Ətefɨ̂aʼ 13:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Pɔ̂l yî soyn sə vəyn sɛ ə yî ghə̀ ghənə tè kwìə, ə njiə ə ngwùʼ ə Pafòs ə ndùə tânə̀ ə endaʼ ə Pengàzè, apàs endaʼ ə Pàmfilyàkè. Njɔ̀yn Mâk ə za ghənə fu ə kɛse ndûə ə Njèlusalɛ̀m.

Ətefɨ̂aʼ 13:13 ပူးပေါင်းရင်းမြစ်များ

Ətefɨ̂aʼ 12:12

Kə Pità tè ke ghɛ zɛ ə ze nyi mə zə kyàyn se vəyn, è və ndò ndûə ə Mèli ə ndɛ, ə̀ nyi nyìə Njɔyn Mâk. Ghɨə tsɨəghe tè nyi mə ə zùŋtè fumə tsə̂mə̀.

Ətefɨ̂aʼ 15:36

Ə pə̀ kə tuʼ mîmè tsɛ̀, Pɔ̂l ə pìə sê Pànapàs nə, “Ə ghâsè ghò kɛse ndu môtè ə̀ghɔnyì ə ghasè nyìghe ə Klâys nâʼàpî ə tɔ̂ŋ èkè zɛ ə ghasè ghò nyi mə ndàʼà ghe ə Pɛ̂pɛze ətəyn, ə fe ndom vɛ ə ghənə mômsə̀ se ndəmə̂ ətəyn.”

Ətefɨ̂aʼ 15:38

Pîza Pɔ̂l ə kwàʼtə̀ nə ze fe va achûŋ nə ə nji vəyn, kûmə̀ nə Njɔ̀yn Mâk tè paʼà faŋ yighə̀ ghənə se zaʼâ kə ghənə mɨse fɨaʼa ghənə̂kè. Pîza è və kə̀mnə̀ ə zà ghənə ə endaʼ ə Pàmfilyàzè.

Ətefɨ̂aʼ 2:10

yîghe ghɛ ə ghe fɨ pə̂yn endaʼ ə Filinjyàzè, è Pàmfilyà, ghəmɔ̀ʼɔ ghɛ ghe fɨ endaʼ ə Enjìpzè è pâs endaʼ ə Lipyà kɛ ə ke paʼsə sê tə̀ʼ ə̀ Silên. Ghâsènì yîghe fɨ pə̀yn ə Lûm.

Ətefɨ̂aʼ 27:13

Foffə̀ fe pɔfe ə nyaʼâ se tsɛ̀ mə fe ndo kɔʼ pə̂yn apàs etyə̀ke. Ghɨ ətəynghe ə fe za ə njiə kə nə kwâʼtè ə ghənə̂zè kàʼa ə ze kwəyn. Ghənə ə shìnə̀ kɔʼsə̂ afɨa kɛ ə ke kyiə tyəmsə ngwùʼ luʼve mɔ̀ʼ, ə pàmtə̀ tsɛ etipì ə tso apàs endaʼ ə Klitkè.

Ətefɨ̂aʼ 27:5

Fumə, ghàs ə zà etipì ə tso apàs endaʼ ə Sìlisyàkè è kɨsè apàs endaʼ ə Pàmfilyàkè ə tsɛ tɔynə̂ enjwì ə fengwaŋve, ə tyàŋə̀ nji endaʼ ə Milà apàs endaʼ ə Lisiyàkè.

Kòlosè 4:10

Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

2 Timotì 4:11

Ə̀ faŋ kê Lûk fayn ghasè vəyn. Ə ò piə ò pə̀ ndò ò pə̀ ghayn Mâk kə è və tsâmtə̀ mi ə mì efɨ̀aʼ.