Ətefɨ̂aʼ 10:2 - Ŋwàʼlè ə̀ Fèzhə̀ Mkâyn Mə̂ Fèm

² Kɔ̀nilùs tè nyi wùə chumtə̀ ə̀ghɛ ə Fezhə̀ghè epàm. Vəyn è sas ə ndɛ vəynze ekɨ̂m tè nyîə nə̂ èfɨaʼa Fezhə̀zè. Kɔ̀nilùs tè fo ètsâmtè sê ghɨ afɨfə Njûsghè, fɨnə tsə̂mə̀ sê Zhə̀fè shîŋə̀ tekɨ̂m.

Ətefɨ̂aʼ 10:2 ပူးပေါင်းရင်းမြစ်များ

Matyò 25:17

Kèpî famə endom, vɛ ə è tè fi kamse pɛ̀ ə kyîə kwəynsə̂ sèkam səmɔ̀ʼɔ sepɛ̀.

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Tom èchùŋ kè kə Lûk tè nyaʼ 2:25

Ə̀ tè nyi zâ wùə vîvè e nyi ə Njèlusalɛ̀m, zə vəynze e nyi Simyòn, Zuʼse Ŋwaʼase e nyi ə və tu, è ndamə kə nâʼà chichi, njiə àshîŋə̀ se fɨ̂aʼ efɨaʼ ə Fezhə̀e. È tè lɨmtə kə etuʼ vɛ kə̂ Pɛ̂pɛ tə zə̂sə̀ shîəm mə ghɨə Isìlâym̀ ətəyn,

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Ətefɨ̂aʼ 10:31

ə pìə sê mi nə, ‘Kɔ̀nilùs, Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə.

Ətefɨ̂aʼ 10:35

Ə ò fɨ nâʼà pi endaʼ èkè, ò kɔʼsə Fəynfe, fɨnə nə̂ ə̀ghɛ ghɛ ə fe kyiŋə, ə Fe fi njisê ghò.

Ətefɨ̂aʼ 10:4

È və naynə̂ ndûə tsì ə̀təyn kè efàyn efàyn, ə pìə nə, “Pɛ̂pɛ ə̀ nyi ghe?” Tsì nə zɛ ə pə̀ynsə̀ nə, “Zhə̀fè ə zɨ tsə̂m zɛze ə fɨnə fe ètsâmtè zɛ ə ò fo sê ghɨ afɨfə, sè nyi èpɨaʼtêzè se pomə̂ ə etsə̂m zɛze.

Ətefɨ̂aʼ 10:7

Tsì ə̀təyn ə wàmnə̀ mɨ̂sə̀ sê Kɔ̀nilùs ə ndò. Kɔ̀nilùs ə tɔŋɔ̂ ə̀ghɨ fɨaʼa ə vəynghe əpɛ̀, paʼsə̂ è sokə̀ʼ èmɔ̀ʼ è chûmtə̀ èghɛ ə Fezhə̀zè epàm mə ə̀ nyi sokə̀ʼ vɛ ə è tè tsɨ̀ŋnə Kɔ̀nilùs.

Ətefɨ̂aʼ 11:14

Shɨ̂ŋə̀ kɛ ə è pə̀yn ə è tsayn tom sê ghàyn, ə tom ə̀təyn nəyn ə Zhə̀fè sɔza ghàyn, è sas ə ndɛ zɛze.’

Ətefɨ̂aʼ 13:16

Pɔ̂l ə ndwìə ə nə̀ʼsə̀ àgho se nə̀yn nə ghənə kɨmə̂ mɔŋ ə zhə̀tə̀ se wàmnè. È və pìə nə, “Ghɔnyì ghɨm ghə Isìlâyghè, è ghɨə mɔ̀ʼɔ ghɛ ə ghe nyi fâyn, ə ghàyn ghɛ ə ghàyn ngɨmnə Zhə̀fè, ghàyn zɨte ghɛ zɛ ə m kyiŋə se pì.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 18:8

Klispùs vɛ ə è tè nyi atu sê ndɛ àtsɨ̂ynte nə zɨnə̀ ə pomə̂ sê Zhə̀fè, paʼsə̂ kə è sas ə ndɛ vəynze kɨ̂m. Ghɨə tsɨə mɔ̀ʼɔghe endaʼa Kolìnzè ə zɨə tom ə̀təyn, ə pomə̂, ə fo m̀mo sê ghənə.

Ətefɨ̂aʼ 2:5

Ə̀ tè nyi əshɨŋ nə zɛ̂, ghɨ Njûsə̀ ghɛ ə ghe tè kɔʼsə Zhə̀fè e nyi ə Njèlusalɛ̀m mə ghənə fɨ pə̂yn ə tendaʼ, te tsɨ̀ə kə nyi ə mbi.

Ətefɨ̂aʼ 22:12

Wùə vîvè tè nyîə nyi fumə endaʼ zə vəynze nyi Ànàniyàs, ə̀ nyi wùə Fèzhə̀ ndəmə̀ àlâŋ, nâʼà ə̀ghɨ ə Njûs ghɛ ə tè ndamə fumə e kɔʼsə̂ vəyn àchûŋ.

Ətefɨ̂aʼ 8:2

Ghɨ mɔ̀ʼɔ ghɛ ə ghe tè ndə̀m təm ə ghənə̂ əkɨ̂m sə̂ kɔʼsə Fèzhə̀ ə pfɨ̀mə̀ Shìtifɨ̀yn ə chìə èkwu ə vəyn nâʼà sə ŋaŋ.

Ətefɨ̂aʼ 9:11

Pɛ̂pɛ ə pìə sê Ànàniyàs nə, “Ndwi ə ndùə endom vɛ ə tɔŋtə nə Endom e Nanəve ə pfɨfə ndɛ̂ wùə vîvè fu, e tɔŋtə̂ vəyn nə Njondàs. Ə ò ndù zaʼâ fu, o pfɨfə wùə vîvè mə è ndo endaʼ ə Tasùszè, e tɔŋtə̂ nə Sɔ̂l. Nâʼà zôyn nyi, è nyi fu tsə̂mə̀,

Ətefɨ̂aʼ 9:31

Ə̀ nyì se zhə̀tè fumə ashìŋə̀ kə ghɨ ghɛ ə tè pomə Njisə̀s epɨ̀as endaʼ vekɨ̂m ə Njòndyâ è Ngalìlî è Sàmalyà tè kyi pɔ̂ynè. Ghənə tè nyiə kyi èfâyn ə Fezhə̀zè ə ghənə ə fètəyn, Zuʼse Ŋwaʼase nə̂ nə ghənə tɛ, kɔ̂yn ə ghənə̂kè e ndəmə̂.

Ətefɨ̂aʼ 9:36

Ə̀ tè nyi ə Njopà, wùzhɔyn e pomə vîvè e nyi fu, zə vəynze e nyi Tàpità. (Tàpità ewàmnè ə Nglêkzè nyi nə Ndokàs mə ze za tyə̀nə̀ nə fechwi) È tè ndamə nə̂ kə ə̀ghɛ əchûŋə̀ shîŋə̀ tekɨ̂m fɨnə fo ètsâmtè sê ghɨ afɨfə.

Kòlosè 4:2

Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.

1 Tèsàlonikà 5:17

tsə̂mə̀ sê Zhə̀fè shîŋə̀ tekɨ̂m,

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Etyə̂yn ə paynsêzè 15:4

Ə̀ tə fânə̀ va nde ghô ə Pɛ̂, ə̀ tə faŋə ndè se pomsê ezə zɛ zə? Ə̀ nyi ke ghò, ghô nɨŋ ə ò nyi eŋwaʼze. Ghɨə mə fɨ ndaʼ tekɨ̂m tə pə̂ ngɨmnə̂ ghò, kûmə̀ nə o chwìtè sê nâʼàpî ndè nə ò saʼa ə̀ghɨ ə̀kɨ̂m chichi.”