Ətefɨ̂aʼ 11:3 - Ŋwàʼlè ə̀ Fèzhə̀ Mkâyn Mə̂ Fèm

³ “Kûmə̀ ghe ə ò ndùə sê ghɨ ghɛ ə vachi ə̀ghɨ Njûsghè, ə̀ghɨ ndɔ̀ʼɔ se nam ə ghənə̂ghè, ghâynghə̀ ghənə e zhiə paʼsə̂ kə nâʼà luʼve emɔ̀ʼ ə?”

Ətefɨ̂aʼ 11:3 ပူးပေါင်းရင်းမြစ်များ

Matyò 9:11

Kə ghɨ Falàsî əmɔʼɔ fe kə Njisə̀s tsɨsə yîghə̀ kyì ghɨ̀ ghɛ, ə pfɨf sê chùmtè epàm sə Njisə̀sè nə, “Kûmə̀ ghè ə tyə̀ynsè vâyn zhiə yî ghɨ ghɛ ə ghe tənə tâksè è ghɨ epi ghə?”

Tom èchùŋ kè kə Lûk tè nyaʼ 15:2

Ghɨ Falàsî yîghe yî ghə̀ tyə̀ynsè sə alàŋsè ə fe za sè tɨmnə̂ zô, piə nə, “Wùə vɨ̀nə pomə̂ nə naʼapi əghɨ pighe ə pə̂ ə və ngwùŋ, fɨnə zhiə nâʼà yî ghə̀ ghənə.”

Njɔyn 18:28

Nâʼà pɨsə̀pɨsə̀, ə njîə Njisə̀s ə Kayfàs apɨəyn, ə ndùə è Vəyn ə tu apàs endaʼke ə tɔʼ. Ghɨ Njûs ə ghaʼâghè ə tàʼa nji fumə tɔʼ, kûmə̀ nə ghənə tè kyiŋə se lotə ndə̀mə sengɨŋ sə ghənə̂sè nə sə nyi èzoze ə Zhə̀fè əshi kè kə ndam endaʼze tyə̂nə̀, endom sə nyi èpɨaʼtêzè se zhi ezaʼa tsɛze.

Ətefɨ̂aʼ 10:23

Pità ə pìə nə ghənə nji pəyn ə yighə̀ ghənə pɨəyn. Tuʼve ə zo, Pità ə ndò yî ghənə paʼsə̂ è ghɨ pomə əmɔ̀ʼɔghe ə Njopà.

Ətefɨ̂aʼ 10:28

È və pîə sê ghənə nə, “Ghàyn ke ndô nə saʼ əghɨ̀ ə Njûszè pomə̂ va nə ghàs ə mô ètum ə ghənə sendɛ, pomə̂ va nə ghàs ə kwîə ghasè tum ə təynve. Pîza Zhə̀fè ə tyə̀yn sê mi nə, m kyi va se pì nə wùə zo kwəynə̂ va kɨ̀sə nə è nyîə fɨ̂mə̀ ə Zhə̀fè shi.

Ətefɨ̂aʼ 10:32

Tiynse wùə ə Njopà, ə ghənə ndu tɔŋɔ wùə fu, zə vəyn ze nyi Shimùyn mə ə tɔŋtə̂ vəyn nə Pità. È nyi wùə èmòtə pə ə wùə ə ndɛ mə è nə̀ efɨaʼ è pfɨ̀ sə nyâmsè e tɔŋtə̂ vəyn nə Shimùyn. Shimùyn ə̀təyn ndamə paʼsə̂ etipìə ènjwì ə fengwaŋve.’

Ətefɨ̂aʼ 10:48

È və wàmnə̀ za ə ke pì nə ə fo môm sê ghənə ezə Njisə̀s Klâyszè. Ghənə ə pìə sê Pità nə è ndamte yîghə̀ ghənə sə mtuʼlə̂.

1 Kɔlìŋ 5:11

M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

Ngàleshyà 2:12

Tsɔ̀fə kə ghɨ mɔ̀ʼɔ ndo sê Njə̂m ə pəyn fu, Pità tè nyîə zhiə yî ghə̀ ghɨ ghɛ ə tè vachi ə̀ghɨ ə Njûsghè. Pîza ə pə̀ kə ghɨ ə təynghe pə̂yn, Pità ə zhə̀tə̀ sè kɔ̂ytə̀ ndùə kə epàm ə ghaŋə ə̀ghɛ ə tàʼa fɨnə zhi yîghə̀ ghɨ ghɛ ə̀ tè vachi ə̀ghɨ ə Njûsghè kûmə̀ nə è tè fànə əghɨ nə ghɨ̂yn ə tè pìə nə, ə kyi sə̂ se ənam əghɨ̀ ghɛ ə̀ tè vachi ə̀ghɨ Njûsghè, nyi mə pomə̂.

2 Njɔyn 1:10

Ə̀ pə̀yn pîndè sê ghàyn zaʼlə̂ va zaʼlê nə zɨ̂yn, kə ghàyn fi vəyn ə gha ə sendɛ, kə ghàyn tɔŋte pî ghənə kə tɔŋtə ghɨ ə epoməghe.