3 Njɔyn 1:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ M tə pə̀ nâʼàpî ashìŋə̀ àkè ə m tsàyn sê nɔ̂yn əghɨ̀ ə poməke ghɛghə kɨ̀m ghɛ ə è nə̀ mə ghe nyi etipì. M tə tsâ ə̀ghɛ ə kwəmnə ghɛ ə è pì kûmə̀ ghâsènì è kaŋ kɛ ə è wam. È tè nə̂yn zâ ze ə tàʼa mìə kə zamə. È tə sə̂ fiə ə̀ ghɔ nyiə fɨnə tâmtə̀ əghɨ ghɛ ə kyiŋə sə̂ fiə, chûmə̀ fɨsə ghənə ə anɔ̀yn ə ghɨ ə poməke.

3 Njɔyn 1:10 ပူးပေါင်းရင်းမြစ်များ

Tom èchùŋ kè kə Lûk tè nyaʼ 6:22

Chùŋ nyi sê ghàyn ezhoghɛ ghɨ pânə̀ ghàyn, chûmə̀ ghàyn ə etsɨ̀ynte, sôylə̀ ghàyn fɨnə pofsə̂ əzə ghaynghe kè kûmə̀ kə Va Wùə.

Njɔyn 9:22

Pɨ̀a vəyn yî nyì ə̀ vəyn tè wàmnə̀ nyî kûmə̀ kə ghənə tè fànə ghɨə chisə ghɨə Njûsghè. Ghənə tè nyi mə ə ndə̀m nə ə̀ tɔ̀ʼ pi ndè nə Njisə̀s nyi wùə vɛ ə nyi mə chɔʼ ndəm, ə chum vəyn, ə è və fɨnə njiə va ə ndɛ̂ atsɨ̀ynte.

Ətefɨ̂aʼ 1:15

Ə tè nyi tuʼ fife, ghɨə poməghe e fɨyn tsɨs kepî luʼve emɔ̀ʼ, zaʼâ ə̀ghɨ ewə̀ m̀ghɨm m̀pɛ̀, Pità ə ndwìə tyəmə̂ ə wàmnə̀ sê ghənə ə pìə nə,

2 Kolìŋ 13:2

Ə̀ tè nyi kə m pə̂yn se fe ghàyn nə ə̀ ndu shîŋə̀ tepɛ̀, mə fo fɨ̀as sê ghɨ ghɛ ə ghe tè nə̂ ghɛ piə. M nə̀ fo fɨ̀as ə̀təyn zôyn, va pî ə ghàyn ə ngwùŋ. Ə m kɛse pə̂yn, ə m fo tsôsvè sê nâʼàpî ndè vɛ ə è tè nə̀yn pofsê sə mɨ è ghə mɔ̀ʼɔghe əkɨ̂m.

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

1 Timotì 5:13

Ghənə nyiə kwîə laʼsə̀, njiə kə ə ndɛ ə ndɛ, ndə̀mə̀ kôghɔ̀ŋ, njiə ə ghɨghə ghɛ, fɨnə wâmnə̀ ə̀ghɛ mə va eluʼ ə ghənə̂vè sə̂ wâmnə̀.

2 Njɔyn 1:10

Ə̀ pə̀yn pîndè sê ghàyn zaʼlə̂ va zaʼlê nə zɨ̂yn, kə ghàyn fi vəyn ə gha ə sendɛ, kə ghàyn tɔŋte pî ghənə kə tɔŋtə ghɨ ə epoməghe.

2 Njɔyn 1:12

M kyi əghɛ se pì sê ghàyn, ghe tsɨ̂ə kə nyî, pîza kɔ̂ŋɔ̀ va se nyàʼ ndò. M pɨlə kwâʼtə̀ se pə fe ghàyn shwi m̀shwi kə saŋnê ə ghasènìze ə nyi mə zə kɔʼ kwəyn.

3 Njɔyn 1:3

Ghɔnyì yîghe tè pə̀yn tsâyn sê mi nə ò nə̀ kə nâʼà èghɛ zɛ ə ze nyi səmɔʼ, tyəm ke eghɛ zɛ ə ze nyi səmɔʼ, m saŋnə̂ nâʼà sə ŋaŋ.

3 Njɔyn 1:5

Ò fɛtə̂ nə̂ kə èfɨaʼ zɛze sê ghɔ nɛ̂ ghè ə soyn vɨ̂m ve kɔ̀ŋ nâʼàpî ezhoghɛ ghənə nyi əghɨ mə ò ke va ghənə.