Ətefɨ̂aʼ 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Tuʼve ə zo tuʼ fîfe, Njisə̀s yî ghɨətom ə Vəynghe e tsɨ̂yntè tsɨs luʼve emɔ̀ʼ, ghɨətom ə Vəynghe e sè pfɨfə sê Vəyn nə, “Pɛ̂pɛ, shîŋə̀kè ə kwəyn kə Ò nəyn, ə kɛse fo èfɔ̂yn sê ghɨə Isìlây ghə?”

Ətefɨ̂aʼ 1:6 ပူးပေါင်းရင်းမြစ်များ

Matyò 17:11

Njisə̀s ə pə̀ynsə̀ sê ghənə nə, “E nyi səmɔʼ nə Èlanjà pə̂ ndò sə shi, nyi se nə̀yn nə nâʼàpî àkè ə nyi èpɨaʼtêzè.

Matyò 20:21

Njisə̀s ə pfɨfə sê vəyn nə, “Ò kyiŋə nə zhi ghayn ghe sê gho ə?” È və pìə nə, “Tsɨ̀ne sê mi nə, ashìŋə̀ kɛ ə ò nyi ə ghò efɔ̀yn, ghɔyn ghɨm ghɨnə̀ ə̀pɛ̀ tə tsɨsə̂ èmɔ̀ʼ ə ghò akɔyn ə zhiəke, è və mɔ̀ʼɔ̂ ə ghò akɔyn ə ekôkè.”

Matyò 24:3

Njisə̀s ə kɔʼɔ ə pfɨ̀ynə̀ Sèolìfs ə tsɨsə̂ ə chi. Chùmtè èpàm sə vəynse ə nyaʼtə̂ pə̂ se Vəyn ə pîə nə, “Tsàyn sê ghàs shîŋə̀ kɛ ə ghɛ ghɨ̀nə tə kyânə̀ ətəyn.” “Ə̀ tə nə̂ ə nyi chwìə èkè nə Ò pə̀ ndò è kɨsè nə mbi mîə ndò ə.”

Ŋwàʼlè ə̀ Mâk 9:12

È və pìə sê ghənə nə, “E nyi ke nâʼà səmɔʼ nə Èlanjà pə̂ ndò sə shi, se pɨaʼtə nâʼà əghɛ ə̀kɨ̂m. Pîza, kûmə̀ ghè ə nyâʼ ə Ŋwàʼlè ə̀ Fèzhə̀ nə Vâ Wùə nə fe ngəʼ nâʼà sə ŋaŋ, ə fɨyn kwiynse nə è va afɨa ə?

Tom èchùŋ kè kə Lûk tè nyaʼ 17:20

Ghɨ Falàsî yîghe ə pfɨfə sê Njisə̀s nə, “Zhə̀fè tə zhə̂tə̀ se saʼ efɔ̂yn ə vəyn etuʼ è kwə̀?” È və piə sê ghənə nə, “Chwiə zhizè va se nə tyə̀yn nə ə̀ vɨnə nyi efɔ̂yn ə Fezhə̀u ə ve sè zhə̂tə̀ pə̀ nyi.

Tom èchùŋ kè kə Lûk tè nyaʼ 19:11

Ghɨ tè pa zɨtə̂ kə èwâmnè ə Njisə̀s nə zɛ, è və mɛ̀ ngàyn sê ghənə kûmə̀ nə è tè se paʼsə̂ ndùə ə Njèlusalɛ̀m, ghənə tè kwâʼtə̀ kə nə Zhə̀fè nə̂ zhə̂tə̀ se saʼ efɔ̂yn ə fəynfe kè sə ashìŋə̀ nə kɛ.

Tom èchùŋ kè kə Lûk tè nyaʼ 22:29

m fo èfɔ̂yn sê ghàyn kèpî kə pɨ̀a vɨ̂m fo sê mi

Njɔyn 21:21

Pità ə fe zâ ə pfɨfə sê Njisə̀s nə, “Ə wùə vɨnə kwi zaynze ə Pɛ̂?”