Ətefɨ̂aʼ 10:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ È və fe kə wuləke chwî, e tsosə̂ pə̀ àfɨa ə chi nyiə kə apâŋ ə sendzɨs eghaʼâkè, mə ghaŋsê pɨ̂asvè ekwàʼ.

Ətefɨ̂aʼ 10:11 ပူးပေါင်းရင်းမြစ်များ

Matyò 8:11

M piə sê ghàyn nə ghɨ etsɨəghe tə fɨə mə ghe ndo kê əte tàŋ tèkɨ̂m ə mbi, ə pəyn tsɨsə̂ elùʼ azhi elùʼ efɔ̀yn ə Fezhə̀vè yighə̀ Aplàghâm, è Azɨ̀k, è Njàkɔ̂p.

Tom èchùŋ kè kə Lûk tè nyaʼ 3:21

Ghɛ nə ghɨnə tè piə kyànə za, mə Njɔyn tè nyi mə è və fo mɨ̀sè môm sê ghɨə, tuʼfîfe, Njisə̀s ə pə̀, è və pɔŋɔ fo m̀mo sê vəyn. È ve sè tsə̂mə̀, ke nyi, kwùtwəynve ə chwìə.

Njɔyn 1:51

È və pìə sê ghənə nə, “M pîə sê ghàyn ke nâʼà səmɔʼ nə, ghàyn tə fe kə kwùtwəyn chwî, ə tsì sə Fezhə̀sè ə tsɛ̂nə̀ kə nyî kɔʼɔ, tso, tso pə̂ ə Vâ wùə ətu.”

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Njɔyn 12:32

Ə nə̀ kɔʼsə̂ mi ekwùtwəyn, ə m tɔŋɔ nâʼà ə̀ghɨ ə̀kɨ̂m, ə ghe pə̀yn sê mi.”

Ətefɨ̂aʼ 10:12

Əfètə̂ təyn tè nyi tekyì tə senyàm sekɨ̂m; sɛ ə se shinə əchi, è nyam sɛ ə se kwîə èfɨəynte kyàʼ, è nɨŋ mə mbvɨ̂ynmè.

Ətefɨ̂aʼ 11:5

“M tè nyi endaʼ ə Njopàzè tsə̂mə̀, ə fe ə̀ghɛ ə telaynəlayn. Fɨa kyîke ə tso pə̂ ekwùtwəyn nyi ke kə apâŋ ə se ndzɨs eghaʼakè kə piə ə kyi pɨ̂asvè kwàʼ tsosə̂ pə. Ə tsosə̂ pə̂ kəynke ə mì əshi.

Ətefɨ̂aʼ 7:56

È və pìə nə, “Ghàyn fe! M fe kə kwutwəyn chwî ə fɨnə fe Vâ Wùə, È ve tyəm ə Zhə̀fè ekɔyntwɔve.”

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.

Ngàleshyà 2:15

“Ghâsènì èngɨŋ sə ghasènìse nyi əghɨ Njûsə̀ kè nâʼà epîə, vachi ə̀ghɨ ghɛ ə va əghɨ ə Njûsə̀ mə nyi əghɨ ə pighe,

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Etyə̂yn ə paynsêzè 11:19

Epàm ətəyn, chondɛ ə ndɛ Fezhə̀ etsəməve ekwùtwəyn ə chwìə, mə fe Àtayntayn Mkàynkè ə fètəyn. Ghole tè nyiə mɨ̂anə̀, kûmə̀, pɨaytə̂, chike e nə̂ʼə̀, chichîme tso nâʼà setsɨ̀ fumə elùʼ.

Etyə̂yn ə paynsêzè 19:11

Mə fe èkwutwəynve mə ə chwìe, mə fe àkenyàm efɨfəkè fumə ə mì əshi. Ə tè tɔŋtə wùə vɛ ə è tè nyɨŋə etûə ə̀təyn nə, Fɨ̂aʼ e təmghe əkɨ̂m, è nə Pì səmɔʼ. È tè nyi chichi endom vɛ ə è saʼa ghɨghe ətəyn, è kɨsè endom vɛ ə è tè no ghɔŋze ətəyn.

Etyə̂yn ə paynsêzè 4:1

Ə̀ tè nyi kə ghɛ nə ghɨnə tsɛ, mə kɛsə̂ naynə̂ ə mì əshi, ə fe cho ə ndɛve ə chwìə ekwùtwəyn. Kyə̀ zɛ ə m fə zɨ è ze wâmnə̀ se mi za, kô kə esɔŋ ə tɔŋɔ pìə se mi nə, “kɔʼ pə̀yn fâyn ə m tyəyn ghɛ sê ghò mə ze kyi se kyàyn ezhoghɛ ə ghɛ ghɨ̀nə nə̀ tsɛ̀.”