2 Timotì 2:3 - Ŋwàʼlè ə̀ Fèzhə̀ Mkâyn Mə̂ Fèm

³ Njì kɛke nə andiŋ se fe ngəʼ kə sokə̀ʼ ə̀ Njisə̀s Klâys zɛ ə è nò è təm ə vəynghe əkɨ̂m.

2 Timotì 2:3 ပူးပေါင်းရင်းမြစ်များ

Ətefɨ̂aʼ 23:31

Sokə̀ʼ sətəynse ə zɨə èghɛ zɛ ə tuə ghənə nə kɛ pì ə njiə Pɔ̂l ə fɨə è vəyn ètuʼve ə kwìə ndùə ə Àntipatìs.

1 Kɔlìŋ 13:7

Wùə vɛ ə è kɔ̂ŋè, è pɔ tsɛ̂ va, shîŋə̀ tekɨ̂m è nyiə kyi èpomə, è nyiə kwaʼtə̀ lɨmtə̂ se kyî afɨa kɛ ə è lɨmtə, kyi kepî èwəynsê ewìynze.

1 Kɔlìŋ 9:7

Ə̀ nyi sokə̀ʼ èkè ə è njì kɛ ə vəyn se zhɔyn efɨa vɛ ə è kyi sə̂ nə̂ èfɨaʼ ə sokə̀ʼze ətəyn ə? Ə̀ nyi wùə àfùʼ èkè ə è kaʼa ə è və fɨaʼà afùʼ etwɔm etɔfəve, vayn kàʼa è ndɛ vəynvə? Ə̀ nyi ngyəyn ə senyàm èkè ə è kamə va yîynə̀m ə və senyàm se mɨ ə?

2 Kolìŋ 1:6

Ə ghàs fe ngəʼ, ə nyi sə ghàyn ə chùŋ è sɔza zaynze; ghàs ə kyîə ètsâmtè, ə nyi mə ghàyn ə kyi kepî tsâmtèzè, kə ze fo ghàyn è tyaʼke se wəynsê ewiyn ə sengəʼ sɛ ə ghàs kyi kepî.

1 Timotì 1:18

Vayn vɨm Timotì, m fo ètəftê zɨ̀nə se ghò mə ze nyi kepî èghɨ èghɛ ghɛ ə fɨ̀aʼtèsè tè pi kûmə̀ ghò. Njì ghɛ ghɨ̂nə ə tsâ sê ghò nyi se nò enô echûŋzè.

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

2 Timotì 2:9

Kè kûmə̀ nə m ndaʼà tom èchùŋ, m zɨə ètsôs, fɨyn nyi mə ə kol mi kə wùə ndɛ ə̀chaʼ. Pîza ə paʼà fà ghɛ ə Fezhə̀zè ə sechaʼ.

2 Timotì 3:11

O fe ndom vɛ ə tè tsə̂fsə̀ mi ətəyn, è zɨə ngəʼ zɨmze. Ò nyîə ke ə̀ghɛ ə̀kɨ̂m ghɛ ghe tè kyàyn sê mi ə Antyòk, è kɨsè ə Ìkonyùm, è Lisɨtɨ̀là. Tsə̂fsè ekwuənəze ə tə pə̀yn sê mi famə ətelùʼ. Pîza Pɛ̂pɛ ə tsàmtə̀ mi əfètə̂ təynte nâʼà tèkɨ̂m.

2 Timotì 4:5

Pîza, ò kyi sə̂ chisə̂ ngɨŋ zɛ̂zè nâʼàpî ətə èghɛ èkè, kolə ə̀təm ezə ngəʼze, nə̀yn fɨaʼə wûə vɛ è ndàʼà tom èchùŋ, ə nə̀ èfɨaʼ zɛze ekɨ̂m kə wùə èfɨ̀aʼa ə̀ Fèzhə̀.

Filemùyn 1:2

è ndɛ ə̀ Fèzhə̀ zɛ ə è nyi ə və ndɛ, è kɨsè ànyì ə̀ ghâsènì və èzhɔyn Afìa, è Akipùs vɛ ə ghasè ghə̀ ghənə fɨaʼà əmɔʼ, ə̀ nyi vəyn vɛ è ndàʼa tom èchùŋ è tyaʼa.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Ipilù 11:27

Ə̀ tè nəyn ekyî epomə̂zè nə Mosîs tə ndo endaʼ ə Enjìpzè, fànə̀ va nə fɔ̀yn nə̀ nyɔ̂ʼsə̀ ètɔŋ. Fɔ̀yn ə tə nyɔ̂ʼsè tɔŋve sê vəyn pîza è və tàʼa fayn ndùə kə ndò, kûmə̀ nə è tè nyîə fe Fèzhə̀ mə wùə vayn kaʼa è fe.

Ipilù 6:15

Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.