2 Timotì 1:4 - Ŋwàʼlè ə̀ Fèzhə̀ Mkâyn Mə̂ Fèm

⁴ M kwàʼtə̀ kə ò tè chîə, m kɔ̂ŋə̀ se fe gho nâʼà sə ŋaŋ kə ze nəyn ə mə nyi mə mə lwiyn è saŋnêzè.

2 Timotì 1:4 ပူးပေါင်းရင်းမြစ်များ

Njɔyn 16:22

Ə̀ nyi zamə kə ze nyi sê ghàyn, zôyn ghàyn nyîə nyi èkosê esəyn, pîza M nə fe kwəynsə̂ ghàyn, ə təm ghaynghe ə nyi mə ghə lwiyn èsaŋnêzè, e kyì esaŋnê zɛ ə wùə vayn kàʼa e fi tsɨ̂sè se ghàyn.

Njɔyn 16:24

Se zaʼâ zôyn, ghàyn pâʼà pfɨf fɨa kyîke ə Mì ezə. Ghàyn pfɨf, kə ə fo sê ghàyn, kə saŋnê zaynze ə nyi mə zə lwiyn kwəyn.”

Ətefɨ̂aʼ 20:19

M tè fɨ̀aʼa sê Zhə̀fè è ngɨmnê eghaʼazè è kɨsè shîmè pî kə m tè tsɛ tɔynə̂ ə temɔ̀m tə ghɨə Njûstè.

Ətefɨ̂aʼ 20:31

Ghàyn tɔ̂ʼnə̀ è ngɨŋ saynse, fɨnə kwâʼtə̀ kə m tè zaʼlə ghàyn èchwì, zaʼlə ètuʼve sə sepìŋ sèta, chîə kə nâʼà ndò nə ghàyn ə fɛte ke Fèzhə̀.

Ŋwàʼlè ə̀ Pɔ̂l sê ghɨə Lûmghè 1:11

M tsə̂mə̀ nyiəmə kûmə̀ nə m nyîə kɔŋə̀ nâʼà àchûŋ se pə̂ mòtè ə ghàyn, kə m kaʼa m tsamte ghàyn è pɔsê zɛ ə Zuʼse Ŋwaʼase nyiə fo sê mi.

Filìpây 1:8

Zhə̀fè nyiə ke ndô nə m pîə səmɔʼ nə m nyîə kɔŋə̀ ghàyn àchûŋ è kɔ̂ŋ zɛ ə Klâys Njisə̀s tè tyə̀yn nâʼà è ngɨŋ ə vəyn.

Filìpây 2:26

È kɔ̂ŋɔ̀ nâʼà sə ŋaŋ se pə fe ghàyn, saŋnə̂ va nâʼà səkɔs kûmə̀ nə ghàyn se nyi mə ghàyn ə tə zɨ nə è tè zafə ndô.

1 Tèsàlonikà 2:17

Ghàs kyiŋə se pì ə ghɔnyìə ghasə nə, ə̀ tè nyi kə ghɨ yîghe nə̂yn nə ghàs ndo za ghàyn sə fendîŋə̀ fə ashìŋə̀ nyî, ghàs ə ndò kə è wiyn vasve pîza təm ghasghe ə faŋa kwâʼtə̀ kə ghàyn. Ghàs tè nyîə kyiŋə nâʼà sə ŋaŋ se fe ghàyn, ə mɔ̂mə̀ nâʼà è tyaʼa se kɛsə pə̂ fe ghàyn.

2 Timotì 4:21

Mɔ̀mse nâʼà è tyaʼa ə pə̀ tsɔ̀fə kə shîŋə̀ kɛ ə fofke nyi tsɛ̂sè ətəyn pəyn. Yùpulùs, è Pundèns, è Laynùs, è Klondyà nâʼà è ghɨ poməghe əkɨ̂m pi nə m tɔŋte sê ghò.

2 Timotì 4:9

Mɔmse nâʼà è tyaʼa se zàŋse ə pə fe mi.

1 Njɔyn 1:4

Ghàs nyàʼà ə̀ghɛ nə ghɨyn sê ghàyn nyî kə ghe nəyn, ə ghâsènì kyi saŋnê zɛ ə ze kwəynə.

Etyə̂yn ə paynsêzè 21:4

Fe tə zə̂sə̀ m̀shi nâʼà m̀kɨ̂m ə ghənə shi. Kwuze tə pə̂ ə ze ə fɨyn va, tɨ̂l ətəmze e va, chîze va, fɨake nə fɨnə zafə va wùə kûmə̀ nə ghɛ ə mɨ ghə tsɛ̀.”

Etyə̂yn ə paynsêzè 7:17

kûmə̀ nə Va Ndzè vɛ ə è tsɨs əfètə̂ fèkyə̀ tə nə̂ ə è və nyi ngyəyn ə̀ ghənə̂. È tə njìə ndùə è ghənə ə setɔŋ sə mmò sɛ ə se fo ndamze, ə Zhə̀fè zəs shîmè m̀kɨ̂m ə ghənə əshi.”