Ətefɨ̂aʼ 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Njisə̀s ə pə̀ynsə̀ sê ghənə nə, “Ghàyn kyi va tyaʼa se kê ashìŋə̀ kɛ ə ghɛ nə ghɨnə tə kyânə̀ ətəyn. Ə̀ nyi Pɨ̀a kə È kyi tyaʼke se pɨaʼtê ashîŋə̀ è tuʼ fɛ ə nâʼàpî èghɛ èkè kàʼaze tə kyayn.

Ətefɨ̂aʼ 1:7 ပူးပေါင်းရင်းမြစ်များ

Matyò 20:23

Njisə̀s ə pìə sê ghənə nə, “Səmɔʼ, ghàyn tə fe ndò ngəʼ zɛ ə m nyi se tə fe, pîza ə va chi eluʼ vɨmve se chɔʼɔ wùə vɛ ə è tə tsɨsə ə mi ekɔyn etwɔ è kɨ̂sè ə mì ekɔyn ekôvè. Pîza luʼ ətəyn nyi sê ghɨ ghɛ ə Pɨ̀a vɨ̂m pɨaʼte ndə̂m sê ghənə.”

Matyò 24:36

Nâʼà wùə èmɔ̀ʼ ke va tuʼfe è shîŋə̀ kɛ ə ghɛ nə ghɨnə tə kyânə̀ ətəyn, pî sètsì ekwùtwəyn, pî Vayn ke va è tsɛ̂ kə va pɨ̀a kə È ke shîŋə̀ kɛ ə ghɛ ghɨnə tə kyânə̀ ətəyn.

Ŋwàʼlè ə̀ Mâk 10:40

Pîza, ə vachi eluʼ vɨmve se pì nə wùə tsɨsə ə mì ekɔyntwɔve è kɨ̀sè ə mì ekɔyn ekôvè. Luʼ ətəyn nyi, mə ə̀ kyi əghɨ ghɛ ə tè fɛte ndəm sê ghənə.”

Ŋwàʼlè ə̀ Mâk 13:32

‹Wùə vîvè ke va tuʼfe è shîŋə̀ kɛ ghɛ nə ghɨynə tə kyâynə̀ ətəyn. Nâʼàpî sètsì ekwùtwəyn ke va, nâʼàpî Vâ Fèzhə̀ e ke va, ə̀ tsɛ̂ kə va Pɛ̂pɛ.

Tom èchùŋ kè kə Lûk tè nyaʼ 21:24

Ə tə tsuʼlə̂ zhwitə̂ ghənə è nyîm, ə kote ghənə ə nji ndù ndəm sə ekɔ̀s ə epɨ̀as ə mbive ekɨ̂m. Ə̀ za nyi kè kə ghɨatumə tə kəʼsə̂ Njèlusalɛ̀m è gholə nyi ə nyâplə̀ è ghənə se zaʼâ kə shîŋə̀ ghənəà kɔʼ kwəyn.

Ətefɨ̂aʼ 17:26

Zhə̀fè tè pom ke wùə èmɔ̀ʼ sə shi, nâʼà ghɨ ndaʼà tèkɨ̂m ə fɨə ke sê wùə nə vɨ̂yn èmɔ̀ʼ ə nə̀ nə ghənə ə ndamə tɔynə̂ kə tâŋ tə mbi tekɨ̂m. Fe ə tə fɨ̀aʼnè shîŋə̀ kɛ kə ghɨ nə ghɨ̂yn ndam ə chi, è luʼ tɛ kə ghənə nə ndamə ətəyn.

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

1 Timotì 6:15

Ə̀ pə̂yn ə Vəynze tə pə̂ Fèzhə̀ è zəynze ashìŋə̀ kɛ ə Fe nyi mə Fə ndə̀m. Ə̀ nyi Fezhə̀ fɛ ə ghɨ kɔʼsə, ə̀ nyì ke fəyn fɛ ə fe saʼa mbi èkɨ̂m, ə nyi fəynfe fɔ̀yn ə̀ tèfɔ̂yn, fɨyn nyi Pɨ̀a sê ghə̀ Pɛ̂pɛ.

2 Timotì 3:1

M kyiŋə nə ò ke nə, ghɛ tə nə̂ ə ghə tɛ mtuʼ me kwùŋsə̂m