Ətefɨ̂aʼ 10:1 - Ŋwàʼlè ə̀ Fèzhə̀ Mkâyn Mə̂ Fèm

¹ Wùə Lûm vîvè tè nyi ə endaʼ ə Kàysalyàzè, zə vəynze e nyi Kɔ̀nilùs. È tè nyi atu sê nɔ̂yn ə sesokə̀ʼ ke ewə̀, mə ə tɔŋtə̂ nə, “Nɔ̂yn ə se sokə̀ʼke wəve mə nyi kə Italìkè.”

Ətefɨ̂aʼ 10:1 ပူးပေါင်းရင်းမြစ်များ

Matyò 27:27

Sokə̀ʼse ə Paylɛ̀tsè ə ke njiə nji è Njisə̀s əfètə̂ tɔʼ, nâʼà sokə̀ʼ sekɨ̂m ə pə̀ zûŋtə̀ ka ə Njisə̀s ə ngwùŋ.

Matyò 27:54

Tuə sesokə̀ʼ kɛ ə ke tè tsɨ̀ŋnə Njisə̀s yî sokə̀ʼ sə mɔ̀ʼɔse ə fe zâ kə chike nəʼə̀ è ghɛ kayntə mɔ̀ʼɔ ghɛ ə ghe kyâyn, fâynzè ə ko ghənə, ghənə ə pìə nə, “Səmɔʼ, wùə vɨ̀nə tè nyì ke nâʼà Vâ Fèzhə̀!”

Ŋwàʼlè ə̀ Mâk 15:16

Sokə̀ʼse ə njìə Njisə̀s ə njiə è vəyn ezhɔyn ə tɔʼve, ə tɔŋnə̂ zûŋtə̀ sèsokə̀ʼ nâʼà sèkɨ̂m.

Tom èchùŋ kè kə Lûk tè nyaʼ 7:2

tuə sesokə̀ʼ ə ghɨə endaʼ ə Lûm kyîke e nyi fu, kyi wufɨ̀aʼa ə̀ vəyn, kɔ̂ŋɔ̀ vəyn nâʼà àchûŋ. Wufɨ̀aʼa nə vɨ̂yn e zafə nâʼà sə ŋaŋ, tyəm se kwu.

Njɔyn 18:12

Sokə̀ʼ sɛ̂ è tuə ghənə̂kè, paʼsə̂ è ghɨ fɨaʼa Njûsghè ə ko Njisə̀s ə kolə̂ Vəyn.

Njɔyn 18:3

Njondàs ə ndùə fumə afùʼ mə è və njì nɔ̂yn ə sesokə̀ʼ ə Lûmkè, è ghɨə tsɨ̂ŋnə nə Ndɛ Ètsə̀mə əmɔ̀ʼɔ mə tom əghɨə kɔʼsə nə eshyə̀ ə ngaŋtəghe è ghɨə Falàsîə. Ghənə tè nyi mə ə pɨ̀aʼtè lâmsè, keytə̂ m̀wus ə njìə efɨa eghɔ̀ŋve.

Ətefɨ̂aʼ 10:24

Ə fetuʼ femɔ̀ʼɔfe mə zɛ mə tsɛ̀, ghə̀ Pità ə kwìə ndûə njiə ə Kàysalyà. Kɔ̀nilùs è ngɨŋə̂ vəyn è sas ə ndɛ vəynze, è soynsə vəyn sɛ ə è tè ndàmne tè nyîə lɨmtə̂ ghə̀ Pità.

Ətefɨ̂aʼ 21:31

Ə tè se nyi kə nɔ̂yn nə kɛ mɔ̂msə̀ se zhwi ə Pɔ̂l, ə tomə tom sê tuə sesokə̀ʼ e ghaʼa ə ghɨ Lûmkè nə Njèlusalɛ̀m èkɨ̂m sè pɛ̂ kə ndò.

Ətefɨ̂aʼ 21:8

Ə fetuʼ fe komtəfe, ghàs ə ndò ə ndùə fɨə ə Kàisalyà ə ndùə njiə ə wùə vîvè ə ndɛ kə è tè tsâ tom èchùŋ ə Fèzhə̀, zə vəynze e nyi Filìp, ə̀ nyi wùə èmɔ̀ʼ ə fètə̂ ghɨ̀ ə̀ sɛ̀mbɛ ghɛ ə tè chɔʼte nə ə nyi ə̀ghɨ tsamtəghe ə Njèlusalɛ̀m.

Ətefɨ̂aʼ 22:25

Ə pə̀ kə ghənə kol vəyn kyiŋə se pus, è və pìə se tu ə se sokə̀ʼke nə, “Lâŋkè pomə̂ ndò nə ə pus wùə Lûm ndɔ̀ʼɔ ə saʼ vəyn se fe eghɛ zɛ ə è pofse ə̂?”

Ətefɨ̂aʼ 23:23

Tuə sesôkə̀ʼ e ghaʼa nə kɛ ə tɔŋnə̂ ètuə ə sesôkə̀ʼ ə vəynve e pɨ̀a ə pìə sê ghənə nə, “Ghàyn nji sokə̀ʼse ghɨ tepɛ̀, paʼsə̂ è sokə̀ʼ sə mɔ̀ʼɔ sɛ ə se nyiŋə etûə sènyàm zâ m̀ghɨm m̀sɛ̀mbɛ, è kɨ̂sè sɛ ə se nô è ghɔŋɔ zâ ghɨ tepɛ̀, ghâynghə̀ ghənə ə nyi è pɨaʼtêzè se ndù ə Kàisalyà ètuʼve ə sechwìə sè pɔləmɔ̀ʼ.

Ətefɨ̂aʼ 23:33

Ghənə njìə ndùə è vəyn ə Kàisalyà, ə fo ŋwàʼlè sê tu apàs endaʼke, ə fo tsɛsə̀ Pɔ̂l se vəyn.

Ətefɨ̂aʼ 25:1

Festùs tè pə̀yn njî apàs endaʼ ə Kàsalyàkè, epàmə̂ mtuʼ mta, è və ndò ndùə ə Njèlusalɛ̀m.

Ətefɨ̂aʼ 25:13

Tuʼmè ə tsɛ̀ se zaʼâ m̀ shyàʼ, Fɔ̀yn Àngɨ̀lipà yî Pènîs ə pə̀ ə Kàsalyà se pə fi Festùs.

Ətefɨ̂aʼ 27:1

Ə̀ tè nyi kə sayne nə ghàs nji ə ngwùʼ ə ndu ə Italì, ə fo tsɛsə̀ Pɔ̂l è ghɨə ndɛ ə̀chaʼə mɔ̀ʼɔghe sê tu ə sesokə̀ʼ eghaʼâkè, zə vəynze e nyi Njolòs. Njolòs tè nyi atu se nɔ̂yn ə sesokə̀ʼ kɛ ə tè tɔŋtə nə, “Anɔ̂yn ə sesokə̀ʼ ə Kaysàkè”

Ətefɨ̂aʼ 27:31

Pɔ̂l ə fe èghɛ ətəyn ə pìə sê tuə sesôkə̀ʼke è sokə̀ʼ sə mɔ̀ʼɔse nə, “Ə ghɨ ghɨ̀nə̀ ə ghe shînə̀ ngwùʼ zɨnə̀ va fa ə fètə̂ ngwùʼ èghaʼâ kwəynə, kə ghàyn ə kwaʼtə̀ nə ghàyn nə̀ zhiə ndò fɨave.”

Ətefɨ̂aʼ 27:43

Pîza tuə sesôkə̀ʼke e kyiŋə se fiə zà ə Pɔ̂l nə kə zhwi, ə pìə nə kə sokə̀ʼ sətəynse mom ghɛ ətəynze. Ə pɨlə pîə nə nâʼàpî ndè vɛ ə è kàʼa ə è samə tayn fɨ sə shi, è və samə̀ ndûə etipì ə tsô.

Ətefɨ̂aʼ 8:40

Kə Zuʼse ə Pɛ̂sè njì Filìp zâ, è və pfɨ̀ŋə̀ fe kə ngɨŋ ə vəyn endaʼa Àzotùszè, ə zhə̀tə̀ kwiə kə endaʼ endaʼ ndâʼà ndùə kə tom èchùŋ, se zaʼâ kə è ndu fɨ ə tɔ̂ŋ ə̀ Kàysaliyàzè.