2 Tèsàlonikà 3:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn tsəm kepî nə Zhə̀fè fɨse ghàs ə gho ghɨ ghɛ ə ghe ngɛse kyi ə̀təm ə pighe, kûmə̀ nə ə̀ vachi ə̀ghɨ ə̀kɨ̂m ə ghe pomə.

2 Tèsàlonikà 3:2 ပူးပေါင်းရင်းမြစ်များ

Matyò 17:17

Njisə̀s ə pə̀ynsə̀ nə, “Ə̀ nyi ngwàʼ e pi èkè zɨ̂yn ə è làʼà pomə̂zè nyiə? M nə ndamə tânə̀ zàyn ghâsènì ə? M nə̀ kolə tânə̀ zàyn təmə è ghàyn ə? Pə̀yn è va ətəyn fayn sê mi.”

Matyò 23:23

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə! Ghàyn ghɨnə ə ghàyn kaŋkaŋa nə̂ ghɛ nyî. Ghàyn njiə m̀fɨatə̀ mê lɨ̀mtə̂ mɛ ə ndə̂mə̀ əfètəyn èfɨazhiəve, ghàyn ə fo àmɔ̀ʼ sê Zhə̀fè ə fètə̂ èfɨa èghɨm. Pîza ndə̂mə̀ va tuke se nə̀yn eghɛ zɛ lâŋkè tsà. Pîza ə zàmaʼà ə̀ghɛ əchûŋ ghɛ ə lâŋkè zaʼlə mə nyi nə wùə kyi sə̂ nyi chichi sê ghɨ mɔ̀ʼɔ, kosə̂ esəyn, nyi se pomə̂ se Zhə̀fè. Ghàyn kyi sə̂ nə̂ ə̀ghɛ nə ghɨnə̀ ə̀kɨ̂m zâ fɨsə̂ va zhîze.

Tom èchùŋ kè kə Lûk tè nyaʼ 18:8

M piə sê ghàyn nə, Zhə̀fè nə̀ layntə̂ va se saʼa fo saʼ ə̀ghənə. Naʼapi za, ə Va Wùə tə kɛsê pə̀yn fâ ə chi, è nə fe ndò ghɨghe mə ghe pa pomə̂ ndò sê Zhə̀fè ə?”

Ətefɨ̂aʼ 13:45

Pîza ghɨ Njûs yîghe ə fe kə nɔ̂yn ətəynke tè tsɨ̀ə, ghə̀ʼkè ə kyîə ghənə nâʼà sə ŋaŋ. Nâʼàpî èghɛ èkɛ zɛ ə Pɔ̂l tè pìə, ghənə e piə kə nə ə̀ nyi akaŋ, pîə ə̀ghɛ epighe ə vəyn wìyn.

Ətefɨ̂aʼ 13:50

Pîza ghɨ Njûs nə ghɛ ə chiyntə̂ ə̀ghɨ ghaʼâghè fumə apàs endaʼke è zəyn e tɛ ghɛ ə ghe tè ngɨmnə Zhə̀fè nə ghənə fo ngəʼ sê Pɔ̂l yî Pànapàs. Ghɨ nə ghɨ̂yn ə chûmə̀ fɨsə ghənə fumə apàs endaʼke.

Ətefɨ̂aʼ 14:2

Pîza ghɨ Njûs ghɛ ə ghe tè tə nə ghe pomə̂ va, ə ndwìsə̀ ə̀ təm əghɨ̀ ghɛ ə̀ tè vachi ə̀ghɨ ə Njûsghè nə ghənə ə nyɔʼsə̀ ètɔŋ sê ghɨ ghɛ ə ghe pomə Njisə̀s.

Ətefɨ̂aʼ 17:5

Pîza ghɨ Njûs yîghe ə zhə̀tə̀ àghə̀ʼ kə ghɨ tsɨ̂yntè ə Pɔ̂l yî Silàs anɔ̂yn, ə zùŋtə̀ ànɔ̂yn ə mmɨ̂əmê pîəm kyîke, ke ə zhə̀tə̀ sè kwiə zɔ̂fə̀ tsɛ̂ endaʼ, ə ndùə kəmtə̂ ə̀cho se ndɛ ə Njesɨ̀ynə̀, nə ghənə kyiŋə Pɔ̂l yî Silàs se kyiə pə̀yn è ghənə ə ghɨghe əshi.

Ətefɨ̂aʼ 25:27

Kûmə̀ nə m fe nə ze chwîtə̀ va tɔfze se tom ə wùə ə ndɛ ə̀chaʼ mə m paʼà lote tyəyn paynsê tso nə è pofse ghɛ.”

Ətefɨ̂aʼ 28:24

Ghɨ yîghe ə pomə nə è piə kə nâʼà səmɔʼ, yîghe ə tàʼa pomə̂ nə ghɛ zɛ ə è tè pìə tè va səmɔʼ.

Ŋwàʼlè ə̀ Pɔ̂l sê ghɨə Lûmghè 10:16

Pîza, ə̀ vachi əghɨ Isìlâyghè əkɨ̂m ə tè pomə tom èchùŋ ə̀təyn. Fɨ̀aʼtè Èsayà è ngɨŋə̂ vəyn nyi mə è və tə wàmnè kûmə̀ èghɛ nə zɨ̂yn nə, “Pɛ̂pɛ ə̀ zɨ nde tom zâszè ə pomə̂ ə?”

Ŋwàʼlè ə̀ Pɔ̂l sê ghɨə Lûmghè 15:31

Ghàyn e tsə̂mə̀ nə Zhə̀fè ə tɔ̂ʼnə̀ è mi kə ghɨ Njòndyâ ghɛ ə ghe ke va Zhə̀fè nə tàʼa fo ètsôs sê mi. Ghàyn tsəm kepî nə Zhə̀fè nəyn, ə ghɨ afɨfə ə fètə̂ ə̀ghɨ̀ ə Fezhə̀ghè ə Njèlusalɛ̀m fi tsâmtè zɛ m ndûə è zəyn sê ghənə.

1 Kɔlìŋ 15:32

Saʼ zɨme nyi nâʼà ghè kə m tè nô ə Efesùs ghasè ghɨ, ghənə nyi kə senyam sə mbvɨynse, ezhoghɛ ze fe nyì ke nâʼà səmɔʼ nə ghɨ tə zômə̀ va ə? Ə ze se nyi nyî, ə zə tyə̂nə̀ nə ghəmɔ̀ʼɔ pîə kə nâʼà səmɔʼ nə, “Ghâsènì nə zhiə kə ndò fɨnə mɨə kûmə̀ nə ə̀ tə nyi eyisəʼə ə ghâsènì kwutê ə njise.”

1 Tèsàlonikà 2:18

Ghàs tè nyîə kyiŋə se kɛsə pə fe ghàyn, nâʼà mi è ngɨŋ zɨ̂mzè ə mɔ̀msə̀ se zaʼâ shîŋə̀ tepɛ̀ pîza, Satàyn ə tàʼa za nə ghàs pəyn.

2 Timotì 4:17

Pɛ̂pɛ ə tè faŋ ghasè vəyn ə tɔ̀ʼɔ̀ mi kə m kyi tyaʼa se tsàyn ə mɨ̀sè ətom èchùŋ sê ghɨ ghɛ ə̀ tè vachi ə̀ghɨ ə Njûsghè əkɨ̂m, ə fɨnə fɨsə̂ mi ə̂ kwuze echo.