Ətefɨ̂aʼ 13:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ ə piə sê vəyn nə, “Ə ghô vâ ndə̂plè vɨ̀yn! Ò nyi pàyn sê nâʼà pi èghɛ èkè zɛ ə ze nyi achûŋ. Ò nyi mə o lwiyn è kyì tə tepi tekɨ̂m. Mɔ̂msə̀ kə shîŋə̀ tekɨ̂m se kɨ̀mnè ə səmɔʼ ə̀ Pɛ̂ nə ə nyi àkaŋ.

Ətefɨ̂aʼ 13:10 ပူးပေါင်းရင်းမြစ်များ

Matyò 13:38

Fûʼ ətəynke e nyi mbi, ngwàʼ èchùŋ zɛ e nyi əghɨ ghɛ ə ghe nyi etyə̀ èfɔ̀yn ə Fezhə̀vè, yîyn epike e nyi ə̀ghɨ ghɛ ə ghe nyi ə̂ ndə̂plè etyə̀.

Matyò 15:19

Kwâʼtè tepite fɨə ə ghò ətəm chiynə ghò nə, ò zhwi, nyîŋə̀ è zhwîə wùə è kɨ̂sè ndom ə wùə, è chûmtè ə zəynze, è chɔŋe, è kaŋa kə ò wam ə̂ wùə tu, fɨnə pîə ə̀ghɛ piə yîghe kûmə̀ wùə.

Matyò 23:13

Njisə̀s ə pìə sê tyə̀ynsè sə alàŋsè è ghɨə Falàsîə nə, “Ghàyn ghɨnə ə ghàyn kaŋkaŋa nə̂ nyî, ngəʼ èghaʼâ nyi sê ghàyn! Ghàyn fìnə̀ èchondɛ elùʼ efɔ̀yn ekwùtwəynve nə kə ghɨə nji. Mə ghàyn è ngɨŋ saynse vayn kaʼa nji, za va nə ghɨ mɔ̀ʼɔ ghɛ ə kyiŋə se nji nə nji.

Matyò 3:7

Ə pə̀ kə Njɔyn fe tsɨ̀tsɨ̂ ə̀ ghɨ̀ə Falàsîə è ghɨə Sandùsîə ghe pə̂ nə è fo môm sê ghənə, è və pìə sè ghənə nə, “Mbam sɨ̂nə̀! Ə̀ tɔfse nde ghàynə, kə ghànə mɔ̂msə̀ se tə epɔynsê zɛ ə Zhə̀fè nyi se tom sê ghàyn ə?

Tom èchùŋ kè kə Lûk tè nyaʼ 11:39

Pɛ̂pɛ ə piə sê vəyn nə, “Ghàyn ghɨ Falàsîə ghɨ̂yn, ghàyn njiə ekwaŋ vaynve è wà saynse, ghà tɔ̀ʼɔ̀ shùə kə setsɨm, pîza təm ghaynghe nyi mə ghe lwiyn kê è shiə fɨə è ghɛ piə mɔ̀ʼɔ.

Tom èchùŋ kè kə Lûk tè nyaʼ 11:52

Ngəʼ èghaʼâ nyi sê ghàyn ə tyə̀ynsè sə alàŋsè, kûmə̀ nə ghàyn ndə̀tə̀ àchɔʼ kɛ ə ke chɔʼɔ cho ndɛ etɔfe, nâʼà ghàyn e njiə va ətəyn, fɨnə tâmtə̀ ə ghɨ ghɛ ə ghe kyiŋə se nji ə ndɛ etɔf nə zɨ̂yn.”

Njɔyn 1:23

Njɔyn ə pə̀ynsə̀ ghənə ə tsà kə fɨ̀aʼtè Èsayà tè pi nə, “M nyi kyə̀ wùə vɛ ə è tɔŋə pîə elùʼ ashishive za nə, ‹Ghàyn nəyn ə ndom ə Pɛ̂pɛve ə nâynə̀ kə È kwi ətəyn.›”

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

Ətefɨ̂aʼ 20:30

Shɨ̂ŋə̀ kè tə pə̂, ə ghɨ yîghe ə ghàyn anɔ̀yn tə wamə àkaŋ se nə̀yn nə ghɨə poməghe chumte ghənə.

2 Kolìŋ 11:3

M pìə nyî fànə̀ nə ghɨ kàʼa pəyn lesê ghàyn, kèpî kə mbam tè lɛse Îf, ə ghàyn ə fɨnə ndə̂mə̀ va təm ghaynghe, pîəva səmɔʼ zâynzè endom vɛ ə ghàyn nə̀ ghɛghe ghâynghə̀ Klâys.

Ngàleshyà 1:7

Se pì səmɔʼ, ‘tom èchùŋ zhîzè kɛse va,’ pîza m pîə zɨnə̀ kûmə̀ nə ghɨ yîghe nyiə nyi ə ghe mômsə̀ se sàʼtè atu kaynke se kwiynê ə tom ə̀ Klâys ə ghàyn ətəm.

Ɛfesùs 4:14

Ə ze nyi nyî, ə ghâsènì ə fɨyn va kə mmɨ̂ətə̀ sə̂ tsɨnə̀ ndinə̂ kə etûə m̀mo, nâʼàpî èkyì ezaʼlê èkè e pə̂ ze ə njìə tsɛ̂ kə ndò ghâsènì, wùə e pɨaʼtə pîə àkaŋ àkè è və pə̀ ə lesə̂ kə ghâsènì è kəynke.

2 Pità 2:15

Ghənə ə zà ndom èchùŋ ə njisə̀ sè kwiə endom ə Palàmvè, ə vâ Peyò vɛ ə è tè kɔ̀ŋɔ̀ kɛ vɛ ə è tè kyi mə è nə̀ əghɛ ə pighe,

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.