3 Njɔyn 1:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Kə ò tə səyne èghɛ epi ə soyn vɨm ve èkɔ̂ŋ, ò pɨlə səynə kə ze chûŋzè. Nâʼàpî ndè vɛ ə è nə̂ ghɛ e chuŋè nyi vayn sê Zhə̀fè. Vɛ ə è nə̂ ghɛ ə pighe ke va Zhə̀fè.

3 Njɔyn 1:11 ပူးပေါင်းရင်းမြစ်များ

Njɔyn 10:27

Ndzè sɨmse nyîə zɨə kyə̀ zɨ̂m M ke səynse, se chumtə̀ Mi.

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 3:20

Ghɨ ghɛ ə nə̂ ghɛ ə piə kɔ̂ŋə̀ va payn, va se pə̀yn fumə ə fètə̂ èpayn kə fanə̀ nə sas ə ghənə̂zè nə̀ panə.

1 Kɔlìŋ 11:1

Ghàyn səyne ndam zɨme kè kə m səynə zə Klâyszè.

1 Kɔlìŋ 4:16

M chyatə̂ ghàyn nə ghàyn ə səynə̂ ə̀ghɛ ghɨmghe nəghe.

Ɛfesùs 5:1

Ghàyn nyi nyî nyi əghɔ Fezhə̀, Fe kɔ̂ŋɔ̀ ghàyn nâʼà sə ŋaŋ. E za tyə̀nə̀ nə ghàyn kyi sə̂ ndamə endom vɛ ə Zhə̀fè ndamə ətəyn.

Filìpây 3:17

Ghɔnyì ghɨmə, ghàyn e səynə̂ kə èndam zɨme. Ghàyn e ndamə kə kə ghɨ ghɛ ə ghàyn fe nə ghənə nə̂ ə̀ghɛ ghɛ ə ghàyn tè fe kə ghàs nə̀.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

1 Tèsàlonikà 2:14

Ghɔnyiə, ghɛ zɛ ə ze tè tyə̀nə nə tom ə̀ Fèzhə̀ ə zhə̀tè se fɨ̂aʼ ə ghàyn ə fètəyn tè nyi nə, ghɛ ghɛ ghe tè kyàyn sê nɔ̂yn ə ghɨ kɛ ə ke pomə sê Klâys Njisə̀s ə Njòndyâ ə kyàyn kepî sê ghàyn. Ghɨ endaʼ ghaynghe ə fo ngəʼse sê ghàyn, ə̀ nyi kepî sèngəʼ sɛ ə ghɨ Njûsə̀ tè fo sê ghɨ pomə nə ghɛ,

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

Ipilù 6:12

Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.

1 Pità 3:11

Wùə nə vɨ̂nə kyi se màʼà ewâmnè epize, è kɨsè se zamàʼà ewam akaŋze sə̂ nə̂ chùŋ. È kyi se kyiŋə tendom tèkɨ̂m se kyiə pɔ̂ynè,

1 Pità 3:13

Ə ghàyn mɔ̀msə̀ nâʼà è tyaʼa sə̂ nə̂ ə̀ghɛ əchûŋghè, ə wùə ə vayn kaʼa è nəyn ghɛ epize sê ghàyn.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.