2 Timotì 4:2 - Ŋwàʼlè ə̀ Fèzhə̀ Mkâyn Mə̂ Fèm

² ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.

2 Timotì 4:2 ပူးပေါင်းရင်းမြစ်များ

Tom èchùŋ kè kə Lûk tè nyaʼ 7:23

Chùŋ nyi sê wùə vɛ ə è tàʼa màʼà epomə̂ zɛ è kyi sê mi.”

Tom èchùŋ kè kə Lûk tè nyaʼ 7:4

Ghənə ə ndù sê Njisə̀s ə chyatə̂ vəyn nâʼà sə ŋaŋ ə piə nə, “Tsàmte wùə vɨ̀yn, è nyi ke nâʼà wùə kə ò tsamte.

Tom èchùŋ kè kə Lûk tè nyaʼ 9:60

Njisə̀s ə piə sê vəyn nə, “Za, əghɨ ghɛ ə ghe nyi kepî kə ghɨe kwutəghe ə pfɨ̂mə̀ əghɨe kwutə ə ghənə. Pîza sê ghò, ò ndâʼà ndùə saʼghe kûmə̀ èfɔ̂yn ə Fezhə̀e.”

Ətefɨ̂aʼ 13:5

Ə pə̀ kə ghənə ndû fɨ endaʼ ə Sàlamìszè ə ndàʼà tom ə̀ Fèzhə̀ ə sendɛ sə atsɨ̀ynte sə ghɨ Njûsghè. Ghənə ə njìə paʼsə̂ Njɔ̀yn Mâk kə è və tsâmtə̀ ghənə.

Ətefɨ̂aʼ 16:13

Tuʼ endaʼ ə ghɨ Njûsvè ə pə̀, ghàs ə ndwìə fɨə endaʼa nə zɛ ə ndùə ə etipìə tsô èghaʼâ. Ghàs tè kwàʼtə nə ghàs nə fe eluʼ fu vɛ əghɨ ə Njûsə̀ zûŋtə̀ ətəyn tsə̂mə̀. Ghàs ə tso tsɨsə̂ əchi ə wàmnə̀ se zəyn ghɛ ə ghe tè nyì fu.

Ətefɨ̂aʼ 20:7

Ə̀ tè nyi ashìŋə̀ ezhwikwɨləke etuʼ ə shive ə ngâm, ghàs ə zùŋtə̀ se zhi, Pɔ̂l ə zhə̀tə̀ se zaʼlê əghɨ, ə nə̀ zaʼlə kə nyi ə zaʼâ əfètəyn ètuʼ kə è tè se nyi se pɨəysə̂ ndò etuʼe komtə̂ əmɔ̀ʼɔve.

Ətefɨ̂aʼ 28:16

Ə tè nyi kə ghàs pə̀yn tâyn endaʼ ə Lûmzè, ə zà Pɔ̂l nə è və ndamə kə nâʼà sə və ngɨŋ ə fo sokə̀ʼ nə è və tsɨ̂ŋnə̀ vəyn.

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ŋwàʼlè ə̀ Pɔ̂l sê ghɨə Lûmghè 12:12

Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.

Ngàleshyà 6:6

Wùə vɛ ə zaʼlə vəyn èghɛ ə Fezhə̀zè kyi sə̂ chyâtə̀ fo tyə̀ynsè ə vəyn è fɨa echûŋ vɛ ə è kyi, nâʼà èkɨ̂m.

Kòlosè 1:25

Ə̀ nəyn Fezhə̀ nə mə nyi wùə èfɨaʼa sê ghɨ ghɛ ə ghe pomə se Klâys. È və tom mi nə m tɔʼ ndaʼà tom nə zɨnə mə se ghàyn achûŋ.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

1 Tèsàlonikà 1:6

Ghàyn ə tə zaʼlê se ndam kə ghàs è kɨsè kə Pɛ̂pɛ, naʼapi kə ghàyn tè fe tsôsvè sə ŋaŋ, Zuʼse Ŋwaʼase ə nə̀ ghàyn ə fiə tom ə̀təyn è saŋnêzè.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

1 Tèsàlonikà 5:20

kə ghàyn nə kɔ̂psè tom zɛ ə ghɨə ndaʼà sê ghàyn mə è ndò sê Zhə̀fè.

1 Timotì 4:13

Ndə̀m shîŋə̀kè sə̂ tɔŋɔ fɨsə̂ èghɛ ə Fezhə̀zè sê ghɨghe è kyə̀ ètɛ, ndàʼà tom èchùŋ, fɨnə zaʼlə̂ ə̀ghɨ se zaʼâ kə m pəyn.

1 Timotì 5:20

Ə̂ nə̀yn pîndè pi, ə zɔ̂ sê vəyn kè ə ndayn kə ghɨ mɔʼɔghe zɨ ə fànə̀ sə̂ pɔŋɔ nə̂ pi.

2 Timotì 2:21

Ə̂ nə̀yn nâʼàpî ndè ngɨŋə̂ vəyn sə̂ zo endom kə ghɛ əpi nə ghɨ̂nə̀ ə va ə vəyn ewìyn, ə Zhə̀fè nji vəyn sə nə̂ kàyntè ə̀ghɛ kûmə̀ nə è nyi èŋwaʼze, kyi m̀kɔʼnè se pɛ̀ èfɨ̀aʼ ə vəyn kûmə̀ nə è və màʼà ngɨŋə̂ vəyn sə̂ nyi wufɨ̀aʼa sê Vəyn, nyi èpɨaʼtêzè sə̂ nə̂ nâʼà tèkyì te fɨ̂aʼ techûŋ tekɨ̂m.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

2 Timotì 3:10

Pîza, sê ghò ə Timotì, ò se nyi mə o chùmtè kɔʼ pəyn zaʼlê zɨmze è ndam zɨmze è ghɛ zɛ ə m tè kwàʼtə se tə nə̀yn endam. Ò ə naynê kɔʼ pəyn kyî epomə̂ zɨmze, è kol ətəm zɨmze, è kɔ̂ŋ zɨmze, è wəynsê ewìyn zɨmze.

Taytùs 1:13

Ghɛ nə zɨnə mə nyi səmɔʼ. E za tyə̀nə̀ nə ò kyi se zɔ̀ sê ghənə nâʼà è tyaʼa kə ghənə pomə è tyaʼke sê ghɛ zɛ ə ze nyi səmɔʼ,

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Ipilù 13:22

M chyatə̂ ghàyn ə ghɔnyì ghɨmə nə ghàyn zɨte ghɛ zɛ ə m wâmnə̀ sê ghàyn se fo ghàyn è təm ə tɛghe. M pâʼà nyàʼ ghɛ se tsɨ̀ fa ŋwàʼlè zɨ̀yn ə m nyâʼ sê ghàyn.

Etyə̂yn ə paynsêzè 3:19

M zɔ̂ se ghɨ ghɛ ə m kɔ̂ŋə̀ fɨnə pɔynsə̂ ə̀ghɨ ghɛ ə m kɔ̂ŋə̀ ghənə. Ndwìse wiynve ə kwiynə̂ ə̀təm ghɛghe pighe.