Ətefɨ̂aʼ 13:26 - Ŋwàʼlè ə̀ Fèzhə̀ Mkâyn Mə̂ Fèm

²⁶ Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 13:26 ပူးပေါင်းရင်းမြစ်များ

Matyò 10:6

Ghàyn pɨl ndu ke sê ghɨə Isìlây ghɛ ə ghe nyi nyiə kə sendzè senjisəse.

Matyò 3:9

Kə ghàyn ə kwâʼtə̀ nə ghàyn kàʼa ə ghàyn tə pɔynsə̂ ə Fezhə̀zè kûmə̀ nə ghàyn pìə nə ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nəyn ə chi ghɨnə kɛse sə ghɔyn sê Aplàghâm.

Tom èchùŋ kè kə Lûk tè nyaʼ 1:69

Fe ə fo mbàŋ àngyə̀s sê ghâsènì mə è fɨ esas ə ndɛ Ndàfɨ̂tzè, ə wufɨ̀aʼa ə̀ vəyn.

Tom èchùŋ kè kə Lûk tè nyaʼ 1:77

fo ètɔf nə ghɨ və sɔse, chwîtə̂ sê ghənə nə ə lɛ̀sè fo pise ə ghənə̂sè.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Njɔyn 6:68

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ətefɨ̂aʼ 13:43

Ə̀ tè nyi kə ghɨ chyâsə ə ndɛ̂ atsɨ̀ynte, ghɨə Njûsghè ə chùmtə̀ ndùə Pɔ̂l yî Pànapàs, tsɨ̀ə kə nyi. Ghənə tè nyi yî ghə̀ ghɨə mɔ̀ʼɔ ghɛ ə̀ tè vachi ə̀ghɨ ə Njûsghè kə ghe kɛse sè nyi kepî kə ghɨ Njûsə̀. Pɔ̂l yî Pànapàs ə wàmnə̀ se ghɨ ətəynghe, ə fo ə̀təm ə tɛ nə ghənə ndu ke èshike se kyi epɔysê zɨ̂nə̀ ə Zhə̀fè fo sê ghənə.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 16:17

È ve chûmtə̀ Pɔ̂l è ghàs, pɨa pîə nə, “Ghɨ ghɨ̀nə nyi ə ghɨə fɨaʼa Fezhə̀ fɛ ə Fe ngaŋtə kwəynə. Ghənə ndaʼà se ghàyn ndom vɛ ə Zhə̀fè kàʼa ə fe sɔza ghàyn ətəyn.”

Ətefɨ̂aʼ 22:5

Wùə èkɔʼsə nə èshyə̀ è ngaŋtə kwəynə è chəʼse endaʼ sekɨ̂m kàʼa ə se tɔʼte nə m pîə èghɛ səmɔʼ. Mə tə fi ŋwàʼlèsè mə se ndo sê ghənə, mə ə nyaʼ sê ghɨ ə Njûsə̀ ə Ndàmakùsghè, mə ndùə fu ə ko ə̀ghɨ nə ghɨ̂yn, ə pə̀yn è ghənə ə sechaʼ ə Njèlusalɛ̀m nə ə pɔynse ghənə.

Ətefɨ̂aʼ 28:28

Pɔ̂l tè wàmne ə piə è mɨ̂sə̀ ndò ə piə nə, “Ghàyn e ke nə, tom èsɔza zɛ ə Zhə̀fè tom, È və tom zə̂ynzè zôyn se ghɨ etumə, mə ghənə nə̀ zɨtə̂ zə̂ynzè.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Ətefɨ̂aʼ 4:12

Ə̀ nyì ke Vəyn ènɨŋ ə È kàʼa ə È sɔza ə̀ghɨ, kûmə̀ nə Zhə̀fè pâʼà fɨyn fo wùə vîvè ə mbi kə è kàʼa ə è sɔza ghâsènì.”

Ətefɨ̂aʼ 5:20

“Ghàyn ndu tyə̂m ə ndɛ ètsə̀mə, ə ghàyn tsayn sê ghɨ ghəkɨ̂m nâʼà ə̀ghɛ əkɨ̂m kûmə̀ èndam zaynze fe zɨ̂nə.”

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.