2 Tèsàlonikà 3:3 - Ŋwàʼlè ə̀ Fèzhə̀ Mkâyn Mə̂ Fèm

³ Pîza nâʼàpî èghɛ èkè zɛ ə Pɛ̂pɛ pî nə è nə̀ nə̂, è nə̀ kə zamə, è nyi se nə fo ghàyn tyaʼa, ə è kɨŋte ghàyn nə kə Wùə ètəm ə Piə tə tàʼa nə̀yn nə ghàyn nəyn pi.

2 Tèsàlonikà 3:3 ပူးပေါင်းရင်းမြစ်များ

Matyò 5:37

Pîza ə ò pì nə ò nə̀ nə̀ èghɛ, “O pìə nə m nə̀ nə̂ zəynze” kə ò pi nə, “ày m nə̀ nə̂ va zəynze” nâʼà pî èghɛ èkè zɛ ò paʼse ətəyn ndo sê satàyn.

Matyò 6:13

Kə ò zâ nə ghàs pfɨə nji emɔ̀m pîza kɨ̀ŋte ghàs sê satàyn.

Tom èchùŋ kè kə Lûk tè nyaʼ 11:4

Lɛ̀se fo ghɛ ghàs ghepiə pɔ̀msə ghàs lɛ̀sə fo nâʼàpî ndè vɛ ə è nə̀yn pi sê ghàs. Kə ò nə̂ za nə mɔ̂mè pəyn sê ghàs.”

Njɔyn 17:15

M tsə̂mə̀ va nə Ò nji tsɨsè ghənə ə mbi. Pîza M tsə̀mə̀ nə Ò tɔʼne ə Ò tsɨ̀ŋne ghənə sê wùə èpi.

1 Kɔlìŋ 1:9

Zhə̀fè pìə èghɛ, nə̂ kə zəynze. Ə̀ nyi Fəynfe ə Fe tɔŋə ghàyn nə ghàyn ə fɨaʼà sə eghɛ èmɔ̀ʼ è Va vəyn, ə Pɛ̂pɛ ə ghâsènì Njisə̀s Klâys.

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

1 Tèsàlonikà 5:24

Zhə̀ fɛ ə fe tɔŋə ghàyn nə ghàyn ə nyi èŋwaʼze nyîə ndə̂mə̀ ètsɨnè ə vəynze, nyi se nə̀yn nə ghàyn ə nyi èŋwaʼze.

2 Tèsàlonikà 2:17

Fe nə̀ nə̂ ə ghàyn ə kyi ə̀təm ə tɛ è tyaʼa sə̂ nə̂ fɨnə wâmnə̀ kə ə̀ghɛ ə chûŋghè shîŋə̀ tekɨ̂m.

2 Timotì 4:18

Pɛ̂pɛ nə̀ tsâmtə̀ mi kə ghɛ epi zhîze tàʼa kyàyn sê mi, ə è fɨyn nji kwi ke è mi achûŋ kə ghɛ epi zhîze tàʼa kyàyn se mi, m ndu nji ə vəyn elùʼ efɔ̀yn ə vəynve ekwùtwəyn. Ə ghâsènì ə pomsə̂ vəyn sə teshìŋə̀ tèkɨ̂m. Ə ze ə nyi ke zamə.

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

2 Pità 2:9

Zɨnə mə tyə̂nə̀ nə Pɛ̂pɛ nyîə ke èndom vɛ ə è kàʼa è sɔse ghɨ vəynghe əfètə̂ tèmɔ̀m tə ghənə̂tè, è ndom vɛ ə è kàʼa ə è kyi ndəm ə̀ghɨ ə pighe se zaʼâ etuʼ ə saʼve kə pɔynse ghənə,

Njût 1:24

Sê Vəyn vɛ ə è kàʼa è ndəm ghàyn nə kə ghàyn pfɨ, è kɨsè se pə̀yn ghàyn è saŋnê eghaʼâzè mə ghàyn kyi va ləʼke ə və shi, ə̀ nyi eluʼ epomsəve.