Ətefɨ̂aʼ 10:4 - Ŋwàʼlè ə̀ Fèzhə̀ Mkâyn Mə̂ Fèm

⁴ È və naynə̂ ndûə tsì ə̀təyn kè efàyn efàyn, ə pìə nə, “Pɛ̂pɛ ə̀ nyi ghe?” Tsì nə zɛ ə pə̀ynsə̀ nə, “Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə, sè nyi èpɨaʼtêzè se pomə̂ ə etsə̂m zɛze.

Ətefɨ̂aʼ 10:4 ပူးပေါင်းရင်းမြစ်များ

Matyò 26:13

M pîə sê ghàyn səmɔʼ nə ə nə ndàʼà nâʼàpi ghayn tom èchùŋ zɨ̀nə̀ ə mbi èkɨ̂m, ghɛ zɛ ə è nə̀yn ə tsâ sə kwâʼtə̀ vəyn.”

Tom èchùŋ kè kə Lûk tè nyaʼ 1:29

Ghɛ ətəynze ə fɨmsə̂ Mèli nâʼà sə ŋaŋ, è və kayntə̂ nə ə̀ nyi kyì etɔŋtê èkè nə zɨnə mə ə?

Tom èchùŋ kè kə Lûk tè nyaʼ 24:5

Fâynzè ə ko ghənə, ghənə tsosə etu ə chi. Ghɨ ətəyn ə pfɨfə sê ghənə nə, “Kûmə̀ ghè ə ghàyn kyiŋə wùə e twɔ əfètə̂ ə ghɨə kwutə ghə?

Ətefɨ̂aʼ 10:31

ə pìə sê mi nə, ‘Kɔ̀nilùs, Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə.

Ətefɨ̂aʼ 14:9

Wùə nə vɨ̂yn e zɨtə̂ kə Pɔ̂l tè ndàʼa tom èchùŋ sê ghɨ. Pɔ̂l ə naynə̂ ndùə vəyn ə fe nə è nyîə kyi epomə̂ mə ze kàʼa ə ze nəyn ə è tɛ,

Ətefɨ̂aʼ 22:10

Mə pfɨf sê vəyn nə, ‹M kwi zayn zôyn ə Pɛ̂pɛ?› È və pìə sê mi nə, ‹Ndwi ə nji ndùə əfètəyn endaʼ ə Ndàmaskùszè, kə ə tsayn ghɛ zɛ ə Zhə̀fè kyiŋə nə ò nəyn.›

Ətefɨ̂aʼ 3:4

Ghənə ə naynə̂ ndùə vəyn kè ekyàʼ, Pità ə pìə sê vəyn nə, “Nayne pə̀yn ghàs nyî.”

Filìpây 4:18

M pîə sê ghàyn zôyn nə mə kotê nâʼà fɨave ekɨ̂m vɛ ə ghàyn tè tom, ə kyiə kwəynsə̂ pi və mɔ̀ʼɔve. Èpàfàlonditùs ə tə pə̀yn nâʼà pî è ghè vɛ ə ghàyn tè fo nə è pəyn fo sê mi. Fɨa nə vɨ̂yn nyi kə emaʼte, è foze kə fo sê Zhə̀fè, ve lɨ̂mtə̀ fɔmə kə nyî, mə Fə fi, ve tsɔ̀fə sê vəyn.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.

Ipilù 13:16

Kə wùə nə lɛ̂sè sə̂ nə̂ eghɛ echuŋzè sê wùə kɨ̀sə sə̂ chyàtə̀ àfɨa kɛ ə è kyi se fo wùə ə̀ mɔʼɔ. Ghɛ nə ghɨnə nyi sê Zhə̀fè kə efo, ghe nə̂ nə fe ə saŋnə̂.

Ipilù 6:10

Zhə̀fè nə̀ va m̀nàŋ endom vɛ ə è saʼa ətəyn. Fe vayn kàʼa fe lɛse kɔ̂ŋ zɛ ə ghàyn tyə̀yn sê ghɨ vəynghe è fɨ̂aʼ zɛ ə ghàyn nə̀ se tsàmtè ə ghənə. Ə̀ nyi nâʼà pî zôyn, ghàyn pa fɨ̂aʼà kə za.

Etyə̂yn ə paynsêzè 8:4

Ndəʼ kɛ ə ke tè fɨə pə̂ fumə endiŋ zɛ ə tè nyɔʼ e kɔʼɔ ndûə paʼsə̂ è tsə̂m tə ghɨ̀ ə Fezhəghè ətəyn, mə ke fɨə pə̂ tsì zɛ agho ə è tè tyəm ə Zhə̀fè əshi.