Ətefɨ̂aʼ 10:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Pità tè pa kwâʼtə̀ kə nə ghɛ zɛ ə zhi fə fe ə telaynəlayn fe tyə̀nə nə ghe ə, Zuʼse Ŋwaʼase ə pìə sê vəyn nə, “Zɨte ə Pità, ghɨ nyi fâyn ə̀ ta, kyiŋə ghò.

Ətefɨ̂aʼ 10:19 ပူးပေါင်းရင်းမြစ်များ

Njɔyn 16:13

Pîza, shîŋə̀ kɛ ə Zuʼsə səmɔʼse nə̀ pə̂, ə se chise ghàyn, ə ghàyn ə ke ə̀ghɛ əkɨ̂m ghɛ ə ghe nyi səmɔʼ. È pə̀ va sə̂ wàmnə̀ èghɛ vəyn zə ngɨŋe; è pə̀ se tsâ kə əghɛ mə ə pì ndô sê vəyn, ndàʼà ə̀ghɛ, ghe pa nyi se tə kyàyn.

Ətefɨ̂aʼ 10:18

ə tɔŋɔ pfɨfə nə, “Wùə èmòtə pə nyi ndô fayn ndɛ zə vəynze e nyi Shimuyn Pità ə?”

Ətefɨ̂aʼ 10:3

Ə tè nyi tuʼ fîfe, ə sechwìə sèta mə chwi ə pɔ, è və fe ətelaynəlayn, fumə ə telaynəlayn è və fe paynsə̂ tsì ə̀ Fèzhə̀. E zə tɔŋɔ̂ vəyn nə, “Kɔ̀nilùs.”

Ətefɨ̂aʼ 11:12

Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 21:4

Ghàs ə fe ə̀ ghɨ poməghe fu ə ndamə ghasè ghə̀ ghənə sə ngâm. Tɔynə̂ atyaʼ ə Sezuʼ se Ŋwaʼase, ghənə ə tsà se Pɔ̂l nə kə è ndu ə Njèlusalɛ̀m.

Ətefɨ̂aʼ 8:29

Zuʼse Ŋwaʼase ə pîə sê Filìp nə, “Nduə fɛ ə ngwùŋ ə̀ fèchaʼ ə faŋə kə fu.”

1 Kɔlìŋ 12:11

Pîza ə̀ nyì ke sèzuʼ nə sɨ̂nə̀ ə se nə̂ ghɛ nə ghɨnə̀ ə̀kɨ̂m, mə se fo tèkyì tə tefote sê nâʼàpî ndè kè kə se kɔ̂ŋə̀.

1 Timotì 4:1

Zuʼse Ŋwaʼase tyə̂nə̀ paynsə̂ nə, ə̀ tə nə̂ ə nyi ə mtuʼ me kwùŋsə̂m, ə ghɨ mɔ̀ʼɔ kwiynse ə tàʼa fɨnə pomə̂ ezaʼlê zɛ ə ze nyi səmɔʼ kûmə̀ Klâys Njisə̀s, ghənə tə pɨlə zɨə se zuʼsə akaŋse, ə ghənə ə nə̂ ə̀ghɛ ghɛ ə pamə̂ tə satàyntè fo.