Ətefɨ̂aʼ 1:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Pità ə pìə kwəynsə̂ nə, “Ə nyàʼ ə ŋwàʼlè ə̀ sè Njàŋ nə, ‹Ndɛ vəyn faŋ kè ezom, kə wùə tə ndam ətəyn,› ə fɨyn nyàʼ kèpi nə, ‹Wùə ndò nji luʼ ə vəyn, ə è və fɨ̂aʼà.›”

Ətefɨ̂aʼ 1:20 ပူးပေါင်းရင်းမြစ်များ

Tom èchùŋ kè kə Lûk tè nyaʼ 20:42

Piə nâʼà Ndàfît piə ə ŋwàʼlè ə sè Njàŋ nə:

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Ətefɨ̂aʼ 1:16

“Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Ətefɨ̂aʼ 1:25

nə è nji luʼə wùətom vɛve Njondàs kə è tè za ə ndùə elùʼ vɛ ə è kyi sə̂ nyi ətəyn.”

Ətefɨ̂aʼ 13:33

Tsɨ̂nè nə zɨ̂nə ə kɔʼ kwəyn sê ghàs ghɔ etɔ̀ŋ ə ndɛ ghənə̂ghè, endom nə Zhə̀fè ə tə nə̀yn Njisə̀s ə zòmə̀. E nyi ke èghɨ kə nyi mə nyàʼ əfètəyn àkùmte ə ŋwàʼlè ə̀ sè Njàŋkè nə: ‘Mə njì ghò sə mìə Vayn, se zhə̀tə̀ ndàyn, m nə nyi Pɨ̀a vɛ̂vè.’