Ətefɨ̂aʼ 1:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ “Ghɔnyì ghɨmə, ghɛ ghɨnə ə ghe vâ kyàyn kûmə̀ Njondàs nyi va kyi ke se kyàyn se lwiynse eghɛ zɛ ə Zuʼse Ŋwaʼase tè nəyn Ndàfît ə wàmnə̀, ə fɨnə nyàʼa ə Ŋwàʼlè ə̀ Fèzhə̀ kûmə̀ vəyn Njondàs nə è tə tyə̀ynə̀ Njisə̀s nə ghɨ ghɛ ə ghe fɨ̂aʼà ə ndɛ̂ Fèzhə̀ ko.

Ətefɨ̂aʼ 1:16 ပူးပေါင်းရင်းမြစ်များ

Matyò 26:14

Wùə èmɔ̀ʼ əfètə̂ sèchùmtè èpàm njò sepɛ̀, ə vɛ ə tè tɔŋtə nə Njondàs Èskalɔ̀t ə ndùə fe ə̀ghɨ kɔʼsə nə eshyə̀ engaŋtəghe

Matyò 26:47

Njisə̀s e sè pa wàmnə̀ kə ndò, Njondàs vɛ ə è tè nyì kepî wùə èmɔ̀ʼ əfètə̂ sèchùmtè èpàm sə vəynse njò sepɛ̀, ə kɔʼɔ pə̂ yî nɔ̂yn ə ghɨ̀kè, ke tsɨ̀ə kə nyi, kyi tefɛ̂ è mbàŋsè. Ə̀ ghənə tè tom ə ghɨ kɔʼsə nə eshyə̀ engaŋtə è chəʼse ndaʼse,

Matyò 26:54

Pîza, mə m nə̂yn nyi ə e tàʼa lwiynse eghɛ zɛ ə se nyi mə ə nyaʼ ə Ŋwàʼlè ə̀ Fèzhə̀.”

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Ŋwàʼlè ə̀ Mâk 12:36

Zuʼse Ŋwaʼase ə nə̀ nə Ndàfît pi nə: ‘Pɛ̂ Zhə̀fè pi sê Pɛ̂pɛ vɨm nə, Tsɨsə ə̂ mi ekɔyn etwɔve se zaʼâ kə m ndəm pàyn sɛse ə ghò etyə̂ ə̀ghòl.’

Ŋwàʼlè ə̀ Mâk 14:43

Njisə̀s tè pa wâmnə̀ ndò. Njondàs vɛ è tè nyì kepî wùə èmɔ̀ʼ əfètə̂ sèchùmtè èpàm sə vəynse njò sepɛ̀, ə pə̀. È tè nyì yighə̀ nɔ̂yn ə ghɨ̀kè ke kyi tefɛ̂ è mbàŋsè, mə tom əghɨ kɔʼsə nə eshyə̀ ə ngaŋtəghe, è tyə̀ynsè sə alàŋsè, è ghɨ ghaʼlê ə Njûsə̀.

Tom èchùŋ kè kə Lûk tè nyaʼ 22:47

Njisə̀s e pa wâmnə̀ kə ndò, nɔ̂nə ə ghɨ kə e pə̀, əsi e nyi Njondàs, kəpi wùə emɔ̀ʼ ə fetə̂ sechùmtè pàm sə vəynse njò sepɛ̀. È və kɨŋtə pə̀ sè kyiŋə se paŋnə Njisə̀s.

Njɔyn 10:35

Ghàs ke ndô nə ghɛ zɛ ə ŋwàʼlè ə Fezhə̀ pìə nyì səmɔʼ, nyi se tə ndamə faŋ; ə nyì sê ghɨ̂yn kə Zhə̀fè tè tɔŋte nə mzhə̀ kə Fe tè tsɛ̀sə tom ə̀ Vəyn se ghənə.

Njɔyn 13:18

M wàmnə̀ va kûmə̀ ghàyn ə̀kɨ̂m. M ke ndô ghàyn ghɛ ə m chitê ndə̂m. Pîza, ghɛ zɛ ə nyâʼ ə Ŋwàʼlè ə̀ Fèzhə̀ kyi se pə̀yn səmɔʼ. Ə və nyaʼ nə, ‘Wùə vɛ ə è zhiə kɨŋnə ghasè vəyn, nyi mə è və fɨ̀l tsɨ̀m sê mi.

Njɔyn 17:12

Kə M tè pa nyi ghasè ghənə, M tè nyîə tɔ̂ʼnə̀ è ghənə atyaʼ ezə kɛ Ò tè fo sê Mi. Mə tə tɔ̀ʼnè è ghənə nâʼà wùə èmɔ̀ʼ ə ghənə fètəyn ə tàʼa njìsè ə̀ tsɛ̂ kə va vɛ ə è tè kyi ke se njìsè kə ghɛ zɛ ə tè nyàʼ ə ŋwàʼlè Fèzhə̀ pəyn səmɔʼ.

Njɔyn 19:36

Ghɛ nə ghɨnə tè kyàyn se lwiynsê eghɛ zɛ ə tè nyàʼ ə Ŋwàʼlè ə̀ Fèzhə̀ nə, “Ə tə kəmə va ghəf ə Vəynke nâʼà àmɔ̀ʼ.”

Ətefɨ̂aʼ 1:20

Pità ə pìə kwəynsə̂ nə, “Ə nyàʼ ə ŋwàʼlè ə̀ sè Njàŋ nə, ‹Ndɛ vəyn faŋ kè ezom, kə wùə tə ndam ətəyn,› ə fɨyn nyàʼ kèpi nə, ‹Wùə ndò nji luʼ ə vəyn, ə è və fɨ̂aʼà.›”

Ətefɨ̂aʼ 13:15

Ghənə ə zɨ kə tɔŋɔ ghɛ andiŋ ə ŋwàʼlè Èsaʼ ə Mosîskè, è ŋwàʼlè sə sèfɨ̀aʼtè. Kə ghənə tɔŋɔ mɨsè, ghɨ ghɛ ə ghe chisə ghɛ ə ndɛ̂ atsɨ̀ynte ə tomə tom sê Pɔ̂l è Pànapàs pîə nə, “Ghɔnyîə, ə ghàyn kyi ghɛze se pì kə ze fo təm ətɛ sê ghɨ ghɨ̀yn, ghàyn ə piə.”

Ətefɨ̂aʼ 13:38

Ghɔnyì ghɨmə, ghàyn e ke səmɔʼ nə, ə̀ nəyn Njisə̀s tsɔ̀fə kə ə ndaʼà tom èchùŋ se ghàyn nə Zhə̀fè nyiə lɛsə̀ fo sèpi sə ghɨ̀sè.

Ətefɨ̂aʼ 15:13

Ə pə̀ kə ghənə wâmnè mɨ̂sè, Njə̂m ə ndwìə pîə nə, “Ghàyn zɨte sê mi ə soyn sɨmse.

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 2:37

Ghɨ nə ghɨyn ə zɨə əghɛ ghɛ ə Pità wàmnè, ghe ə njiə ghənə ətəm nâʼà sə ŋaŋ, ghənə pfɨfə sê Pità yî ghɨətom ə Njisə̀s əmɔ̀ʼɔ̂ nə, “Ghɔnyì ghasə, ghàs nyiə kàʼa ə ghàs ghayn ghe?”

Ətefɨ̂aʼ 22:1

“Ghɔnyì ghɨmə è pɨ̀a ghɨmə, ghàyn zɨte ghɛ zɛ ə m tyəm ə ghàyn əshi se pì se tsàmtè ə ngɨŋ zɨ̂m.”

Ətefɨ̂aʼ 23:1

Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ətefɨ̂aʼ 23:6

Ə̀ tè nyi kə Pɔ̂l fe nə ghɨ yîghe fa anɔ̀yn nyi əghɨ ə Sandùsîə, yîghe nyi ə̀ghɨ Falàsîə, è və pɨa pîə nâʼà sə ŋaŋ nə, “Ghɔnyì ghɨmə, m nyi wùə ə̀ Falàsî, mə pɨ̀a ghɨmə tè nyi ə ghɨə Falàsîə. Ə saʼa mi fayn kûmə̀ nə m pomə̂ nə Zhə̀fè tə nə̂, ə ghɨ kwutəghe zomə.”

Ətefɨ̂aʼ 28:17

Tuʼmè ə tsɛ̀ m̀ta, Pɔ̂l ə tɔŋɔ̂ àtsɨ̂ynte yighə̀ tu ə ghɨ̀ ə Njûs vɛ ə ve tè nyi ə Lûm. Kə ghənə ə pə̂yn, Pɔ̂l ə pìə sê ghənə nə, “Ghɔnyì ghɨm ghə Isìlâyghè, m tè paʼà nə̀yn pi zhîzè se ghɨ ghɨ̀nə̀, ə tàʼa nə pofsê eghɛ zhîze kûmə̀ ètsɨsə̂ endaʼ zɛ ə pɨ̀a ə ghâsènì ghəshiə tè zà sè ghâsènì. Pîza kə ghɨ ə ghasènìghe tè ko mi Njèlusalɛ̀m ə fo mi sê tu ə ghɨ̀ ə Lûmvè. Nyiəmə, ze tyə̂nə̀ nə m zo fa nyi kə wùə ndɛ ə̀chaʼ.

Ətefɨ̂aʼ 28:25

Nyiəmə, ghənə ə zhə̀tə̀ se saʼnê əghɛ kə ghənə tè ndù. Tsɔ̀fə kə ghənə ndo, Pɔ̂l ə tsà sê ghənə nə, “Zuʼse Ŋwaʼase tè nyi ke nâʼà chichi kə se tè tsàyn ghɛghe se Fɨ̀aʼtè Èsayà nə è tsayn sê pɨ̀a ə ghâsènì ghəshiə nə,

Ətefɨ̂aʼ 7:2

Shìtifɨ̀yn ə pìə nə, “Ghə̀pɨ̀a ghɨmə è ghɔnyì ghɨmə, ghàyn zɨte. Zhə̀ fɛ ə Fe kyi tyaʼke akɨ̂m tè pə̀yn sê Aplàghâm, pɨ̀a ghâsènì və shi, kə è tè ndamə apàs endaʼ ə Mèsòpòtemyàkè tsɔ̀fə kə è ndo ndu sə̂ ndamə endaʼa Alànzè.

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

2 Pità 1:21

E nyi nyî kûmə̀ nə nâʼàpî èghɛ èkè zɛ ə fɨ̀aʼtèsè tè nyaʼ tè pâʼà ndò pəyn eghɛ zɛ ə ghɨ msɔ̀ŋghe tè kyiŋə, pîza Zuʼse Ŋwaʼase tè nyîə chisə̂ ə̀ghɨ kə ghənə tè ndàʼa tom zɛ ə è ndò pə̂yn sê Zhə̀fè.

2 Pità 2:21

Ə ze nyi nyî, ə nyi mə e tè pɨlə tsɔ̂fə̀ nə ghənə tàʼa ndə̀ʼə kê endom ə chichive səkɔs, tsɛ̂ kə ghənə ke, ə fɨyn kɛse ə zɨə va saʼe eŋwaʼ zɛ ə tè fo sê ghənə.