Ətefɨ̂aʼ 10:23 - Ŋwàʼlè ə̀ Fèzhə̀ Mkâyn Mə̂ Fèm

²³ Pità ə pìə nə ghənə nji pəyn ə yighə̀ ghənə pɨəyn. Tuʼve ə zo, Pità ə ndò yî ghənə paʼsə̂ è ghɨ pomə əmɔ̀ʼɔghe ə Njopà.

Ətefɨ̂aʼ 10:23 ပူးပေါင်းရင်းမြစ်များ

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 10:29

Ə̀ za nyi eghɛ zɛ ə Kɔ̀nilùs fè tom tɔŋɔ mi, m tàʼa pfɨf eghɛ nâʼà səkɔs, pîza ə pə̀ kə ndò. Tsa ə Kɔ̀nilùs nə, ò tom tɔŋɔ mi sə ghe ə?”

Ətefɨ̂aʼ 10:33

Mə ke tiynsə̂ tom kè ashìŋə̀ nə kɛ nə ə pəyn ghò, ò vɛ o nə̀yn achûŋ ə pə̀. Zôyn se nyi, ghâsènì e tsɨ̂yntè nyi ke ə Zhə̀fè əshi, lɨmtə̂ se zɨə əghɛ ə̀kɨ̂m ghɛ ə Pɛ̂pɛ Zhə̀fè pi nə ò tsayn sê ghàs.”

Ətefɨ̂aʼ 10:45

Ghɨ Njûs ə pomə ghɛ ə yîghə̀ Pità tè ndò pə̀yn ə Njopà əmɔʼ e sè nyi èkaynze kə Zhə̀fè fo Zuʼse Ŋwaʼase sê ghɨ ghɛ ə̀ tè va ə ghɨ ə Njûsghè.

Ətefɨ̂aʼ 11:12

Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 28:15

Ə̀ tè se nyi mə ghɨe poməghe ə Lûm ə zɨ nə ghàs pə̂ ndò, ə pə̀ se lɨmtə ghàs ə setɔ̂ŋ sə Ezhɔynə Apiyùsvè, yîghe e lɨmtə̂ kəpi ghàs elùʼ vɛ ə ghɨ e motə pə tè pə njiə ətəyn, e tɔŋtə̂ nə, Ndɛ sə ghɨ̀ ə Motə pə seta. Ə pə̀ kə Pɔ̂l fe ghənə, ə fo àzɔ̀ŋnè se Zhə̀fè ze ə nə̀ vəyn è və kyi ə̀təm ə tɛghe.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Ətefɨ̂aʼ 9:38

Ə̀ tè tyàfə va se ndò ə Njopà se ndù ə Lindà. Ə pə̀ kə ghɨ poməghe zɨ nə Pità nyi ə Lindà, ghənə ə tomə ə̀ghɨ ə̀pɛ̀ sê vəyn è chatêzè nə “È zaŋse pəyn sê ghənə.”

Ətefɨ̂aʼ 9:42

Saʼghe kûmə̀ èghɛ nə zɨ̂nə̀ ə waŋə kə tə̀ʼ ə Njopà èkɨ̂m, ghɨ tsɨəghe ə pomə sê Pɛ̂pɛ Njisə̀s.

2 Kolìŋ 8:21

Ghàs kyiŋə kə sə̂ nə̂ èghɛ zɛ ə ze nyi chichi. Ghàs nə̀ kə va ə Zhə̀fè əshi, ghàs nə̀ kəpi ndò əghɨ mɔ̀ʼɔghe əshi.

Ipilù 13:2

Kə ghàyn tə lɛ̂sè sə̂ fiə ndzɨsə̂ ə̀ghɨ ə motə pə ə ghàyn ə sendɛ. Ghɨə mɔ̀ʼɔghe ə fi ndzɨse ghɨghe, ke va nə ghənə fiə sètsì.

1 Pità 4:9

Ghàyn e fɛtə fiə ə̀ ghɔnyì ghaynghe ə ghàyn ə sendɛ, fiə kə nâʼà è təmze emɔ̀ʼ, shwinə̂ va.