Ətefɨ̂aʼ 11:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 11:29 ပူးပေါင်းရင်းမြစ်များ

Ngàleshyà 2:10

Ghɛ zɛ ə ghənə tè pi nə ghàs ə nə̂ tè nyi nə ghàs ə kwaʼtə̀ ə̀ghɨ afɨfə ə ghàs ə fètəyn, ə̀ nyi èghɛ zɛ ə m kɔ̂ŋɔ̀ nâʼà sə ŋaŋ sə̂ nə̂.

1 Kɔlìŋ 13:5

Wùə vɛ ə è kɔ̀ŋə̀, chìynə̀ va ghɨghe, è kwaʼtə̀ kə va se ngɨŋə̂ vəyn, è nyɔʼsə̀ va tɔŋve, è ndə̂mə̀ va ghɛ ə pi ghɛ ə nyi mə ə nə̀yn se vəyn ə və təm,

Ətefɨ̂aʼ 11:26

Ə̂ pə̀ kə è kyiŋ fe vəyn, è və njiə ndûə è vəyn ə Antyòk. È və ke ndam yî vəyn fu sə pîŋ èfɨ̀plè, ghənə əpɛ̀ e tsɨ̂yntə̀ yighə̀ ghɨ ndɛ ə̀ Fezhə̀ghe. Ghənə ə zaʼlə̂ ə̀ghɨ pomə fu ghe tsɨ̂ə kə nyi. Ə tè nyi Antyòk kə tè zhə̀te se tɔŋtə sechùmtè sə Njisə̀s sè nə əghɨ ə Klâysghè.

Ətefɨ̂aʼ 11:1

Ghɨətom ə Njisə̀sghè è ghɨə pomə əmɔ̀ʼɔ̂ ghɛ ə ghe tè nyi epɨ̀as endaʼ vekɨ̂m ə Njòndyâ, ə tə zɨ nə ghɨatumə ə pɔŋ fi ndzɨsê ghɛ ə Fezhə̀zè.

Ətefɨ̂aʼ 4:34

Wùə tè va əfètəyn ànɔ̀yn nə kɨ̂yn ə è tè làʼà fɨake. Ghɨ ghɛ ə ghe tè kyi mbvɨynse è ndɛse tè pəʼlə̂ efɨa nə vɨ̂yn, pə̀ è kɛ ətəynve,

Njɔyn 2:2

Njisə̀s è chùmtè èpàm sə vəynse e nyi mə ə tɔŋə̂ kepî ghənə fumə ə malə̂.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 6:1

Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

Ətefɨ̂aʼ 9:19

Ə pə̀ kə è zhi fɨake, tyaʼa vəynke ə kɛsə̂ pə̂. Sɔ̂l ə fɨnə ndamtə̂ kɔʼɔ pə̂ mtuʼlə̂ yighə̀ ghɛ ə tè nyi mə ə pomə̂ Njisə̀s ə Ndàmaskùs,

Ətefɨ̂aʼ 9:25

Ə tè nyi etuʼve tuʼ fîfe, chùmtè èpàm sə Sɔ̂lsè ə njìə vəyn ə ndə̀mə̀ ə àkɛ̀ ə fɨsə̂ vəyn apùʼ ewìyn ə mbàyn zɛ ə è tè nyi mə è zə kyɨ̀ŋ ka ndaʼ ətəynze ə tsosə̂ tɔmə ə pyɨəyn, è və tə ndô.

Ətefɨ̂aʼ 13:52

Chùmtè èpàm sə Njisə̀s shise ə Antyòk ə faŋa epàm sè saŋnə̂ nâʼà àchûŋ, mə ə lwiyn è Zuʼ se Ŋwaʼase.

Ətefɨ̂aʼ 14:20

Ə pə̀ kə ghɨ ghɛ ə tè nyi mə pomə pə̀yn ə zùŋtə̀ ka Pɔ̂l, è və ndwìə ə kɛsə njiə ndùə əfètəyn ə̀ tɔ̂ŋ. Tuʼve ə zo, yî Pànapàs ə ndò ndûə endaʼ ə Ndepìzè.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 24:17

Ə tè nyi kə m tsɛsè pìŋsè setsɨ̀ mə m va ə Njèlusalɛ̀m, mə ndùə fumə kə tom nə m pəyn fo èkɛ sê ghɨ ghɨmə, ə m fɨyn fo èfo se Zhə̀fè.

Matyò 25:17

Kèpî famə endom, vɛ ə è tè fi kamse pɛ̀ ə kyîə kwəynsə̂ sèkam səmɔ̀ʼɔ sepɛ̀.