Ətefɨ̂aʼ 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 1:13 ပူးပေါင်းရင်းမြစ်များ

Matyò 9:9

Njisə̀s ə ndò fumə ə piə è ndùə ndò ə fe wùə è tənə nə̂ sè tâks, zə vəynze e nyi Matyò. Matyò tè tsɨs apfɨ̀ə kɛ ə tənə tâksè ətəyn. Njisə̀s ə pìə sê vəyn nə, “Chùmte mi.” Matyò ə ndwìə ə chùmtə̀ Njisə̀s.

Ŋwàʼlè ə̀ Mâk 14:15

Ə è tyəyn Lôm èghaʼâ sê ghayn. Lôm ə̀təyn e nyi ekwùtwəyn mə fɛtê pɨaʼtê ndəm. Ghàyn fɛte fɨazhiəve ətəyn sê ghâsènì.”

Ŋwàʼlè ə̀ Mâk 14:33

Njisə̀s ə njìə Pità yî Njə̂m, è Njɔyn yî ghənə ə ndùə əmɔʼ se tsə̀m. Ghɛghe ə zhə̀tə̀ sə̂ fo ngəʼ ə vəyn ekwâʼtè nâʼà sə ŋaŋ.

Ŋwàʼlè ə̀ Mâk 2:14

è və piə è tsɛ̀ ndò ə fe wùə è tənə nə̂ sètâks e tɔŋtə nə Levì, ə va Àfeyùs. Levì tè tsɨs ə ndɛ zɛ ə è tè tənə tâksè ətəyn. Njisə̀s ə pìə sê vəyn nə, “Chùmte mi.” Kè sə ashìŋə̀, e və ndwìə ndùə kə vəyn epàm.

Ŋwàʼlè ə̀ Mâk 5:37

È və pìə è ndùə ə wùə ə̀təyn ə ndɛ ə njìə kə Pità yî Njə̂m, è Njɔyn ànyìə Njə̂m.

Ŋwàʼlè ə̀ Mâk 9:2

Epàmə m̀tuʼ mtufə, Njisə̀s ə njìə Pità è Njə̂m è Njɔyn yîghə̀ ghənə ə kɔʼɔ ndûə etûə pfɨ̀yn è ghaʼa zhîzè. Ə̀ tè nyi kə ghənə nyi fu. Kyâʼ ə Njisə̀szè ə pfɨ̀ŋə̀ kwiynə̂ kə ə chùmte èpàm sə vəynsə əshi.

Tom èchùŋ kè kə Lûk tè nyaʼ 22:12

Ə è tyəyn lôm ə ndɛ èghaʼâ zɛ ekwùtwəyn, naʼapi ghe e nyi ətəyn, ə ghàyn pɨaʼte fɨazhiə ətəyn fu.”

Njɔyn 11:16

Tɔ̀mɔ̂s vɛ ə tè tɔŋtə kəpî nə, (Epɨâʼsè) ə pìə sê chùmtè epàm sə Njisə̀s shise nə, “Ə ghâsènì əkɨ̂m ndo ndu ke ghasènyìə ghə̀ Tyə̀ynsè, kə ghâsènì nə̂ kwu paʼsê è vəyn.”

Njɔyn 14:22

Njondàs, (ə̀ vachi Njondàs Èskalɔ̀t) ə pfɨfə nə, “Pɛ̂ Ò nə̀ tyə̀nə̀ paynsə̂ zàyn wiyn vɛve sê ghàs, ə Ò tàʼa tyə̀ynə paynsê sê mbi ə?”

Njɔyn 18:17

Ə pìə ə njiə ndò, vayn èzhɔyn nə vɛ ə pfɨfə sê Pità nə, “Piə ò nyì kepî chùmtè èpàm ə wùə nə vɨnə vəmɔ̀ʼɔ̂?” Pità ə kwiynsə̂ ə pìə nə, “M vachi chùmtè èpàm ə̀ Vəyn.”

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Ətefɨ̂aʼ 12:17

È və kɨmsə̂ ghənə è ghoke ə fɛte tsâ sê ghənə kə Pɛ̂pɛ fè pə̀yn nji fɨ è vəyn ə ndɛ̂ chaʼ. È və tsà se ghənə nə, “Ghàyn tsayn ghɛ nə zɨ̂nə̀ sê Njə̂m è ghɨə mɔ̀ʼɔ ghɛ ə ghe pomə Njisə̀s ghɛ nə zɨ̂yn.” È və wàmnə̀ mɨ̂sə̀ zâ, ə ndò ndûə elùʼ ə ndôvè.

Ətefɨ̂aʼ 15:13

Ə pə̀ kə ghənə wâmnè mɨ̂sè, Njə̂m ə ndwìə pîə nə, “Ghàyn zɨte sê mi ə soyn sɨmse.

Ətefɨ̂aʼ 2:14

Pità yî ghɨətom ə Njisə̀s əmɔ̀ʼɔ njò èmɔ̀ʼ ə ndwìə tyəmə̂ ekwùtwəyn sè wâmnə̀ è kyə̀ è tɛ sê nɔ̂yn kɛ nə, “Ghɨ Njûsə̀, è ghàyn əkɨ̂m ghɛ ə ndamə ə Njèlusalɛ̀m, ghàyn zɨte sê mi, m tsayn ghɛ zɛ ə ghɛ nə zɨ̂nə̀ tyə̀nə̀ sê ghàyn.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Ətefɨ̂aʼ 20:8

Ə̀ tè nyi ə̀ lûm ə̀ ndɛ zɛ ə ghàs tè zùŋte ətəyn ekwùtwəyn, lâmsè e pɛ̂ ətəyn tsɨ̂ə kə nyi.

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Ətefɨ̂aʼ 4:19

Pità yî Njɔyn ə pə̀ynsə̀ sê ghənə nə, “Ghàyn kwaʼte ghɛ zɛ ə ze tsɔ̂fə̀ ə Zhə̀fè əshi sə ghàyn ə ngɨŋ, nə ghàs zɨ sê Zhə̀fè mə, mə ghàs zɨ sê ghàyn ə?

1 Kɔlìŋ 15:7

È və tyə̀ynə̀ ngɨŋə̂ vəyn sê Njə̂m ə fɨnə tyə̂nə̀ se ghɨətomə nâʼà ə̀kɨ̂m.

Ngàleshyà 1:19

M tè paʼà fɨyn fe wùətom ə̀ mɔʼɔ fu, wùə vɛ ə m tè fe fu tè nyiʼe nyi ke Njə̂m, ə ànyì ə̀ Pɛ̂pɛ ə̀ ghâsènì.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

2 Njɔyn 1:1

Ə̀ nyàʼà mi chəʼ ə ndɛ ə̀ Fèzhə̀, sê wùzhɔyn vɛ Zhə̀fè chɔʼ yî ghɔ vəyn ghe. M kɔ̂ŋə̀ ghàyn è təm ghɨm ghe əkɨ̂m, ə̀ kɔ̂ŋɔ̀ kə va mi ghàyn, pîza ghɨ əkɨ̂m ghɛ ə ghe ke ghɛ zɛ ə ze nyi səmɔʼ kɔ̂ŋɔ̀ kəpi ndò ghàyn.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.