2 Timotì 3:2 - Ŋwàʼlè ə̀ Fèzhə̀ Mkâyn Mə̂ Fèm

² Ghɨ tə nə̂ ə muə, kɔ̂ŋɔ̀ èkɛ nâʼà àpi, pfɨnə̀ àngàŋtè, ghaŋsə̂ èwiyn, sôylə̀ ə̀ghɨ fɨnə tɛ ètuke sê pɨ̀a ə ghənə̂ghè è nyì ə ghənə̂ghè. Ghənə tə nə̂ ə fo va zɔ̀ŋnèkè sê wùə kûmə̀ nâʼà èghɛ e tətə̂ zhîze kə wùə nə̀yn sê ghənə, kyi va luʼve sê Zhə̀fè ə ghənə ətəm.

2 Timotì 3:2 ပူးပေါင်းရင်းမြစ်များ

Matyò 15:6

ə è və kyi va se kɔʼsə̂ pɨ̀a kɨ̀sə nyì èfɨa ətəynke. Ə wùə nə̀yn zamə, ə nyi mə ghàyn paʼà njì ghɛ ə Fezhə̀zè nə ə̀ nyi eghɛ kûmə̀ nə ghàyn chùmtə̀ taynte nə tezaʼlê.

Tom èchùŋ kè kə Lûk tè nyaʼ 12:15

ə fɨnə piə sê nɔ̂yn nə kɛ nə, “Ghàyn tɔ̂ʼnə̀ kûmə̀ əshi ə fɨə kûmə̀ nə ndam ə wùəe va ke kûmə̀ efɨa e tsɨə vɛ ə è kyi, ə kɔ̀ŋ ə è və kyi naʼapi zàyn.”

Tom èchùŋ kè kə Lûk tè nyaʼ 16:14

Ghɨ Falàsî yîghe ə zɨə za sè chaʼa Njisə̀s kûmə̀ nə ghənə tè kɔ̀ŋɔ̀ kɛu.

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Ətefɨ̂aʼ 5:36

Ə tè nyi kepî tuʼ fîfe, Tìyondàs ə fɨə kɔʼɔ pîə nə ə̀ nyì ke nâʼà zhi nə vɛ̂, ghɨghe ə chumtə̀ vəyn zaʼâ wəte kyàʼ. Pîza ə mɨ̀se ə pa zhwiə vəyn. Pamə̂ tə vəynte ə chyàsə̀ kə fèmɔ̀ʼ femɔ̀ʼ.

Ŋwàʼlè ə̀ Pɔ̂l sê ghɨə Lûmghè 11:18

E za tyə̀nə̀ nə ghàyn kyi va sə̂ ghaŋsə̂ èwiyn sê ghɨ ghɛ ə ghənə nyi kə sengɔyn sɛ ə tè fɨayte mâʼà. Ə ghàyn ghaŋsə wiynve, kə nə lɛsè se kê nə, ghàyn tsɨ̀yn nyi ke sèngɔyn, ə̀ vachi ghàyn ghɛ ə ghàyn kyi ghaŋte, ə̀ nyi teghaŋ ə te kyi ghàyn.

2 Kolìŋ 5:15

Klâys tè kwu ke sê ghɨ ghəkɨ̂m, kə ghɨ ghɛ ə ghe ndamə nə pa ndamə va endom vɛ ə ve fɔmə sê ghənə, pîza ndamə kûmə̀ wùə vɛ ə è tè kwu ə ghənə ə tu, Zhə̀fè ə fɨnə zômsə̀ vəyn.

Filìpây 2:21

Ghɨə mɔ̀ʼɔghe əkɨ̂m kwàʼtə̀ kə sê ngɨŋ sə ghənə̂sè, ə̀ nyi ə̀ghɛ kyi va ghɛ zhîze se nə̀yn èfɨaʼ ə Njisə̀s Klâyszè.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

2 Tèsàlonikà 2:4

Wùə èpi nə vɨ̂nə tə fɨə pə, ə è pi ghɛ ə kwunəghe kûmə̀ Fèzhə̀, è nâʼàpî ghè vɛ ə ghɨə ngɨmnə, njîə nə ə̀ nyi Fezhə̀, ə è pi nə zhi nyîə kɔʼnə̂ tsɛ̂ nâʼà ghənə əkɨ̂m. Kûmə̀ zɨnə mə ə è ndu njiə tsɨsə̂ ə ndɛ̂ Fèzhə̀ ètsə̀mə ə è və pìə nə ə̀ nyì ke nâʼà zhi Zhə̀fè.

1 Timotì 1:20

Ɛmenìyùs è Àlɛ̀ksandà nyi əghɨ mɔ̀ʼɔ əfètə̂ ə̀ghɨ̀ nə ghɨ̂yn. M nyi mə mə fo ghənə sê Satàyn nə è fo tsôsvè sê ghənə kə ghənə zaʼle tɔfe ə fɨnə sôylə̀ va Zhə̀fè.

1 Timotì 1:9

Ghâsènì kyi kepî sə̂ ke nə ə pâʼà fɛte lâŋ nə kɨ̂yn sê ghɨ ə chûŋə̀. Ə pɨl fɛtê se ghɨ ghɛ ə ghe kəmə lâŋkè è ghɛ ə ghe tɛ è tuve, è ghɨ ghɛ ə ghe ngɨmnə va Zhə̀fè, è ghɛ ə ghe nə̂ ghɛ piə, è ghɛ ə ghe tsə̂mə̀ va sê Zhə̀fè, è ghɛ ə ghe ndamə va ndam eŋwaʼze, è ghɨ ghɛ ə ghe zhwitə pɨ̀a ə ghənə kɨ̀sə nyì ghənə̂ghè, è ghɛ ə ghe zhwitə ghɨ mɔ̀ʼɔ,

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

1 Timotì 6:10

Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

1 Timotì 6:4

è və ke nə è ghaŋsə̂ kə èwiyn, ke va nâʼà èghɛ, ghɨə mɔʼɔ kyi endam eliŋ zhîze sə̂ saʼnə̂ kûmə̀ m̀ghɛlə̀ mə èlwiynmè, zɨnə mə e pə̂ è ghə̀ʼkè, ngyə̀skè, soylè ewìynze, kwaʼtə̀ pi kûmə̀ ə̀ghɨ ə mɔ̀ʼɔghe,

2 Timotì 3:4

Ghənə tə nə̂ ə pəʼlə̂ ə̀ghɨ è wâmnè ə ghənə̂zè, shɨŋə nə̂ kə ə̀ghɛ ndɔ̀ʼɔ ə kwàʼte, nyi mə ə lwiyn è ghaŋsê ewìynze, kɔŋə̀ ə̀ghɛ ə mbi ghɨnə ghe tsɨ̀ə tsɛ̂ kə kɔ̂ŋə̀ Zhə̀fè.

Njə̂m 2:8

Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.

Njə̂m 4:16

Pîza zôyn ghàyn ghaŋsə̂ kə èwiyn eghɛ zɛ ə ghàyn kyiŋə se nə̀yn, mə kyì eghaŋsê ewìyn nə zɨnə mə ekɨ̂m nyi pi.

Njə̂m 4:6

Pîza fùʼ kɛ ə Zhə̀fè fo nyîə tɛ tsɛ̂ kè kə nyâʼ ə Ŋwàʼlè ə̀ Fèzhə̀ nə, “Zhə̀fè nyiə njîə tsosə̂ ə̀ghɨ ghɛ ə ghe ghaŋsə wiynve, pîza fo àfùʼ ə vəynke sê ghɨ ghɛ ə ghe njîə tsosə pə̂ ngɨŋsə ghənə̂sè əchi.”

1 Pità 5:5

Kwuŋte, ghàyn tsose ngɨŋ saynse əchi sə zɨə se chəʼse. Ghàyn maʼ ngɨmnêzè kə sendzɨs sefɨaʼase sə̂ fɨ̂aʼà sê ngɨŋ saynse kûmə̀ ŋwàʼlè ə̀ Fèzhə̀ nyi mə è zə pì nə, “Zhə̀fè pânə̀ əghɨ ghɛ ə ghe ghaŋsə wiynve, pîza è fo àfùʼ sê ghɨ ghɛ ə ghe ngɨmnə ngɨŋsə ghənə̂sè.”

2 Pità 2:10

paynpayn ghɛ ə ghe nə̂ ghɛ enyələ ghɛ ə njà sə ewìyn sə ghənə̂sè kyiŋə, chîynə̀ èghɛ zɛ ə Zhə̀fè pì nə ghənə nəyn. Tyə̀ynsè sə akaŋ nə sɨ̂nə̀ fànə̀ va fɨake, zɨtə̂ va ghɛ zhîze sê wùə, ghənə fo pî va kɔʼsêzè sê ghɛ ə ghe nyi ekwùtwəyn kyi èpomsê, ghənə pɨlə sôylə̀ ndò ghənə.

2 Pità 2:12

Pîza tyə̀ynsè sə akaŋ nə sɨ̂nə̀ mə tsɨnə̀ nə̂ kə nâʼàpî èghɛ èkè zɛ ə ghənə kyiŋə kə senyam sə mbvɨynse mə se nyi se ko zhwitə kə ndò; ghənə sôylə̀ ə̀ghɨ ezhoghɛ ə ghɨ ətəynghe pî ghɛze ghənə e zɨə kêva. Zhə̀fè tə pofsə̂ ghənə kə senyam sə mbvɨynse,

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

Etyə̂yn ə paynsêzè 13:1

Mə ke fe nyàm èpamə è fɨə kɔʼɔ pə̂ enjwì ə fengwaŋve. È tè kyi sendɔŋ sèghɨm, è tuve esɛ̀mbɛ. Nâʼàpî ndɔŋ èkè tè nyiə kyi àfɔ ə te fɔ̀ynkè, nâʼàpî atu àkè e kyi èzə ze sôylə̀ Fèzhə̀.

Etyə̂yn ə paynsêzè 16:11

ghənə e sòylə Fezhə̀ fə ekwùtwəynfe kûmə̀ m̀lùŋtsuŋ mɛ ə chìvè tè fo sê ghənə, pîza ə tàʼa kwiynê ə ghənə ə sepi.

Etyə̂yn ə paynsêzè 16:21

Chichîme ghaʼlə̂ me tso əghɨghə tu, shize emɔ̀ʼ e tɨ̂lə̀ zaʼâ ngɔ̀ʼ mghɨm m̀kyàʼ njòse tâyn. Ghɨghe ə kə̀mnə̀ sè sôylə̀ Fèzhə̀ nə ə̀ pəyn vəyn è tsôs ekwuəmnə mchichi nə vɨnə̀, kûmə̀ nə tsôs ekwuəmnə nə vɨnə mə tè nyi ve tɛve.

Etyə̂yn ə paynsêzè 16:9

Wus etɛ ətəynve ə nyɔ̀ʼlə̀ ghənə, ghənə ə sôylə̀ èzə Fezhə̀ fɛ ə fe kyi tyaʼa etûə tètsòs tɨ̀yn. Pîza ghənə ə tàʼa kwiynê ə ghənə ə sepi se tsɨ̀tè ə vəyn.