Ətefɨ̂aʼ 13:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Pɔ̂l ə ndwìə ə nə̀ʼsə̀ àgho se nə̀yn nə ghənə kɨmə̂ mɔŋ ə zhə̀tə̀ se wàmnè. È və pìə nə, “Ghɔnyì ghɨm ghə Isìlâyghè, è ghɨə mɔ̀ʼɔ ghɛ ə ghe nyi fâyn, ə ghàyn ghɛ ə ghàyn ngɨmnə Zhə̀fè, ghàyn zɨte ghɛ zɛ ə m kyiŋə se pì.

Ətefɨ̂aʼ 13:16 ပူးပေါင်းရင်းမြစ်များ

Matyò 11:15

Ə̂ kyi pîndè tûŋneve, è və tɔ̀ʼɔ̀ zɨtə̂.

Tom èchùŋ kè kə Lûk tè nyaʼ 1:22

Sàkàlyâ ə fɨə kɛsê ke va se wàmnè sê ghɨghe, sè wâmnə̀ kə ègho. Ghɨ ətəynghe ə kê nə è və fe ghɛze ə telaynəlayn.

Tom èchùŋ kè kə Lûk tè nyaʼ 1:50

Sə̂yn e ko vəynze nyi naʼapi sê ghâŋfèkè fɛ fe fânə̀ vəyn.

Tom èchùŋ kè kə Lûk tè nyaʼ 23:40

və mɔʼɔ ə zɔ̀ se vɛ mə ə pfɨfə nə, “Piə e za nyi nə ghò fànə̀ pîva Zhə̀fè ə, ə pɔŋɔ zhwi kəpi ndò ghò nyi,

Ətefɨ̂aʼ 10:2

Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ətefɨ̂aʼ 12:17

È və kɨmsə̂ ghənə è ghoke ə fɛte tsâ sê ghənə kə Pɛ̂pɛ fè pə̀yn nji fɨ è vəyn ə ndɛ̂ chaʼ. È və tsà se ghənə nə, “Ghàyn tsayn ghɛ nə zɨ̂nə̀ sê Njə̂m è ghɨə mɔ̀ʼɔ ghɛ ə ghe pomə Njisə̀s ghɛ nə zɨ̂yn.” È və wàmnə̀ mɨ̂sə̀ zâ, ə ndò ndûə elùʼ ə ndôvè.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 13:46

Pîza Pɔ̂l yî Pànapàs ə pɨlə wàmnə̀ ndùə kə èshike fanə̀ va ghɛ zhîze. Ghənə tè piə nə, “Ghàyn ghɨ Njûsə̀, e tè tsɔ̀fə nə ghàs tsayn chi èghɛ ə Fezhə̀zè sê ghàyn sə shi. Pîza kə ghàyn kwiynse zəynze, ə tàʼa njiə sengɨŋ saynse kə əghɨ ghɛ ə ghe nyi kwəynê se kyi endam zɛ ə ze tə mîə va, e za nyi nə, ghàs nə̀ zâ ghàyn ə ghàs ndu sê ghɨ ghɛ ə̀ vachi ə̀ghɨ ə Njûsghè.

Ətefɨ̂aʼ 19:33

Ghɨ yîghe ə kwùŋsə̀ kə nə ə̀ nəyn Àlɛ̀ksandà kə ghɨə Njûsə̀ tè nəyn nə è ndu əshi. Àlɛ̀ksandà ə ndwisə̀ àgho se nə̀yn nə ghɨ kɨme ə zhə̀tə̀ se wàmnè se tyə̀yn nə ə̀ pâʼà nə̀yn chi zhi.

Ətefɨ̂aʼ 2:14

Pità yî ghɨətom ə Njisə̀s əmɔ̀ʼɔ njò èmɔ̀ʼ ə ndwìə tyəmə̂ ekwùtwəyn sè wâmnə̀ è kyə̀ è tɛ sê nɔ̂yn kɛ nə, “Ghɨ Njûsə̀, è ghàyn əkɨ̂m ghɛ ə ndamə ə Njèlusalɛ̀m, ghàyn zɨte sê mi, m tsayn ghɛ zɛ ə ghɛ nə zɨ̂nə̀ tyə̀nə̀ sê ghàyn.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Ətefɨ̂aʼ 21:40

Tuə sesôkə̀ʼ ətəynke ə fo vəyn èndomve, Pɔ̂l ə tyəmə̂ ə sembaŋə fumə ə ndɛ, ə nə̀ʼsə̀ àgho nə ghɨ kɨm tso mɔŋ. Ə pə̀ kə ghənə kɨme, Pɔ̂l ə wàmnə̀ se ghənə ewàmnè ə Ipilòzè ə pìə nə:

Ətefɨ̂aʼ 22:22

Nɔ̂yn ətəynke ə zɨtə̂ se Pɔ̂l se kɔʼɔ zaʼâ andiŋ kyîke, ghənə e puʼə m̀pɔ̂ŋ è kyə̀ se tɛse pîə nə, “Ghàyn ndo è vəyn! Ghàyn zhwi vəyn! È kwəynə̂ va se ndam.”

Ətefɨ̂aʼ 3:12

Pità ə fe əghɨ nə ghɨ̂yn ə pfɨfə sê ghənə nə, “Ghɔnyì ghɨmghə Isìlâyghè, kûmə̀ ghè ə ghàyn nyi èkaynze ə? Ghàyn tùŋə̀ naynə̂ kə ghàs nyî sə ghe? Ghàyn kwàʼtə̀ nə ghàs nəyn nə wùə vɨ̂yn ndwi ə è və kwîə kûmə̀ àtyaʼ kas kə ngɨŋke mə, mə kûmə̀ nə ghàs tsɔ̀fə̀ nâʼà achûŋ ə Zhə̀fè əshi ə?

Etyə̂yn ə paynsêzè 2:11

Ə̂ kyi pîndè tûŋneve, è və zɨtə̂ èghɛ zɛ ə Zuʼse Ŋwaʼase pîə sê ndɛ sə Fezhə̀sè. Ə̂ nò zhi nâʼàpî ndè, ə è tə tàʼa fe etsôs vɛ ə kòmte ekwuke pə̂ è vəynve.›”

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Etyə̂yn ə paynsêzè 2:29

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Ŋwaʼase pîə sê ndɛ sə Fezhə̀sè.”

Etyə̂yn ə paynsêzè 2:7

Ə̂ kyi pîndè tûŋneve, è və zɨtə̂ èghɛ zɛ ə Zuʼsə Fezhə̀sè pìə sê ndɛ sə Fezhə̀sè. Ə̂ nò zhi pîndè, ə m fo vəyn èndomve kə è kwɨl tam ə fekàʼ fə endam fɛ ə fe ndəmə ə Zhə̀fè afùʼ mtamke.”