Ətefɨ̂aʼ 1:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 1:8 ပူးပေါင်းရင်းမြစ်များ

Matyò 24:14

Ə tom èchùŋ zɨ̀nə̀ kûmə̀ èfɔ̂yn ə Fezhə̀vè waŋ ke luʼ tekɨ̂m ə mbi kə ghɨghe ə tendaʼ tèkɨ̂m ə ke səmɔʼ. Ə̀ nyì fumə ashìŋə̀ kə kwùŋseke tə pə̂.”

Matyò 28:19

Ghàyn ndu zôyn sê ndaʼà tekɨ̂m nâʼàpî ghayn ə nəyn nə ghɨghe ə nyi sèchùmtè èpàm sɨmse. Ghàyn fo môm se ghənə ezə ə pɨ̀aze, è zə vaynze è zə ə Sezuʼse Ŋwaʼase.

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 10:19

Ghàyn e ke nə mə fo tyaʼa sê ghàyn nə ghàyn kàʼa ə ghàyn tsəle mbam sepise è kwəm ekwue ə fɨnə fo atyaʼ nə ghàyn tɛ tsɛ̂ pàyn, kè ndom tekɨ̂m. Nâʼà àfɨa kyia tə fo va ngəʼ sê ghàyn.

Tom èchùŋ kè kə Lûk tè nyaʼ 24:29

Ghənə kitə vəyn ə piə nə è pɨəyn yîghə̀ ghənə kûmə̀ nə shîŋə̀ kə tsɛ̂, tuʼve fɨyn nyi mə ve ə chi. È və njiə sè pɨ̂əyn yî ghənə.

Njɔyn 15:27

Ghàyn nə̀ nə̂ ə pɔŋɔ wàmnə̀ kə səmɔʼ sê ghɨ kûmə̀ mi kûmə̀ nə ghàyn tè nyi ghâsènì, ə zhə̀te.”

Ətefɨ̂aʼ 1:5

Njɔyn tè fo mmo sê ghɨ è môm mə̂ tsòm pîza zôyn e sè nyi mə ə̀ faŋ ke m̀tuʼ m shyàʼ nyi kə ə tə fo m̀mo sê ghàyn è Zuʼ se Ŋwaʼase.”

Ətefɨ̂aʼ 13:31

È və tyə̀nə̀ ngɨŋə̂ vəyn shîŋə̀ tetsɨəte sê ghɨ ghɛ ə yî ghənə tè ndo ə Ngalìlî əmɔʼ ə kɔʼɔ pə̂ ə Njèlusalɛ̀m. Ghɨ nə ghɛ mə nyi ghɛ ə ghənə tsâ se ghɨə ghɛ zɛ ə ghənə tè fe.

Ətefɨ̂aʼ 2:32

Ghasə ə̀kɨ̂m nyi setsɛ̀ èsaʼ nə Zhə̀fè ə nə̀yn, Njisə̀s nə vɨ̂yn ve è zômə̀.

Ətefɨ̂aʼ 22:15

Kûmə̀ nə ò tə tyəmə kə tsɛ̀ èsaʼ sê vəyn, ə ò tsayn sê nâʼà pîndè ghɛ zɛ ə ò fe ə fɨnə zɨə.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 4:33

Ghɨətom ə Njisə̀sghè tè ndàʼà nâʼà è tyaʼa sê ghɨ nə ghənə nyi se tsɛ̀ esaʼ nə Zhə̀fè ə tè zòmsè Pɛ̂ Njisə̀s. Zhə̀fè ə pɔsə̂ kwəynsə̂ ghənə ə̀kɨ̂m.

Ətefɨ̂aʼ 5:32

Ghàs nyi setsɛ̀saʼ əghɛ nə ghɨ̂yn. Zuʼse Ŋwaʼase nyi kepî tsɛ̀èsaʼ. Mə nyi efo ə Fezhə̀zè sê ghɨ ghɛ ə ghe zɨə sê Vəyn.”

Ətefɨ̂aʼ 6:8

Shìtifɨ̀yn tè nyi wùə mə Zhə̀fè ə pɔsê vəyn nâʼà àchûŋ, ə fɨnə fo àtyaʼ sê vəyn nə è və nə̂ ə̀ghɛ əkayntə əfètə̂ ə̀ghɨ̀, ghe tyə̂nə̀ àtyaʼ ə Fezhə̀kè.

Ətefɨ̂aʼ 8:1

Ə tè nyàple è Shìtifɨ̀yn zâ, Sɔ̂l e nyi fu ə lotə̂ piə kə nâʼà vəyn nə ə zhwi vəyn. Se zhə̀tə pə̀yn fu fetuʼ, ghɨə ndɛ ə̀ Fèzhə̀ ghɛ ə ghe tè nyi Njèlusalɛ̀m ə zhə̀tə̀ se fe ngəʼ zhizè, è kwûəmə kə nyi. Ghɨə poməghe əkɨ̂m ə tə chyasə̀ ndûə epɨ̀as endaʼ ə Njòndyâvè è və Sàmalyàvè. Pîza ə̀ tè faŋ ke ə̀ghɨtomə Njisə̀sghè fu.

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.