Ətefɨ̂aʼ 13:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə ndɛ ə̀ Fezhə̀ ə Antyòk, fɨ̀aʼtè shîse tè nyîə nyi è tyəynsèsè. Ghɨ nə ghɛ mə tè nyi Pànapàs, Simyòn (vɛ ə tè tɔŋtə nə, fɨ̂mzè) è Lusiyùs (mə è fɨ pə̀yn ə Silên), è Maniyèn (vɛ ə è tè ndəmə luʼve mɔ̀ʼ yî tu apàs endaʼke Ɛlɔ̀t), è Sɔ̂l.

Ətefɨ̂aʼ 13:1 ပူးပေါင်းရင်းမြစ်များ

Matyò 27:32

Kə sokə̀ʼse tè fɨə pə̂ è Njisə̀s endaʼ, ə kwəynə̂ è wùə mə è ndo endaʼa Silênzè e tɔŋtə̂ nə Shimùyn, sokə̀ʼse ə ŋamnə̂ vəyn nə è pɨaʼa wâmnè ə Njisə̀skè.

Tom èchùŋ kè kə Lûk tè nyaʼ 3:1

Ə̀ tè nyi kə̂ Tìpelùs saʼa kə̂ fɔ̀yn èghaʼâ ə endaʼ ə Lûm, mə sè kɔʼɔ ndùə sèpiŋ njòse tâyn, tom ə Fèzhə̀ ə pə̀ sê Njɔyn, va Sàkàlyâ, endaʼ ashəshəe. Ə̀ tè nyi za mə ə ndə̀m Pontus Paylɛ̀t nə è və saʼa apàs endaʼ kɛ ə tè tɔŋtə nə Njòndyâ, Ɛlɔ̀t e saʼa ə Ngalìlî, ànyìə vəyn Filìp e saʼa epɨ̀as endaʼ vɛ ə tè tɔŋtə nə Ètolyà è Tɨ̀làkɔnitis, Lisanyàs e saʼa ə Apɨ̀lɛ̀n, ghɨkɔʼsə nə eshyə̀ engaŋtə kwəynəghe è ghɨə Njûsə̀ mə nyi Anàs yî Kayfàs e nyi kepî etuʼ nə vɛ.

Ətefɨ̂aʼ 11:30

Ə nyi zamə kə ghənə tè nəyn. Ə zùŋtə̀ èfɨa ətəyn ə tomə Pànapàs yî Sɔ̂l nə ghənə nji ndu fo sê chəʼsə ndɛ ə̀ Fèzhə̀sè fu.

Ətefɨ̂aʼ 12:25

Pànapàs yî Sɔ̂l ə mɨ̀sə̀ èfɨ̂aʼ ə ghənə̂zè ə Njèlusalɛ̀m, ə kɛsə pə̀ ə Antyòk yî ghə̀ Njɔ̀yn Mâk.

Ətefɨ̂aʼ 13:9

Zuʼ se Ŋwaʼase ə chisə Sɔ̂l vɛ ə zə vəynze tè nyi kepî Pɔ̂l, è və lotə̂ tɨmə naynə̂ ndûə wùfɨyntə ə̀təyn ə və shi,

Ətefɨ̂aʼ 15:32

Njondàs yî Silàs, mə ə̀ tè nyì kepî sèfɨ̀aʼtè ə njìə àshîŋə̀ etyâ ə tsà kɔʼɔ tom ə̀ Fèzhə̀ se nə̀yn nə ghɨ nə ghɨyn ə kyi ə̀təm atyaʼa è pomə̂ etɛze.

Ətefɨ̂aʼ 15:35

Pɔ̂l yî Pànapàs ə ndamtə kɔʼɔ sə fendiŋə̀ ə Antyòk. Ə Antyòk yî ghə̀ ghɨə tsɨə mɔ̀ʼɔ tè zaʼlə ə ghɨ fɨnə ndaʼà èghɛ ə Pɛ̂pɛze.

Ətefɨ̂aʼ 19:6

Pɔ̂l ə ndəmə̀ ə̀gho ə ghənə tu, Zuʼse Ŋwaʼase ə pə̀ sê ghənə, ghənə ə zhə̀tə̀ sə̂ wâmnə̀ tewâmnè tə ndôtè ndɔ̀ʼɔ zaʼle, fɨnə ndaʼà kəpi tom ə̀ Fèzhə̀.

Ətefɨ̂aʼ 21:9

È tè kyi əghɔ vəynghe zəynghe ə kyàʼ, ndɔ̀ʼɔ ghe nyiəm pomə̂ ə̀ndom, ghənə e ndàʼà ə̀ghɛ mə ghe ndô sê Zhə̀fè.

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

Ətefɨ̂aʼ 9:1

Sɔ̂l tè pa kâyntə̀ kə ètyaʼa nə zhi nə̀ zhwitə̂ sèchùmtè sə Pɛ̂pɛse. È və ndò ndûə sê wùə èkɔʼsə nə èshyə̀ engaŋtə kwəynə,

Ŋwàʼlè ə̀ Pɔ̂l sê ghɨə Lûmghè 16:21

Timotì, vɛ ə ghasè vəyn fɨ̂aʼà əmɔʼ tomə ètɔŋtê ə vəynze sê ghàyn. Lusiyùs, Njasɨ̀yn è Sòsìpatà, ə ghɔnyì ghɨm ghə Njûsə̀ tomə kəpi ètɔŋtê se ghàyn.

1 Kɔlìŋ 11:4

E za nyi nə wùə ndomə̀ vɛ ə è tsə̀mə̀ kɨ̀sə è ndàʼà tom ə̀ Fèzhə̀ è tu ə vəynke mə è və kɨtê, ə nyi èghomə̂ sê Klâys.

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

1 Kɔlìŋ 13:8

Kɔŋè mìə tsɛ̂ va, pîza tom sɛ ə fɨ̀aʼtèsè fo nyi ke sə fendiŋə̀ fə ashìŋə̀fè; ghɨghe e wâmnə̀ tèwâmnè mə ə paʼà zaʼlê pîza mə te nə mîə; ghɨghe e kyi kepî ètɔf pîza mə ze tə pə̂ tsɛ̂.

1 Kɔlìŋ 14:29

Ə fɨ̀aʼtèsè nyì se wàmnè, sə wamnə̀ kə sè pɛ̀ kɨ̀sə sè ta, mə ghənə wâmnə̀, fɨ̀aʼtè sə mɔ̀ʼɔse e fɛtə̂ kyàʼsə̀ naynə̂ eghɛ zɛ ə ghənə pîə.

1 Kɔlìŋ 14:32

Wùə vɛ ə è kyi foze sə̂ tsâ tom ə̀ Fèzhə̀ kyi sə̂ tɔ̂ʼnə̀ endom vɛ ə è tsà tom ə̀təyn,

1 Kɔlìŋ 9:6

Mə ə̀ nyì ke ghasè Pànapàs ə kyi sə̂ fɨaʼà kə ndò tsɔ̀fə ə kyi kɛve mə?

Ngàleshyà 2:13

Ghɨ Njûs ə mɔ̀ʼɔghe e pɔŋɔ kaŋkaŋə̂ nə̂ ndùə kəpi ə̀ghɛ kə vəyn. Ghɛ ə ghənə ghe kaŋkaŋə nə nə ghɨnə ə kyìŋsə̀ kəpî Pànapàs.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Filìpây 4:22

Ghɨə pomə əmɔ̀ʼɔ ghɛ ə ghe nyi fâyn pi nə m pɔŋ tɔŋte sê ghàyn nâʼà àchûŋ, è sas ə ndɛ Kaysàzè.

1 Tèsàlonikà 5:20

kə ghàyn nə kɔ̂psè tom zɛ ə ghɨə ndaʼà sê ghàyn mə è ndò sê Zhə̀fè.