Ətefɨ̂aʼ 11:12 - Ŋwàʼlè ə̀ Fèzhə̀ Mkâyn Mə̂ Fèm

¹² Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 11:12 ပူးပေါင်းရင်းမြစ်များ

Matyò 1:20

Kə è kwàʼtə̀ se za Mèli, tsì ə̀ Pɛ̂pɛ ə pə̀ sê vəyn ə tsəm, ə pìə sê vəyn nə, “Njosɛ̀f, va Ndàfît, kə ò fayn se njìə Mèli sə ghò zhwi kûmə̀ nə vayn vɛ ə è pɔŋ ndo sê Zuʼse Ŋwaʼase.

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 10:23

Pità ə pìə nə ghənə nji pəyn ə yighə̀ ghənə pɨəyn. Tuʼve ə zo, Pità ə ndò yî ghənə paʼsə̂ è ghɨ pomə əmɔ̀ʼɔghe ə Njopà.

Ətefɨ̂aʼ 10:45

Ghɨ Njûs ə pomə ghɛ ə yîghə̀ Pità tè ndò pə̀yn ə Njopà əmɔʼ e sè nyi èkaynze kə Zhə̀fè fo Zuʼse Ŋwaʼase sê ghɨ ghɛ ə̀ tè va ə ghɨ ə Njûsghè.

Ətefɨ̂aʼ 11:13

È və tsà sê ghàs kə è fè fe tsì, e tyəm ə vəyn ə ndɛ. Tsì ətəyn ə pîə sê vəyn nə, ‘Tom wùə ə è ndu tɔŋɔ wùə ə Njopà, mə zətə vəyn tekɨ̂m nyi Shimuyn Pità.

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 13:4

Zuʼ se Ŋwaʼase ə tiynsə̂ Pànapàs yî Sɔ̂l za, ghənə ə tso endaʼ ə Sèlusyà ə njiə ə ngwùʼ ə ndùə apàs endaʼ ə Sàypulòsè, ze nyi əfètə̂ tsò mə è zə kyɨ̀ŋ ka.

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 15:9

Fe paʼà tyə̀yn sə nɨŋ sê ghâsènì è ghənə. Fe ə lɛ̀sè fo pisə ghənə̂sè kûmə̀ nə ghənə ə pomə̂.

Ətefɨ̂aʼ 28:15

Ə̀ tè se nyi mə ghɨe poməghe ə Lûm ə zɨ nə ghàs pə̂ ndò, ə pə̀ se lɨmtə ghàs ə setɔ̂ŋ sə Ezhɔynə Apiyùsvè, yîghe e lɨmtə̂ kəpi ghàs elùʼ vɛ ə ghɨ e motə pə tè pə njiə ətəyn, e tɔŋtə̂ nə, Ndɛ sə ghɨ̀ ə Motə pə seta. Ə pə̀ kə Pɔ̂l fe ghənə, ə fo àzɔ̀ŋnè se Zhə̀fè ze ə nə̀ vəyn è və kyi ə̀təm ə tɛghe.

Ətefɨ̂aʼ 8:29

Zuʼse Ŋwaʼase ə pîə sê Filìp nə, “Nduə fɛ ə ngwùŋ ə̀ fèchaʼ ə faŋə kə fu.”

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

2 Tèsàlonikà 2:2

kə ghàyn nə za nə ghɨə fəʼ tu kaynke ezhoghɛ ə ghənə pîə nə tuʼ fɛ ə Pɛ̂pɛ nyi se pə̀yn ətəyn se nyi mə fə kàynè kwəyn. Ghɨə kaʼa kwaʼtə̀ nə ghàs tè pì zɨnə ashìŋə̀ kɛ ə ghàs tè tsâ ghɛ ghɛ Zhə̀fè tyə̀yn sê ghàs, pi ashìŋə̀ kɛ ə ghàs tè ndàʼa tom ə̀ Fèzhə̀, è kɨsè nə ə̀ kàʼa nyi mə ghàs tè nyaʼ zəynze ə ŋwàʼlè.

Etyə̂yn ə paynsêzè 22:17

Zuʼse yî Zhwìə ndom pi nə, “Pə.” Naʼapi ndè vɛ ə è zɨ ghɛ zɨ̂nə̀ kyi kepî ndò se pì nə, “Pə.” Ə pfɨ̀ŋ m̀mò zuʼsə nâʼàpî ndè e kyiŋə se mɨ mmo, è və pə̀ fiə m̀mo mɛ ə m̀ fo ndamze, ə mɨə səndô.