3 Njɔyn 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghənə tsàyn kɔ̂ŋ zɛ ò kyi sê ndɛ̂ ə̀ Fèzhə̀ zɛ ə è nyì fâyn. Nə̀yn nə kwîə ə ghənə̂zè ə nyi achûŋ endom vɛ ə Zhə̀fè kyiŋə.

3 Njɔyn 1:6 ပူးပေါင်းရင်းမြစ်များ

Ətefɨ̂aʼ 15:29

Kə ghàyn zhi fɨazhiəve mə fo sê zhə̀mè; kə ghàyn tə zhi m̀ndəm kɨ̀sə ə̀ nyì pî se kwɨlə nyàm mə ə pɔyn zhwî ndò; kə ghàyn nə nyîŋə̀ è zənə kɨ̀sə ə̀ nyì pî ghàyn ndômnə̀, mə ə̀ kiva ghàyn. Ghàyn nə̀ nə̂ àchûŋ ezhoghɛ ghàyn zà ghɛ nə ghɨ̂yn ə ghàs pìə nyî. Ghàyn faŋ ke nâʼà àchûŋ.”

Ətefɨ̂aʼ 15:3

Ghɨə poməghe ə ndùə tiynsə̂ ghənə endom. Ghənə ə ndò ə tsɛ̀ tɔynə apàs endaʼ ə Fònisyàkè è Sàmalyà ndâʼà kɔʼɔ sê ghɨə pomə əmɔ̀ʼɔ̂ fu kə ghɨə mɔ̀ʼɔ yîghe ə vachi ə̀ghɨ ə Njûsghè kwiyne ndam tə ghənə̂tè ə pomə Zhə̀fè. Tom nə zɨ̂yn ə nə̀, ghɨə poməghe əkɨ̂m e saŋnə̂ kə nyî.

Ətefɨ̂aʼ 21:5

Ə pə̀ kə shîŋə̀ ə ghasè ghənə̂kè mì, ghàs ə ndò ə ndùə èshike. Nâʼà ghənə əkɨ̂m paʼsə kə è zhwiə ghənə̂ghè è ghɔynghe ə fɨə ndûə endaʼ ə tiynsə̂ ghàs etipìə tsò, ghàs ə tɨmə ə̀ ndzɨs fumə ə tsə̀mə̀.

Ŋwàʼlè ə̀ Pɔ̂l sê ghɨə Lûmghè 15:24

M kwaʼtə̀ se nə̂ zɛ mə zôyn. M nə̀ nə̂ m mə kɔ̂ŋə̀ se fe ghàyn ezhoghɛ ə m ndûə endaʼ ə Sɨ̀pênzè, ə ghàyn tsamte mi kə m ndu fu. Pîza m tə môtə̀ ghâsènì sə fendîŋə̀ fə ashìŋə̀fè kə ghâsènì zɨne təm ə ghasènìghe.

2 Kolìŋ 1:16

Kûmə̀ nə mə pɨaʼtê se mòtə ghàyn ezhoghɛ m tsɛ̂ ndûə ə Màsèndonyà è kɨsè ezhoghɛ m pə̂, endom kə ghàyn tsamte mi m fɛte kwi ndu ə Njòndyâ.

Filìpây 4:14

Pîza, e tè nyiə tsɔ̂fə̀ kə ghàyn tè tsàmte mi ə mì əfètəyn ètsòs.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

1 Tèsàlonikà 2:12

fo ghàyn təm ə tɛghe, pɔsə̂ ə̀təm ghaynghe, pîə kwəynsə̂ kə ndò nə ghàyn ə ndamə endom vɛ ə Zhə̀fè kyiŋə, ə Fèzhə̀ fɛ ə fe tɔŋə ghàyn nə ghàyn ə nyi ə̀ghɨ ə vəyn elùʼ efɔ̀yn, è kɨsè ə vəyn epomsê.

Taytùs 3:13

Ghàyn mɔmse nâʼà sə ŋaŋ se tsàmtə Zenàs, wùə ə̀ sèsaʼ, è Àpolòs ə ghənə e kwì, ghàyn fe nə ghənə kyi ndô nâʼà pîghè vɛ ə ghənə kyiŋə.

1 Pità 2:20

Pîza, ə wùə wəynsə ezhoghɛ ə pusə vəyn mə è nə̀yn pofse èghɛ, zhize ətəyn se nyi nâʼà ghè? Ə è wəynsə kə è fe ngəʼ mə è pɨl nə̂yn chùŋ, ə Zhə̀fè pɔse vəyn.

3 Njɔyn 1:12

Ə̀ pə̀ pîndè wàmnə̀ kə achûŋ kûmə̀ Ndèmitiyùs. È nə̀ ə̀ghɛ ghɛ ə ghe nyi səmɔʼ, zɨnə mə echwîtə̀ nə è nyi wùə èchùŋ. Pî ghàs wàmnə̀ kə àchûŋ kûmə̀ vəyn. Ò nyi ə ke nə ghɛ zɛ ə ghàs pìə kûmə̀ vəyn nyi səmɔʼ.