2 Timotì 1:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Zhə̀fè tè sɔ̀zâ ghâsènì ə tɔŋə ghâsènì nə ə nyi ə̀ghɨ Vəynghe ŋwaʼaghe, ə̀ vachi kûmə̀ èghɛ zhîze kə ghâsènì nə̀yn, pîza e nyi ke kə È nyi mə È və ndə̀m ə vəyn afùʼ. È tè fo afùʼ nə kɨ̂yn tɔynə̂ ə Klâys Njisə̀s tsɔ̀fə kə mbi zhəte.

2 Timotì 1:9 ပူးပေါင်းရင်းမြစ်များ

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Njɔyn 17:24

Pɨa Vɨm! M kyiŋə nə ghɨ ghɛ ə Ò fo sê Mi tə nəyn ə nyi ghasè ghənə elùʼ vɛ ə M nyi ətəyn, kə ə fe pomsê ekayntə zɨme, ə zɛ ə Ò tè fo sê Mi kûmə̀ nə Ò tè kɔ̀ŋɔ Mi, tsɔ̀fə kə pom mbi.

Njɔyn 17:9

M tsə̀mə̀ se ghənə. M tsə̂mə̀ chiva se ghɨə mbiə, pîza se ghɨ ghɛ ə Ò fo sê Mi, kûmə̀ nə ə̀ nyi əghɨ ghɛghe.

Njɔyn 6:37

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Ətefɨ̂aʼ 15:18

Ə̀ tè nəyn mi kə ghɨghe ə ke ə̀ghɛ nə ghɨ̂yn nâʼà sə mɨ.›”

Ətefɨ̂aʼ 2:47

Ghənə e fɨnə kɔʼsə̂ Fèzhə̀, ghɨghe əkɨ̂m e kyi ə̀təm əchûŋə̀ sê ghənə. Pɛ̂pɛ e kwəynsə̂ ə̀ghɨ ghɛ ə È sɔ̀zâ ə ghənə anɔ̀yn tuʼmè m̀kɨ̂m.

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

Ŋwàʼlè ə̀ Pɔ̂l sê ghɨə Lûmghè 11:29

Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.

Ŋwàʼlè ə̀ Pɔ̂l sê ghɨə Lûmghè 16:25

Ə ghâsènì fo pomsêzè sê Zhə̀fè! È kwəynə̂ ndò se nə̀yn nə ghàyn ə tɛ ə ghàyn epomə̂. Ə̀ nyi nyiəmə kə m tè tsàyn se ghàyn ashîŋə̀ kɛ ə m tè ndàʼa tom èchùŋ ə̀ Njisə̀s Klâys. Tom èchùŋ nə zɛ mə nyi səmɔʼ zɛ ə Zhə̀fè tè nyi mə fe ə ndə̀m nâʼà sə mɨ mə è paʼà tyə̀yn sê ghɨghe.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 9:11

Ə̀ tè nyi tsɔ̀fə kə ə piə ghɔyn nə ghɨ̂yn, mə ghənə paʼà nyìəm kê se nə chùŋ kɨ̀sə pi, Zhə̀fè ə tsà se Lèpekà nə, “Vayn èndumə tə nə̂ ə è və nyi wùə àfɨ̀aʼ sê vayn etətə̂” Zhə̀fè tè nəyn zɨnə mə kə ze ə nyi nə ə̀ nəyn zhi nə vayn emɔ̀ʼ ə nyi ə və mɔ̀ʼɔ etyə̀. Ə̀ tè nyi ə vəyn ekɔ̀ŋ se chitê ə wùə vɛ ə è kɔ̀ŋə̀, ə̀ vachi kûmə̀ ə̀ghɛ ghɛ ə wùə təyn tè nəyn.

Ŋwàʼlè ə̀ Pɔ̂l sê ghɨə Lûmghè 9:24

Ghâsènì e nyi paʼsê anɔ̀yn əghɨ̀ kɛ ə è nyi mə È və tɔŋə fɨsê. Ə̀ vachi ke anɔ̀yn əghɨ̀ ə Isìlâykè ə È tɔŋə fɨse ghâsènì. È və tɔŋə fɨse ghâsènì yîghe əfètə̂ ə̀ghɨ̀ ghɛ ə̀ vachi ə̀ghɨ ə Njûsghè.

1 Kɔlìŋ 1:18

Ghâsènì ə ke nə tom èkwu ə̀ Klâys awâmnè nyi kə eghɛ angôze sê ghɨ ghɛ ə ghe njisə̀ ndûə, pîza se ghâsènì ghɛ ə Klâys tè sɔ̀zâ, ze tyə̂nə̀ àtyaʼ ə Fezhə̀kè.

Ɛfesùs 1:11

Fe ə chɔʼ ghâsènì nə ə nyi ə̀ghɨ Vəynghe tɔynə̂ ə Njisə̀s Klâys kè eghɨ kə fe tè pɨaʼte ndəm tsɔ̀fə kə Fe pom mbi. Nâʼàpî ghè kyànə̀ kə endom vɛ ə Zhə̀fè kyiŋə nə zə kyânə̀ ətəyn.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Ɛfesùs 2:5

Ə̀ za nyi eghɛ zɛ ə Fe tè zòmse Klâys nâʼàpî ashìŋə̀ àkè ə pɔŋɔ zômsə̀ ghâsènì. Ə̀ tè nyi zâ, mə ghâsènì ə kwutê ə sezuʼ kûmə̀ tètsas təghasènìte. Zhə̀fè ə sɔ̀zâ ghàyn kûmə̀ àfùʼ kɛ ə fe kyi.

Ɛfesùs 3:11

kè eghɨ kə è tè se nyi mə è və tè pɨaʼtê ndəm nə ze kyayn tɔynə̂ ə Pɛ̂pɛ ə̀ ghâsènì Klâys Njisə̀s tsɔ̀fə è pom mbi.

Filìpây 3:14

M pa mɔ̂msə̀ kə se ndùə əshi se nduə fɨ elùʼ vɛ m ndûə, kə m kaʼa m kyi fɨa vɛ ə Zhə̀fè nyi mə Fə ndə̀m se mi ekwùtwəyn. È və tɔŋɔ̂ mi nə m ndu awulə tɔynə̂ ə Njisə̀s Klâys.

1 Tèsàlonikà 4:7

Kûmə̀ nə Zhə̀fè tè paʼà tɔŋə ghâsènì nə ə nə̂ ə̀ghɛ ə nyələghe è wiyn ə ghasènìve. Pîza Fe tè tɔŋɔ nə ghâsènì ə ndamə èndam eŋwaʼze.

1 Timotì 1:1

Ə̀ nyi mi Pɔ̂l, wùətom ə̀ Klâys Njisə̀s ə m nyâʼ ŋwàʼlè zɨ̀yn, ə̀ nyi Fezhə̀ sɔ̀zà ə̀ ghâsènì è Klâys Njisə̀s vɛ ə ghâsènì kwàʼtə̀ lɨmtə, ə ghənə nə̂yn nə mə nyi wùətom;

2 Timotì 1:1

Ə̀ nyaʼ mi Pɔ̂l, ŋwàʼlè zɨ̀yn sê ghò ə Timotì. M nyi wùətom ə̀ Klâys Njisə̀s mə ə̀ chɔʼ Fezhə̀ nə m tsayn tom èchùŋ kûmə̀ èndam zɛ ə ze tə mîə va kè kə È tè tsɨ̀ne. Ghâsènì nə kyîə èndam nə zɨ̂yn kè ezhoghɛ ə ghâsènì nyi kaʼke amɔ̀ʼ ghasènyìə ghə̀ Klâys Njisə̀s.

Taytùs 1:2

Səmɔʼ nə zɨ̂yn nə̀ nə ghənə ə ke səmɔʼ nə ghənə nyîə kyi èndam mə ze tə mîə va, mə nyi endam zɛ ə Zhə̀ fɛ ə fe wamə va tè tsɨ̀ne sê ghənə tsɔ̀fə kə pom mbi.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

Etyə̂yn ə paynsêzè 13:8

Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.

Etyə̂yn ə paynsêzè 17:8

Nyàm èpamə nə zɨ̀yn ə ò tè fe tè nyiə nyi ètwɔ ə shɨŋ ə̀mɔʼɔ̂, pîza zôyn è kɛse va ètwɔ. Zə̂yn tə fɨə kɔʼɔ pə̂ ə epə zɛ ə ze lɔŋɔ tso ndùə za se ndù nə ə pofse zə̂yn. Ghɨ ghɛ ə ndamə ə mbi mə ə tè paʼà nyàʼ zə ghənə ghè ə ŋwàʼlè ə̀ghɨ̀ endamə tsɔ̀fə kə pom mbi tə pə̂ ə nyi èkaynze ezhoghɛ ə nayne nyàm èpamə ə̀təyn kûmə̀ nə zə̂yn tè nyîə nyi ètwɔ ə shɨŋ ə̀mɔʼɔ̂, zôyn è kɛsə̂ va ètwɔ, pîza nyi se tə kɛsə pə̀yn.