Ətefɨ̂aʼ 12:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Ə pə̀ kə ko Pità, ə fà vəyn ə ndɛ ə̀chaʼ. Ə fo tsɛsə̀ vəyn sê nɔ̂yn ə sokə̀ʼve kwàʼ nə və tsɨ̂ŋnə̀ vəyn. Nâʼàpî ànɔ̂yn àkɛ̀ tè kyi se sokə̀ʼ se kyàʼ. Ɛlɔ̀t tè pɨaʼtə nə ə zhi mɨ̂sè tuʼ mə Àzhiə Zaʼâ Tsɛ̂m ə zhi pi ə fɨse vəyn ə saʼ vəyn ə ghɨghe əshi.

Ətefɨ̂aʼ 12:4 ပူးပေါင်းရင်းမြစ်များ

Matyò 24:9

Ghɨ tə kyîə ghàyn ə fo ə ghɨghə gho ə ghənə tsɨfse ə zhwite ghàyn. Ndâʼà tekɨ̂m tə nə̂ ə tə pânə̀ ghàyn kè kûmə̀ Mi.

Matyò 26:5

Ghənə ə pìə nə, “Ghâsènì nə̀ nə̂ va zɨnə ashìŋə̀ efɨazhiə ezaʼa tsɛve, ə̀ puzâ ə ghɨə nə ndwise nôzè.”

Ŋwàʼlè ə̀ Mâk 14:1

Ə̀ tè faŋ ke m̀tuʼ mpɛ̀ kə zhi tuʼ fɛ tsì ə̀ Fèzhə̀ tè zaʼ tsɛ sè ndɛ sə ghɨə Isìlâyghè, è tuʼ vɛ kə zhi panə kwaŋ kɛ ə tè nyi mə ə paʼà ndə̀m fèsə̀ʼ ətəyn. Ghɨ kɔʼsə nə eshyə̀ engaŋtəghe yî tyə̀ynsè sə alàŋsè e sè kyiŋə èndom se nyaʼtə̂ kyiə Njisə̀s se zhwi,

Tom èchùŋ kè kə Lûk tè nyaʼ 21:12

Ghɛ nə ghɨyn tə piə kyànə̀ mə ə kyitə̂ ghàyn, fo ngəʼ sê ghàyn, njiə ndùə è ghàyn ashi ə saʼa ə sendɛ sə atsɨ̀yntese, ə ndəm ghàyn ə chaʼ Ə tə njiə ndùə è ghàyn ə̂ fɔ̂yntè əshi è ghɨə saʼa əmɔ̀ʼɔ̂ kè kûmə̀ mi.

Tom èchùŋ kè kə Lûk tè nyaʼ 22:33

Pità ə piə sê vəyn nə, “Pɛ, m pɨaʼte se ndùə ə chaʼ ghasè ghò, pi se kwu ghasè ghò.”

Njɔyn 19:23

Ə pə̀ kə sokə̀ʼse paynte mɨ̂sè Njisə̀s, ə njìə sè ndzɨs sə Vəynse ə chyàtə̀ pɨ̂asvè kwàʼ, nâʼàpî sokə̀ʼ èkè e kyi àpâs àmɔ̀ʼ. Ə njìə kəpi sèndzɨs sɛ ə È tè màʼ əfètəyn. Ndzɨs sə təynse tè nyi ndɔ̀ʼɔ tas elùʼ vîve. Se zhə̀tè atu se tso tàyn esas, zhûŋəke tè va ətəyn.

Njɔyn 21:18

M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.”

Ətefɨ̂aʼ 12:3

Ə pə̀ kə è fe nə ghɨ Njûsə̀ nyîə kɔ̂ŋɔ̀ èghɛ zɛ ə è nə̀yn, è ve nə̀ nə ə pɔŋ kyî Pità. Ghɛ nə zɨ̂nə̀ tè kyàyn sê Pità ə mtuʼ mɛ ə tè zhiə, Zhiəa Apaynke Fèsə̀ʼ e va ətəyn.

Ətefɨ̂aʼ 12:5

Ə ndə̀mə̀ Pità ə ndɛ̂ chaʼ, ghɨə poməghe ə faŋa epàm tsə̂mə̀ sê Zhə̀fè ètəmghe əkɨ̂m.

Ətefɨ̂aʼ 4:28

Ghənə tè zùŋtè ə nə̀ kə èghɛ zɛ ə Ò se nyi mə Ò tə pɨaʼte ndəm kè ə ghò atyaʼ nə e tə kyânə̀.

Ətefɨ̂aʼ 4:3

Ghənə ə pə̀ kyîə Pità yî Njɔyn ə ndùə fâ ə ndɛ chaʼ. Kə lɨma tè kàyne nyi mə kə fɨ̀m, ghənə ə faŋə fu se zaʼâ kə tuʼve zo.

Ətefɨ̂aʼ 5:18

Ghənə ə ko ə̀ghɨtom nə ghɛ ə fâ ə ndɛ̂ chaʼ, ə fètəyn èndaʼ.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.