̀ ngɨŋə̂ Vəyn sê ghɨətom ə Vəynghe nə zhi ə zòmə̀ səmɔʼ. È və nə̀ nyi ə tendom ə tendom, sə teshìŋə̀ se tsɨ̀ əfètəyn m̀tuʼ m̀ghɨm m̀kyàʼ, ə fɨnə wâmnə̀ sê ghənə kûmə̀ èfɔ̂yn ə Fezhə̀vè.

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 10:39

Ghàs nyi setsɛ̀ èsaʼ sê ghɛ əkɨ̂m ghɛ ə È tè nə̀yn ə Njèlusalɛ̀m è luʼtə mɔ̀ʼɔte endaʼ ə Isìlâyzè. Ə tè zhwi Vəyn mə ə paynte awâmnè.

Ətefɨ̂aʼ 10:41

Ə̀ vachi ə̀ghɨ ə̀kɨ̂m ə tè fe Vəyn. Ə̀ nyi əghɨ ghɛ ə Zhə̀fè tè nyi mə Fə kàynè chɔʼ ndəm ə ghe tə fe Vəyn. E za tyə̀nə nə ə̀ nyi ghàs ghɛ ə tè zhi ə mɨə è Vəyn kə è tè zòmə.

Ətefɨ̂aʼ 2:32

Ghasə ə̀kɨ̂m nyi setsɛ̀ èsaʼ nə Zhə̀fè ə nə̀yn, Njisə̀s nə vɨ̂yn ve è zômə̀.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 5:32

Ghàs nyi setsɛ̀saʼ əghɛ nə ghɨ̂yn. Zuʼse Ŋwaʼase nyi kepî tsɛ̀èsaʼ. Mə nyi efo ə Fezhə̀zè sê ghɨ ghɛ ə ghe zɨə sê Vəyn.”