2 Timotì 3:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghənə tə nə̂ ə kyi va təm ə chûŋghè, lɛ̂sə̀ fo va ghɨghe, pìə ə̀ghɛ piə kûmə̀ ə̀ghɨ, pîə ə̀ghɛ nyi ke epɨaʼtêzè se nò, ndamə kə kə senyam, ghənə tə nə̂ ə pânə̀ èghɛ echûŋzè.

2 Timotì 3:3 ပူးပေါင်းရင်းမြစ်များ

Matyò 10:21

Ghɨə tə njiə fo ə̀ ghɔnyìə ghənə̂ghè nə zhwi, ə pɨ̀a ə ghɔnə nji fo ə̀ghɔyn nə ə zhwi. Ghɔynə tə kə̀mnə̀ ə nô ghə̀ pɨ̀a yî ghə̀ nyì, ə fo nə zhwi.

Matyò 4:1

Zuʼse Ŋwaʼase ə nə̀ Njisə̀s ə ndùə elùʼ ashəshəe kə ndə̂plè mɔm vəyn fu.

Tom èchùŋ kè kə Lûk tè nyaʼ 10:16

È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Tom èchùŋ kè kə Lûk tè nyaʼ 16:14

Ghɨ Falàsî yîghe ə zɨə za sè chaʼa Njisə̀s kûmə̀ nə ghənə tè kɔ̀ŋɔ̀ kɛu.

Njɔyn 6:70

Njisə̀s ə pə̀ynsə̀ sê ghənə nə, “Ə̀ tè chɔʼ mi ghàyn njòse pɛ̀, mə va zamə? Pîza wùə èmɔ̀ʼ ə ghàyn ə fètəyn nyi ndə̂plè.”

Ŋwàʼlè ə̀ Pɔ̂l sê ghɨə Lûmghè 1:29

Ghənə nyi mə ə lwiyn èkyì tə ghɛ əpi tekɨ̂m kə; ətəm epighe, è fɨə ə shize, nyaŋə əghɨ əmɔ̀ʼɔ, kyi àghə̀ʼ, zhwiə ə̀ghɨ, kɔŋə̀ ètsôs, kɔŋə̀ sə chɔŋtə̂, lɛsə ə̀ghɨ, piə èfim.

Ŋwàʼlè ə̀ Pɔ̂l sê ghɨə Lûmghè 1:31

Ghənə nyîə ngô, ndə̂mə̀ va tsɨ̂nè tə ghənə̂tè, ghənə kiva kɔ̂ŋzè ə ghənə ə fètə̂ ə̀təm, kiva kose esəynze.

1 Kɔlìŋ 7:5

Kə wùzhɔyn tə se fo ngɨŋə̂ vəyn se ndom ə̀ vəyn, kə wùə ndômə̀ tə kepî se fo ngɨŋə̂ vəyn se zhwîə vəyn, ə̀ tsɛ kə va mə ə̀ pomə ghənə se nə̀yn zamə sə fe ndiŋə kə ghənə ə nyi kàʼa tsəm. Pîza ə shîŋə̀ təynke mî, ghàyn e kɛsə̂ ndamə kə lâŋ ə malə̂kè kyiŋə, ə̀ va za, ə mɔ̂m ə Satàynzè nəyn, ə ghàyn pfɨ kûmə̀ nə ghàyn keva se kyî ə sengɨŋ saynse.

1 Kɔlìŋ 7:9

Pîza mə ghənə vayn kàʼa ə kyi ngɨŋsə ghənə̂sè, ə ghənə malə, kûmə̀ nə e tsɔ̂fə̀ se malə tsɛ̂ sə̂ tsɨs pî ashìŋə̀ akè, kwaʼtə̀ kə sə ŋaŋ se nyɨ̀ŋə̀ è wùzhɔyn kɨ̀sə wùə èndom.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Taytùs 2:3

Kèpî famə endom, zaʼle zəyn ə ndumnə nə ghənə kyi se ndam endam zɛ ə ze fo ngɨmnêzè sê Zhə̀fè, piə va ghɛ ə pighe kûmə̀ ə̀ghɨ mɔ̀ʼɔ, mɨə tsɛ̂sə̀ va lɨ̀m. Ghənə pɨl kyi sə̂ zaʼlə̂ ə̀ghɨ èghɛ zɛ ə ze nyi achûŋ,

Njə̂m 2:6

Pîza, ghàyn nyi mə ghàyn ə sòylè ghɨ afɨfə. Piə ə̀ kyiə fiə ə̀ghɨ ghaʼâghè fɨa vâynvè, fɨnə njîə ndùə èghàyn ətelùʼ tə saʼte?

2 Pità 2:14

Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

Njût 1:18

Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”

Etyə̂yn ə paynsêzè 13:15

Zhə̀fè ə zà nə nyàm èpamə ə̀mɔ̀ʼɔ̂ zɛ ə è tè nə̂ nə se ndu sepɛ̀ zhwise etùə afɨâʼsè ə nyàm èpamə ə̀ shike, kə fɨaʼsè ətəynke wâmnə̀ ə ke zhwi nâʼàpî ndè vɛ ə è tə nə è ngɨmnə̂ va fɨaʼsè ətəynke.

Etyə̂yn ə paynsêzè 13:17

Wùə tè vayn kaʼa è zhɔyn kɨ̀sə se pəʼlê mə è kyi va chwìə zə̂yn, ə nyi èzə ə nyâm èpamə ə̀təynze, ə̀ puzâ ə nyi akɔ̂yn kɛ ə ke tyəm sə vəyn ezə.

Etyə̂yn ə paynsêzè 16:6

Ghɨghe ə tè zhwite ghɨ ghɛ ghe, ə zhwitə sèfɨ̀aʼtè, ò vɛ ò fo ndə̂m zôyn nə ghənə mɨ. Fɨa kɛ ə ò fo sê ghənə nyi kɛ ə ke nyi mə kə kwəyn sê ghənə!”

Etyə̂yn ə paynsêzè 17:6

Mə fe mə wùzhɔyn ətəyn ə mɨ ndə̂mè, m̀ mə ko vəyn sə mlɨ̂. Ə mɨ̂nə̀ tè nyi mndəm mə ghɨ Fezhə̀ghè è kɨsè ghɨ ghɛ ə tè zhwi kûmə̀ nə ghənə tè tyəm è təm ə ghənə̂ghè əkɨ̂m sê Njisə̀s. Ə pə̀ kə m fe wùzhɔyn ə̀təyn, nyi èkaynze nâʼà sə ŋaŋ.