Ətefɨ̂aʼ 10:32 - Ŋwàʼlè ə̀ Fèzhə̀ Mkâyn Mə̂ Fèm

³² Tiynse wùə ə Njopà, ə ghənə ndu tɔŋɔ wùə fu, zə vəyn ze nyi Shimùyn mə ə tɔŋtə̂ vəyn nə Pità. È nyi wùə èmòtə pə ə wùə ə ndɛ mə è nə̀ efɨaʼ è pfɨ̀ sə nyâmsè e tɔŋtə̂ vəyn nə Shimùyn. Shimùyn ə̀təyn ndamə paʼsə̂ etipìə ènjwì ə fengwaŋve.’

Ətefɨ̂aʼ 10:32 ပူးပေါင်းရင်းမြစ်များ

Njɔyn 18:28

Nâʼà pɨsə̀pɨsə̀, ə njîə Njisə̀s ə Kayfàs apɨəyn, ə ndùə è Vəyn ə tu apàs endaʼke ə tɔʼ. Ghɨ Njûs ə ghaʼâghè ə tàʼa nji fumə tɔʼ, kûmə̀ nə ghənə tè kyiŋə se lotə ndə̀mə sengɨŋ sə ghənə̂sè nə sə nyi èzoze ə Zhə̀fè əshi kè kə ndam endaʼze tyə̂nə̀, endom sə nyi èpɨaʼtêzè se zhi ezaʼa tsɛze.

Njɔyn 4:9

Wùzhɔyn ə̀təyn ə pə̀ynsə̀ sê Njisə̀s nə, “Ò nyi wùə ə Njû, m nyi wùə zhɔyn ə̀ Sàmalyà, Ò kwì zayn sə̂ ndɔnə m̀mo sê mi ə?” (Wùə Njûs tè vayn kàʼa è tomne wà kɨ̀sə tɔ̀yn yî wùə Sàmalyà.)

Ətefɨ̂aʼ 10:31

ə pìə sê mi nə, ‘Kɔ̀nilùs, Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə.

Ətefɨ̂aʼ 10:33

Mə ke tiynsə̂ tom kè ashìŋə̀ nə kɛ nə ə pəyn ghò, ò vɛ o nə̀yn achûŋ ə pə̀. Zôyn se nyi, ghâsènì e tsɨ̂yntè nyi ke ə Zhə̀fè əshi, lɨmtə̂ se zɨə əghɛ ə̀kɨ̂m ghɛ ə Pɛ̂pɛ Zhə̀fè pi nə ò tsayn sê ghàs.”

Ətefɨ̂aʼ 10:5

Tiynse ghɨə zôyn, endaʼ ə Njopàzè nə ndu tɔŋɔ wùə vîvè mə zə vəyn nyi Shimùyn e tɔŋtə̂ nə Pità.

Ətefɨ̂aʼ 11:14

Shɨ̂ŋə̀ kɛ ə è pə̀yn ə è tsayn tom sê ghàyn, ə tom ə̀təyn nəyn ə Zhə̀fè sɔza ghàyn, è sas ə ndɛ zɛze.’

Ətefɨ̂aʼ 11:3

“Kûmə̀ ghe ə ò ndùə sê ghɨ ghɛ ə vachi ə̀ghɨ Njûsghè, ə̀ghɨ ndɔ̀ʼɔ se nam ə ghənə̂ghè, ghâynghə̀ ghənə e zhiə paʼsə̂ kə nâʼà luʼve emɔ̀ʼ ə?”

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 16:9

Ə pə̀ ètuʼve fumə ə fetuʼ, Pɔ̂l ə fe ə̀ghɛ ə telaynəlayn. È və fe wùə mə è ndò apàs endaʼ ə Màsèndonyàkè, è ve tyəm ə vəyn əshi, chyatə̂ vəyn piə nə, “Tyàŋà pə ə Màsèndonyà ə tsàmtə ghàs.”

Ətefɨ̂aʼ 9:43

Pità ə ndamtə̂ ə Njopà sə mtuʼlə̂ ə wùə vîvè ə ndɛ zə vəynze e nyi Shimùyn mə è tè nə̂ efɨaʼ è pfɨ̀ sə nyâmsè.

Ətefɨ̂aʼ 9:6

Pîza, ndwi ə njiə ndûə əfètəyn èndaʼ, kə ə tsayn ghɛ zɛ ə ò kyi se nə̀yn.”