2 Timotì 2:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

2 Timotì 2:9 ပူးပေါင်းရင်းမြစ်များ

Tom èchùŋ kè kə Lûk tè nyaʼ 23:32

Ə tè nyi zâ, e ndùə se zhwiə vəyn yî ghɨ mɔʼɔ ghə pɛ̀, ə nyi əghɨ kə ghe tè kyim saʼte.

Ətefɨ̂aʼ 21:33

Tuə sesôkə̀ʼ nə kɛ ə ndùə pîə nə ə kyi Pɔ̂l ə fâ vəyn è chaʼ sepɛ̀, ə pfɨfə sê ghɨ ətəynghe nə, “Ə̀ vɨ̀nə mə nyi nde? è kɨ̂sè nə è pi nə ghe?”

Ətefɨ̂aʼ 28:31

È tè ndàʼa tom ə̀ Fèzhə̀ kûmə̀ èfɔ̀yn ə Fezhə̀vè, zaʼlə̂ ə̀ghɨ kûmə̀ Pɛ̂pɛ Njisə̀s Klâys mə è ndə̀ʼə̀ fànə̀ va, wùə vîvè ə tàʼa mɔ̀msè se tàsə vəyn nə kə è wamne.”

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Ɛfesùs 3:1

Ə̀ nyi ke kûmə̀ ètsɨ̂yntè ə ghâsènì nə zɨ̂nə̀ ə m tsə̂mə̀ sê Zhə̀fè kûmə̀ ghàyn. M nyi wùə ə ndɛ̂ chaʼ kûmə̀ èfɨ̀aʼ zɛ ə Klâys Njisə̀s fo sê mi nə mə ndàʼà tom èchùŋ sê ghàyn ghɨ etumə.

Filìpây 1:17

Ghɨ ghɨ̀nə ndàʼà tom èchùŋ, mə təm ə ghənə̂ghè zo va, nə̂ nyiə mə kûmə̀ nə ghənə kwaʼtə̀ kə se ngɨŋ sə ghənə̂sè. Ghənə nə̂ zamə se kwəynsê akyɨ̀ŋ kɨmke fa ndɛ ə̀chaʼ.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Kòlosè 4:18

Ə̀ zɨnə zɔ̂yn nyaʼ mi è gho kɨmke nə, tɔŋtêzè sê ghàyn mə ze ndô pə̂ se Pɔ̂l. Kə ghàyn lɛse nə m nyi ə ndɛ̂ chaʼ. Ə fùʼ ə Fezhə̀kè ə nyi ghâynghə̀ ghənə.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

1 Tèsàlonikà 1:8

Ghàyn tè paʼà ndàʼà ke tom ə̀ Pɛ̂pɛ ə Màsèndonyà è Àkayà, pîza tom kûmə̀ èndom vɛ ə ghàyn samse Zhə̀fè ə tə waŋ ke luʼ tekɨ̂m, nyiəmə, ghɛ zhîze tè fɨyn va ə ghàs tè kàʼa pi.

2 Tèsàlonikà 3:1

Se kwùŋsè ə ghɔnyìə ghasə, ghàs pìə nə ghàyn ə tsə̂mə̀ sê ghàs kə ghàs nə̀ nə tom èchùŋ ə̀ Pɛ̂pɛ ə zâŋsə̀ zhamə ndûə kə luʼ tekɨ̂m, kə ghɨghe ə fiə zə̂ynzè ekɔʼnezè kèpi kə ze tè nyi ə ghàyn ə fètəyn.

2 Timotì 1:12

Ə̀ za nyi eghɛ zɛ ə m zɨə ngəʼ endom nə vɨ̂yn. Pîza m pa ke kendò səmɔʼ nə, kûmə̀ nə m ke ndô wùə vɛ m samsə̂ vəyn, ke kendò səmɔʼ nə è nyi kàʼa e fɛte ndəm tom zɛ ə è tè fo sê mi se zaʼâ etuʼ ekwuŋsəve.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 2:3

Njì kɛke nə andiŋ se fe ngəʼ kə sokə̀ʼ ə̀ Njisə̀s Klâys zɛ ə è nò è təm ə vəynghe əkɨ̂m.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

1 Pità 2:14

zɨə kəpi sê tu epɨ̀as endaʼ vɛ ə è chɔʼte ndə̂m nə ghənə pɔynsə̂ ə̀ghɨ ghɛ ə ghe nə̂ ghɛ ə pighe, tsîtə̀ ghɛ ə ghe ndamə ndam echûŋzè.

1 Pità 3:16

Ə ghàyn piə nə̂ nyi, ghàyn e nə̂ è təm əzo, kə nâʼàpî ghə ndè ghɛ ə ghənə wâmnə̀ wâmnè te pite kûmə̀ èndam èchùŋ zayn zɛ ə ghàyn kyi kə ghɨ ghɛ ə ghe chùmtə̀ Klâys, nə ghomə̂ ə ghɛ ghɛ ə ghənə pîə.

1 Pità 4:15

Kə wùə sê ghàyn tə nəyn è və fe ngəʼ mə è zhwi wùə, kɨ̀sə è chɔŋ ndô, kɨ̀sə è nəyn ekyì eghɛ epi zhîze, kɨ̀sə è ndzɨse echô vəyn ə wùə eghɛ.