Ətefɨ̂aʼ 11:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɨətom ə Njisə̀sghè è ghɨə pomə əmɔ̀ʼɔ̂ ghɛ ə ghe tè nyi epɨ̀as endaʼ vekɨ̂m ə Njòndyâ, ə tə zɨ nə ghɨatumə ə pɔŋ fi ndzɨsê ghɛ ə Fezhə̀zè.

Ətefɨ̂aʼ 11:1 ပူးပေါင်းရင်းမြစ်များ

Matyò 2:1

Ə tè piə Njisə̀s ə tɔ̂ŋ ə̀ Petlɛ̀ghêm apàs endaʼ ə Njòndyâkè, ə shɨŋ zɛ ə Ɛlɔ̀t tè nyi fɔ̀yn. Ghɨ yîghe mə tè naynə mlî tɔŋə kê èghɛ zɛ lì mə təm pìə, ə pə̂ Njèlusalɛ̀m, mə ndo apàs kɛ ə zhwize sa ətəyn,

Matyò 8:11

M piə sê ghàyn nə ghɨ etsɨəghe tə fɨə mə ghe ndo kê əte tàŋ tèkɨ̂m ə mbi, ə pəyn tsɨsə̂ elùʼ azhi elùʼ efɔ̀yn ə Fezhə̀vè yighə̀ Aplàghâm, è Azɨ̀k, è Njàkɔ̂p.

Ŋwàʼlè ə̀ Mâk 16:5

Ghənə ə njiə ndûə eshyə̀ eghaʼâzè ə fe èkwuŋ vîve è ndzɨse fɨfə̂sè ewìyn, è ve tsɨs apàs ekɔyntwɔke. Ndɨmke ə tənə̂ ə ghənə mndɛ̀.

Tom èchùŋ kè kə Lûk tè nyaʼ 2:32

Sɔ̂sè nə zɨnə mə tə nə ə ze ə nyi epayn zɛ e tyə̂nə̀ paynsə̂ ndôm vɛve sê ghɨ ghɛ ə̀ va əghɨ ə Njûsghè, fo èpomsê sê ghɨə Isìlâyghè, əghɨ ghɛ.”

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 14:27

Ə̀ tè nyi kə ghənə pə̂yn fɨ ə Antyòk, ə zùŋtə̀ ànɔ̂yn ə əghɨ̀ ə ndɛ ə̀ Fezhə̀kè ə tsà kɔʼɔ ə̀ghɛ əkɨ̂m ghɛ ə Zhə̀fè nə̀yn tɔynə̂ ə ghənə, ə fɨnə tsâ kəpî kə Zhə̀fè fo ndom nə ghɨ ghɛ ə̀ vachi ə̀ghɨ ə Njûsghè pɔŋ pomə̂ Njisə̀s.

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 28:15

Ə̀ tè se nyi mə ghɨe poməghe ə Lûm ə zɨ nə ghàs pə̂ ndò, ə pə̀ se lɨmtə ghàs ə setɔ̂ŋ sə Ezhɔynə Apiyùsvè, yîghe e lɨmtə̂ kəpi ghàs elùʼ vɛ ə ghɨ e motə pə tè pə njiə ətəyn, e tɔŋtə̂ nə, Ndɛ sə ghɨ̀ ə Motə pə seta. Ə pə̀ kə Pɔ̂l fe ghənə, ə fo àzɔ̀ŋnè se Zhə̀fè ze ə nə̀ vəyn è və kyi ə̀təm ə tɛghe.