Ətefɨ̂aʼ 1:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

Ətefɨ̂aʼ 1:15 ပူးပေါင်းရင်းမြစ်များ

Matyò 13:31

Njisə̀s ə mɛ̀ kwəynsə̂ ngàyn ə̀mɔ̀ʼɔ̂ sê nɔ̂yn kɛ nə, “Fɔ̂yn ə Fezhə̀e nyi kepî kə feshîlə̀ fə ngwàʼ ə̀ fèkàʼ fîfe ə tɔŋtə nə mostà kə wùə njìə è və zho ə və afùʼ.

Tom èchùŋ kè kə Lûk tè nyaʼ 22:32

pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”

Njɔyn 14:12

M pîə sê ghàyn səmɔʼ nə, ghɨ ghɛ ə pomə sê Mi nə̀ nə̂ ə̀ghɛ ghɛ M nə̂. Ə nə̂ piə ə̀ghɛ ghe tsɨ̂ə tsɛ ghɛ m nə̂ kûmə̀ nə M ndûə se pɨ̀a

Njɔyn 21:23

Ə̀ za nyi eghɛ zɛ ə ze tè nəyn, chùmtè èpàm sə Njisə̀sè e pîə nə, vɨnə mə tə kwuə va. Pîza, Njisə̀s tè paʼà pì nə è tə kwuə va. È tè pi nə, “Ə M za nə è nə ndamə kə ndò nâʼà kə M tə kɛsê pəyn, ə ngəʼ zɛ̂zè ə nyi ghè ətəyn ə?”

Ətefɨ̂aʼ 10:23

Pità ə pìə nə ghənə nji pəyn ə yighə̀ ghənə pɨəyn. Tuʼve ə zo, Pità ə ndò yî ghənə paʼsə̂ è ghɨ pomə əmɔ̀ʼɔghe ə Njopà.

Ətefɨ̂aʼ 11:1

Ghɨətom ə Njisə̀sghè è ghɨə pomə əmɔ̀ʼɔ̂ ghɛ ə ghe tè nyi epɨ̀as endaʼ vekɨ̂m ə Njòndyâ, ə tə zɨ nə ghɨatumə ə pɔŋ fi ndzɨsê ghɛ ə Fezhə̀zè.

Ətefɨ̂aʼ 11:12

Zuʼse Ŋwaʼase ə pìə sê mi nə kə m məʼne se ndù ghâsè ghə̀ ghənə. Ghɨə pomə ghɨyn ə̀ tufə kə m njî ə Njopà ə pə̀, ghasè ghənə ə ndùə əmɔʼ ə Kàysalyà ə njiə ə wùə vîvè ə ndɛ e tɔŋtə̂ nə Kɔ̀nilùs.

Ətefɨ̂aʼ 11:26

Ə̂ pə̀ kə è kyiŋ fe vəyn, è və njiə ndûə è vəyn ə Antyòk. È və ke ndam yî vəyn fu sə pîŋ èfɨ̀plè, ghənə əpɛ̀ e tsɨ̂yntə̀ yighə̀ ghɨ ndɛ ə̀ Fezhə̀ghe. Ghənə ə zaʼlə̂ ə̀ghɨ pomə fu ghe tsɨ̂ə kə nyi. Ə tè nyi Antyòk kə tè zhə̀te se tɔŋtə sechùmtè sə Njisə̀s sè nə əghɨ ə Klâysghè.

Ətefɨ̂aʼ 11:29

Chùmtè èpàm shîse ə se tè nyi fu ə ke ndə̀m nə nâʼà pîndè nyîə kyi se tiynsə̂ etsâmtè sê ghɨpomə ghɛ ə ghe tè nyi apàs endaʼ ə Njòndyâkè kè kə nâʼà pîndè tè kaʼa ə è kyi tayn.

Ətefɨ̂aʼ 12:17

È və kɨmsə̂ ghənə è ghoke ə fɛte tsâ sê ghənə kə Pɛ̂pɛ fè pə̀yn nji fɨ è vəyn ə ndɛ̂ chaʼ. È və tsà se ghənə nə, “Ghàyn tsayn ghɛ nə zɨ̂nə̀ sê Njə̂m è ghɨə mɔ̀ʼɔ ghɛ ə ghe pomə Njisə̀s ghɛ nə zɨ̂yn.” È və wàmnə̀ mɨ̂sə̀ zâ, ə ndò ndûə elùʼ ə ndôvè.

Ətefɨ̂aʼ 14:2

Pîza ghɨ Njûs ghɛ ə ghe tè tə nə ghe pomə̂ va, ə ndwìsə̀ ə̀ təm əghɨ̀ ghɛ ə̀ tè vachi ə̀ghɨ ə Njûsghè nə ghənə ə nyɔʼsə̀ ètɔŋ sê ghɨ ghɛ ə ghe pomə Njisə̀s.

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 16:2

Ghɨə poməghe əkɨ̂m endaʼ ə Lisɨtɨ̀là è endaʼ Ìkonyùm tè wàmnə̀ kə àchûŋ kûmə̀ Timotì.

Ətefɨ̂aʼ 16:40

Pɔ̂l yî Silàs ə fɨə ə ndɛ̂ chaʼ, ə ndò ndùə ə Lindyà ə ndɛ. Ə pə̀ kə ghənə ndû fɨ, ə kwəynə̂ è ghɨ poməghe fu. Pɔ̂l yî Silàs ə wàmnə̀ ə fo ə̀təm ətɛ sê ghənə, ə ndò.

Ətefɨ̂aʼ 17:10

Tuʼve ə chîə, ghɨə poməghe ə njìə Pɔ̂l yî Silàs ə tomə nə ghənə tə ndu endaʼ ə Pelyàzè kûmə̀ ngəʼ nə zɨ̂yn. Ghənə ə ndùə fɨə fu ə ndùə njiə ə ndɛ̂ atsɨ̀ynte ə̀ ghɨ Njûsə̀.

Ətefɨ̂aʼ 17:14

Kè sə ashìŋə̀ ghɨə poməghe ə tomə Pɔ̂l yî ghɨə mɔ̀ʼɔ nə ghənə tso ndu èndomve ə etipìə tsô èghaʼâ, pîza Silàs yî Timotì ə faŋa kə ə Pelyà.

Ətefɨ̂aʼ 17:6

Pîza ə pə̀ kə ghənə tàʼa fe Pɔ̂l yî Silàs ə kyîə Njasɨ̀yn è ghɨə pomə əmɔ̀ʼɔ̂ ə shìnə̀ pə̀ è ghənə ə ghɨ esaʼaghe əshi, pɨa pîə nə, “Ghɨ ghɨnə nyi nyî mə ghe ə nə̀ʼsè mbi èkɨ̂m, sè nyi mə ghe ə kwi pə̀ tayn fayn zôyn,

Ətefɨ̂aʼ 18:18

Pɔ̂l ə ndamtə̂ kɔʼɔ yî ghɨə poməghe ə Kolìn sə mtuʼ me tsɨ̂əm̀ ə ke tɔŋtə ghənə ə ndò yî Pliskà è Àkwilà ə ndùə endaʼ ə Silyàzè ə ke ndùə ə Kànkɨ̀lyà. Pɔ̂l tè nyi mə è və kɔm tu ə vəynke kûmə̀ èkâyntè zɛ ə è tè nyi mə è və kyî yî Zhə̀fè.

Ətefɨ̂aʼ 18:27

Àpolòs ə ke chɔʼnê se ndù ə Àkayà, ghɨə poməghe ə Ɛfesùs ə tsàmtə̀ vəyn ə nyàʼà ŋwàʼlè sê ghɨə poməghe ə Àkayà nə ghənə fi vəyn nâʼà àchûŋ. È və tyàŋà ndùə fu ə fo kə nâʼà ètsâmtè e ghaʼâzè sê ghɨ ghɛ ə ghe tè se nyi mə ghe ə pomə kûmə̀ àfùʼ ə Fezhə̀kè.

Ətefɨ̂aʼ 21:17

Ə̀ tè nyì kə ghàs ndù fɨ ə Njèlusalɛ̀m, ghɨə poməghe ə fiə ndzɨsə̂ ghàs nâʼà àchûŋ.

Ətefɨ̂aʼ 21:20

Ə pə̀ kə ghənə zɨte mɨsè sê vəyn, ghənə əkɨ̂m ə fo àzɔ̀ŋnè se Zhə̀fè. Ghənə ə ke pì nə, “Ànyì vâsvè Pɔ̂l, o fe kə ghɨə Njûsə̀ kamse tsɨəse pomə sê Zhə̀fè è ndom vɛ ə ghənə ndə̂mə̀ lâŋkè ətə?

Ətefɨ̂aʼ 21:7

Ghàs ə ndò ə Tayà ə kwìə kə nyi ə ndùə fɨə ə tə̀ʼ ə̀ Tòlèmayis ə mòtè əghɨ pomə fu, ə nə̀ fètuʼ femɔ̀ʼ ghasè ghə̀ ghənə.

Ətefɨ̂aʼ 22:5

Wùə èkɔʼsə nə èshyə̀ è ngaŋtə kwəynə è chəʼse endaʼ sekɨ̂m kàʼa ə se tɔʼte nə m pîə èghɛ səmɔʼ. Mə tə fi ŋwàʼlèsè mə se ndo sê ghənə, mə ə nyaʼ sê ghɨ ə Njûsə̀ ə Ndàmakùsghè, mə ndùə fu ə ko ə̀ghɨ nə ghɨ̂yn, ə pə̀yn è ghənə ə sechaʼ ə Njèlusalɛ̀m nə ə pɔynse ghənə.

Ətefɨ̂aʼ 28:14

Kə ghàs nji ndû fumə ə kotə ə̀ghɨə pomə fu, ghənə ə chyatə̂ nə ghâsè ghə̀ ghənə ndamte sə ngâm, ghàs ə ke tsɛ ndù ə Lûm.

1 Kɔlìŋ 15:6

È və fɨə kəpi ə chùmtè èpàm sə Vəynse əshi se tsɨ̂ə tsɛ̂ tèwə tetâyn kè sə eshîŋə̀ èmɔ̀ʼ, mə tsɨ̀tsɨə ə̀ ghənə pa ndamə ndò pî kə yîghe nyi mə ə kwu.

Etyə̂yn ə paynsêzè 11:13

Chike ə nə̂ʼə̀ nâʼà sə ŋaŋ ə tɔ̂ŋ èghaʼâ, kè ashìŋə̀ nə kɛ ə pofsə̂ àpâs ə sendɛke amɔ̀ʼ fumə ə tɔ̂ŋ èghaʼâ ezhoghɛ ə chyâtè səynse shîŋə̀ teghɨm, ə zhwitə̂ ə̀ghɨ kamse esɛ̀mbɛ̂. Fâynzè ə ko ə̀ghɨ ghɛ ə ghe faŋ fu nâʼà sə ŋaŋ, ghənə ə nyaʼâ sə̂ pomsə, tsîtə̀ Fèzhə̀ fɛ ə fe nyi ekwùtwəyn.

Etyə̂yn ə paynsêzè 3:4

Pîza ghɨ mɔ̀ʼɔ pa nyi ndò fɛ ə Sandìs sə fefɨ̂atə̀ ndɔ̀ʼɔ ghənə nuʼ ngɨŋ sə ghənə̂sè è pi. Ghənə tə maʼà sendzɨs se fɨfə̂sè ə ghasè ghə̀ ghənə ə ndamə əmɔʼ kûmə̀ nə ghənə nyîə kwəynə̂ sə̂ nyi nyiəmə.