Ətefɨ̂aʼ 12:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə pə̀ kə è fe nə ghɨ Njûsə̀ nyîə kɔ̂ŋɔ̀ èghɛ zɛ ə è nə̀yn, è ve nə̀ nə ə pɔŋ kyî Pità. Ghɛ nə zɨ̂nə̀ tè kyàyn sê Pità ə mtuʼ mɛ ə tè zhiə, Zhiəa Apaynke Fèsə̀ʼ e va ətəyn.

Ətefɨ̂aʼ 12:3 ပူးပေါင်းရင်းမြစ်များ

Matyò 26:17

Ə fetuʼ fə shife mtuʼ mɛ ə tè zhiə payn ə kwaŋ kɛ ə tè nyi mə ə paʼà ndə̀m fèsə̀ʼ ətəyn, chùmtè èpàm sə Njisə̀sè ə pə̀ se Vəyn ə pfɨfə nə, “Ò kyiŋə nə ghàs ndu fɛte ghayn fɨazhiə ezaʼa tsɛve sê ghò ə?”

Njɔyn 12:43

Ghənə tè nyîə kɔ̂ŋɔ̀ nə ghɨ ghə tsɨ̂tə̀ ghənə tsɛ̂ kə ə tsɨ̂tə̀ Zhə̀fè.

Njɔyn 19:11

Njisə̀s ə pə̀ynsə̀ nə, “Ò kyi va tyaʼ kyîke ə Mì ə tu ə̀ tsɛ̂ kə va mə ə̀ fo Fezhə̀ kəynke sê ghò. Wùə vɛ ə è fo tsɛsè Mi se ghò ə nə̀yn kàyntè ə̀ pi.”

Njɔyn 21:18

M piə sê ghò səmɔʼ nə, ə̀ tè nyi kə ò pa nyi vayn pɔ, o lafə, ndùə nâʼàpî ghayn kə ò kɔ̀ŋɔ̀. Pîza, ò tə twinə̀, ə ò nə̂ o nɛ̀sə̀ akɔyn kɛke, wùə ə lafsə̂ ghò, ə njiə ndùə è ghò elùʼ, mə ò kɔ̂ŋɔ̀ va.”

Ətefɨ̂aʼ 12:4

Ə pə̀ kə ko Pità, ə fà vəyn ə ndɛ ə̀chaʼ. Ə fo tsɛsə̀ vəyn sê nɔ̂yn ə sokə̀ʼve kwàʼ nə və tsɨ̂ŋnə̀ vəyn. Nâʼàpî ànɔ̂yn àkɛ̀ tè kyi se sokə̀ʼ se kyàʼ. Ɛlɔ̀t tè pɨaʼtə nə ə zhi mɨ̂sè tuʼ mə Àzhiə Zaʼâ Tsɛ̂m ə zhi pi ə fɨse vəyn ə saʼ vəyn ə ghɨghe əshi.

Ətefɨ̂aʼ 2:14

Pità yî ghɨətom ə Njisə̀s əmɔ̀ʼɔ njò èmɔ̀ʼ ə ndwìə tyəmə̂ ekwùtwəyn sè wâmnə̀ è kyə̀ è tɛ sê nɔ̂yn kɛ nə, “Ghɨ Njûsə̀, è ghàyn əkɨ̂m ghɛ ə ndamə ə Njèlusalɛ̀m, ghàyn zɨte sê mi, m tsayn ghɛ zɛ ə ghɛ nə zɨ̂nə̀ tyə̀nə̀ sê ghàyn.

Ətefɨ̂aʼ 20:6

Ghàs ə njiə ə ngwùʼ ə Filìpây mə ə̀ tsɛ̀ tso ke m̀tuʼ mɛ ə tè zhiə paynke ətəyn ndɔ̀ʼɔ ndəm fèsə̀ʼ, ə pə̀ kə tuʼm̀ tsɛ̀ mtâyn, ə kotə̂ ndûə ghənə, ə nə̀ ngàm fu.

Ətefɨ̂aʼ 24:27

Ə pə̀ kə Pìŋsè tsɛ̀ sepɛ̀, Posiyùs Festùs ə pə̀ njiə eluʼ ə Felèsvè kə atu apàs endaʼke. Pîza Felès ə ndò ndɔ̀ʼɔ è fɨse Pɔ̂l ə ndɛ ə̀ chaʼ kûmə̀ nə è tè kyiŋə nə ghɨə Njûs ghə kɔ̂ŋɔ̀ vəyn.”

Ətefɨ̂aʼ 25:9

Pîza Festùs e kyiŋə se kyî ekyàʼ echûŋzè yîghə̀ ghɨə Njûsghè. Ə ke pfɨf sê Pɔ̂l nə, “Ò kyiŋə ndò se ndù ə Njèlusalɛ̀m nə ndu saʼ ghò ə mì ə shi kûmə̀ ə̀ghɛ ghɨ̀nə̀ ə piə fâyn kûmə̀ gho ə̀?”

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ngàleshyà 1:10

E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.