Ətefɨ̂aʼ 12:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Tsì ə̀ Pɛ̂pɛ ə pfɨ̀ŋə̀ fɨə fuə ndɛ ə̀chaʼ, paynze ə panə fuə ndɛ ə̀chaʼ. Tsì ə̀təyn ə sə̀ʼsə̀ Pità ə mbɨ̀aʼà, ə ndwìsə̀ vəyn ə pìə se vəyn nə, “Zàŋse ndwi.” Kè sə ashìŋə̀, chaʼ sɛ ə se tè nyi ə Pità ekɔyn ə zhə̀nə̀ kə ndò.

Ətefɨ̂aʼ 12:7 ပူးပေါင်းရင်းမြစ်များ

Matyò 2:13

Ə̀ tè nyi kə ghɨ ghɛ ə tɔŋɔ lìm zɨə kê èghɛ zɛ m̀ pìə ndô, tsì ə pə̀ sê Njosɛ̀f ə tsə̂m ə pìə sê vəyn nə, “Ndwi ə njìə vayn yî nyì ə tə ndûə è ghənə ə Enjìp. Faŋ fu se zaʼâ kə m tsayn nə ò ndo, kûmə̀ nə Ɛlɔ̀t nə̀ tomə ə̀ghɨ nə ə kyiŋ vayn vɨnə̀ ə zhwi.”

Tom èchùŋ kè kə Lûk tè nyaʼ 2:9

Tsì ə̀ Pɛ̂pɛ ə fɨə ə ghənə ekyàʼ, pomsê ə Fezhə̀zè ə kyìŋə̀nga ghənə, ghənə e sè fânə̀ nâʼà sə ŋaŋ.

Tom èchùŋ kè kə Lûk tè nyaʼ 24:4

ə tyəmə fumə sè kayntə eghɛ zɛ ze kyàyn. Ndômnè ghə pɛ ə pfɨ̀ŋə̀ tyəmə paʼsə ə ghənə ə ngwùŋ mə ghənə màʼ ndzɨs se fɨfə nyaynə se.

Ətefɨ̂aʼ 10:30

Kɔ̀nilùs ə pìə nə, “Ə̀ tsɛ̀ ke m̀tuʼ mta zôyn kə m ma tsə̂mə̀ fâ mìə ndɛ ashìŋə̀ ə sechwìə sèta èchwì, ə pfɨ̀ŋə̀ fe wùə kə è tyəm ə mì əshi mə è və màʼ ndzɨse, se fɨfə nyaynə̂ kə nyî,

Ətefɨ̂aʼ 12:23

Kè sə ashìŋə̀ tsì ə̀ Pɛ̂pɛ ə tɨmə ezaf ə Ɛlɔ̀t ewìyn kûmə̀ nə è tè fo va kɔʼsêzè sê Zhə̀fè. Ghɔ̂ŋghɔ̀ŋɔtə vəyn te ndwɔ̀tè ə kwɨlə vəyn ə və fètəyn è və kwuə.

Ətefɨ̂aʼ 12:6

Ɛlɔ̀t tè kyiŋə se pə̀yn è Pità əghɨghə shi è pɨsə̀pɨsə̀. Etuʼve, kə tuʼe zo pə̂yn, Ɛlɔ̀t tè kyiŋə se njiə pə̀yn è Pità ə̀təyn əghɨghə shi, Pità tè nyɨ̀ŋ əfètə̂ sè sokə̀ʼ sepɛ̀. Mə ghənə fà vəyn è chaʼse kɔyn tepɛ̀, sokə̀ʼ səmɔ̀ʼɔse e tyəm echo mbàyn, tsɨ̂ŋnə̀.

Ətefɨ̂aʼ 12:8

Tsi ə̀ Pɛ̂pɛ ə̀təyn ə fɨnə pîə sê Pità nə, “Fɛte màʼ ndzɨs sɛse ə tuŋə sepfɨ sə ghòl sɛse.” Pità ə nə̀ zamə. Tsì ə̀təyn ə tsà se vəyn nə, “Màʼ laf kɛke ə chùmtə̀ mi.”

Ətefɨ̂aʼ 16:26

Kè nyi, chike ə shɨŋə nəʼə̀, ə nə̀ʼsə̀ esas ə ndɛ̂ chaʼ nə zɛ. Kè sə ashìŋə̀, cho sendɛ ghəkɨ̂m ə chwìtə̀, chaʼsə əghɨ̀ ə ndɛ ə̀chaʼ ə təynghe ə təyntə̂ nâʼà sèkɨ̂m.

Ətefɨ̂aʼ 2:24

Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

Ətefɨ̂aʼ 5:19

Pîza ə nə̀ nə̂ etuʼve, tsì ə̀ Pɛ̂pɛ ə pə̀ ə chɔʼɔ ècho ndɛ ə̀ chaʼ ətəyn, ə njìə fɨə è ghənə, ə pìə se ghənə nə,

Ətefɨ̂aʼ 9:3

Ə pə̀ kə Sɔ̂l pə̀yn paʼse ə Ndàmaskùs, ghol emɨanəze ə pfɨ̀ŋə̀ mɨ̂anə̀ ekwùtwəyn ə panə wiynə vəyn vekɨ̂m.

Ɛfesùs 5:14

E nyi nyî kûmə̀ nə ə̀ nə̀ èpayn nə nâʼàpî ghè payn ə ndayn. Ə̀ za nyi eghɛ zɛ ə ze tè nəyn wùə vîvè ə pìə nə: “Zə̀mə ə sèmbɨəyn ə wùə vɨ̂yn. Zòmə kə Klâys fo payn sê ghò.”

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Etyə̂yn ə paynsêzè 18:1

Ə̀ tè nyi kə ghɛ nə ghɨ̂nə̀ tsɛ̀, mə fe tsì ə̀mɔ̀ʼɔ̂ è ze tso pə̂ ekwùtwəyn. E tè kyi nâʼà atyaʼa ghaʼâkè, payn ə zəynze e nyi mə zə kɨytê ke chike akɨ̂m.