Ətefɨ̂aʼ 1:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ndômnè nə ghɨ̂nə̀ ə̀pɛ̀ ə ke ə pfɨf sê chùmtè èpàm nə sɛ nə, “Kûmə̀ ghè ə ghàyn tyəm naynə̂ kɔʼsə̂ è kwùtwəyn nyi ə ghɨ Ngalìlîə? Njisə̀s vɨ̂yn, ə nji ə ghàyn əfètəyn È ve È kɔʼ ekwùtwəyn, tə kɛsə̂ pə̀ kə endom vɛ ə ghàyn fe È ndùə ətəyn.”

Ətefɨ̂aʼ 1:11 ပူးပေါင်းရင်းမြစ်များ

Matyò 16:27

Kûmə̀ nə Va wùə se nyi ke se pə̀yn ə pɨ̀a vəyn epomsê è tsì sə vəynse. Ə nyì fumə ashìŋə̀ ə è nə̀ mâʼtə̀ nâʼà pîndè tɔynə̂ efɨ̀aʼ zɛ è nyi mə è və nə̀yn.

Matyò 16:28

M pîə sê ghàyn səmɔʼ nə, ghɨ yiə nyi fâyn mə tə kwu va, ə̀ tsɛ̂ kə va mə ghənə ə fe Vâ wùə è pə̂ è fɔ̂yn ə vəynze ə chi.”

Matyò 24:30

Epàm ətəyn, ə chwìə epə̂ ə Vâ wùəzè fɨ ekwùtwəyn, əghɨ tèndâʼà tə mbite nâʼà tèkɨ̂m ə nuŋnə̂ chîə è fâynzè ashìŋə̀ kɛ ghənə fe Vâ wùə, e tso pə̀ etuə sèmbàʼ ekwùtwəyn, kyi àtyaʼ epomsê eghaʼâzè.

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Ŋwàʼlè ə̀ Mâk 13:26

Fumə ashìŋə̀, əghɨ fe kə Va Wùə tso pə̂ əfètə̂ sèmbàʼ, è tyaʼa ə kayntəke, è pomsêzè.

Ŋwàʼlè ə̀ Mâk 14:70

Pità ə fɨnə kwiynsə̂. Ə mòtə̀ kə sə fendiŋə̀ nyî, ghɨ ghɛ ghe tè tyəm fu ə fɨnə pîə sê Pità nə, “E nyi ke nâʼà səmɔʼ nə ò nyi wùə èmɔ̀ʼ vɛ ə è chùmtə̀ Njisə̀s, kûmə̀ nə ò ndò pə̂ Ngalìlî.”

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Tom èchùŋ kè kə Lûk tè nyaʼ 21:27

Ə nyi epàm ətəyn, ə ghənə fe Va Wùə, ə è və tso pə̀ əfètə̂ mbàʼ, kyi àtyaʼ eghaʼâkè è pomsêzè.

Tom èchùŋ kè kə Lûk tè nyaʼ 24:5

Fâynzè ə ko ghənə, ghənə tsosə etu ə chi. Ghɨ ətəyn ə pfɨfə sê ghənə nə, “Kûmə̀ ghè ə ghàyn kyiŋə wùə e twɔ əfètə̂ ə ghɨə kwutə ghə?

Njɔyn 14:3

Mə ə M ndû fɛte mɨ̂sè, ə m kɛse pəyn nji ghàyn, kə ghàyn pəyn ə nyi ghâsènì elùʼ vɛ ə m nyi ətəyn.

Ətefɨ̂aʼ 1:2

se zaʼâ kə Zhə̀fè tè nji Vəyn ekwùtwəyn. Tsɔ̀fə kə ə nji Vəyn ekwùtwəyn, Zuʼse Ŋwaʼase ə fo àtyaʼ, È və zaʼlə̂ ə̀ghɛ se ghɨ ghɛ ə È chɔʼte kə sechùmtè èpàm sə tom sə Vəynse kə ghənə nə̂.

Ətefɨ̂aʼ 1:9

Kə Njisə̀s wàmnè mɨ̂sè ghɛ nə ghɨ̂yn, Zhə̀fè ə nə̀ È və kɔʼɔ ekwùtwəyn. Kə ghənə tè pa naynə̂ kɔʼsə̂ ndûə Vəyn, È və kɔʼɔ kə nyi mbàʼsè ə kɨlə fɨ̂nə̀ Vəyn, ghənə ə tàʼa kɛsə fe Vəyn.

Ətefɨ̂aʼ 13:31

È və tyə̀nə̀ ngɨŋə̂ vəyn shîŋə̀ tetsɨəte sê ghɨ ghɛ ə yî ghənə tè ndo ə Ngalìlî əmɔʼ ə kɔʼɔ pə̂ ə Njèlusalɛ̀m. Ghɨ nə ghɛ mə nyi ghɛ ə ghənə tsâ se ghɨə ghɛ zɛ ə ghənə tè fe.

Ətefɨ̂aʼ 2:7

Choghe ə zomə ghənə, ghənə pìə nə, “Piə ghɨ ghɨ̀yn ə ghe wàmnə̀ fâyn ə̀kɨ̂m ndò apàs endaʼ ə Ngalìlîkè ə?

Ətefɨ̂aʼ 3:12

Pità ə fe əghɨ nə ghɨ̂yn ə pfɨfə sê ghənə nə, “Ghɔnyì ghɨmghə Isìlâyghè, kûmə̀ ghè ə ghàyn nyi èkaynze ə? Ghàyn tùŋə̀ naynə̂ kə ghàs nyî sə ghe? Ghàyn kwàʼtə̀ nə ghàs nəyn nə wùə vɨ̂yn ndwi ə è və kwîə kûmə̀ àtyaʼ kas kə ngɨŋke mə, mə kûmə̀ nə ghàs tsɔ̀fə̀ nâʼà achûŋ ə Zhə̀fè əshi ə?

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

1 Tèsàlonikà 4:16

Ə̀ tə pə̂ ə nyi etuʼ vɛ ə Pɛ̂pɛ nâʼà è ngɨŋ ə vəyn tso pə̂yn ekwùtwəyn, ə è pɨa è kyə̀ è tɛ, ə tsì èghaʼâ ə wâmnə̀, ə ghɨ fɨyn zɨ kə tɔŋ sɔŋ ə Fezhə̀zè, ə ghɨ ghɛ ə ghe tè piə kwuə ndò, samsə̂ Klâys, ə zômə̀ sə shi.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

Etyə̂yn ə paynsêzè 1:7

Ghàyn fe kə, è vɛ è pə̂ əfètəyn sembàʼ, nâʼàpî ndè e nyi se fe vəyn, paʼsə̂ è ghɨghe əkɨ̂m ghɛ ə ghe tè so vəyn èghɔŋ. Nâʼà ə̀ghɨ ə̀kɨ̂m ə chi tə nə̂ ə chìə kûmə̀ vəyn. E nyi ke nâʼà səmɔʼ! ə zə nyi ke zamə.