2 Tèsàlonikà 2:2 - Ŋwàʼlè ə̀ Fèzhə̀ Mkâyn Mə̂ Fèm

² kə ghàyn nə za nə ghɨə fəʼ tu kaynke ezhoghɛ ə ghənə pîə nə tuʼ fɛ ə Pɛ̂pɛ nyi se pə̀yn ətəyn se nyi mə fə kàynè kwəyn. Ghɨə kaʼa kwaʼtə̀ nə ghàs tè pì zɨnə ashìŋə̀ kɛ ə ghàs tè tsâ ghɛ ghɛ Zhə̀fè tyə̀yn sê ghàs, pi ashìŋə̀ kɛ ə ghàs tè ndàʼa tom ə̀ Fèzhə̀, è kɨsè nə ə̀ kàʼa nyi mə ghàs tè nyaʼ zəynze ə ŋwàʼlè.

2 Tèsàlonikà 2:2 ပူးပေါင်းရင်းမြစ်များ

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Ŋwàʼlè ə̀ Mâk 13:7

Ə ghàyn tə zɨə nə ə tɨmə èghɔŋ, èghɛ mɔ̀ʼɔ kûmə̀ èghɔŋ etɨmeze, kə ndɨmke tsɛ wùə. Ghɛ nə ghɨnə nyîə kyi se kyàyn, pîza e tyə̂ynə̀ va nə kwùŋseke ə pə̀yn.

Tom èchùŋ kè kə Lûk tè nyaʼ 21:19

Wəynsê zayn tə nə, ə ghàyn sɔ̂.

Tom èchùŋ kè kə Lûk tè nyaʼ 21:9

Ghàyn tə pa zɨə nə ghɔŋte tîte ə fɨ, ə fɨyn zɨ nə nôzè ə fɨ, kə ghàyn fayn nə kwùŋseke ə paʼsê kûmə̀ nə ghɛ nə ghɨ̂nə mə kyi se kyàyn sə shi.”

Njɔyn 14:1

Njisə̀s ə pìə sê chùmtè èpàm sə vəynse nə, “Kə ghàyn ə fɨmsə̂ sèngɨŋ saynse. Ghàyn pomə sê Zhə̀fè, ə fɨyn pomə̂ kepî sê mi.

Njɔyn 14:27

Pɔ̂ynè nyi afɨa kɛ M zâ sê ghàyn, ə nyi zɨ̂mè nə pɔ̂ynè zɛ M fo se ghàyn. M fo va zə̂yn sê ghàyn endom vɛ ə mbi fo ətəyn. Kə ghàyn ə kyi èfɨmsê, kə ghàyn ə fânə̀.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Kɔlìŋ 14:32

Wùə vɛ ə è kyi foze sə̂ tsâ tom ə̀ Fèzhə̀ kyi sə̂ tɔ̂ʼnə̀ endom vɛ ə è tsà tom ə̀təyn,

1 Kɔlìŋ 7:26

M kwàʼtə̀ nə, e tsɔ̂fə̀ nə wùə faŋ ke za kûmə̀ m̀lùŋtsuŋ mɛ ə m̀ nyì zôyn.

Ɛfesùs 5:6

Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.

1 Tèsàlonikà 3:3

kə ndɔ̀ʼɔ tsôs tɨ̂nə̀ ə ghàyn nyi ətəyn nəyn ə ghàyn ə fɨnə pomə̂ va sê Klâys. Nâʼà ghàyn nyiə ke nə ə̀ nyi endə̂m ə Fezhə̀zè nə ghɨ nə fo ngəʼ nə zɨ̂yn sê ghâsènì.

1 Tèsàlonikà 4:15

Ghɛ zɛ ə ghàs zaʼlə sê ghàyn nyi eghɛ zɛ ə Pɛ̂pɛ tè zaʼle. Ghâsènì ghɛ ə tə pə̂ ə pa nyi ashìŋə̀ kɛ ə Pɛ̂pɛ Njisə̀s kɛse pə̂yn tə ndûə kotə̂ va vəyn sə shi sê ghɨ ghɛ ə tè nyi mə əkwu.

1 Tèsàlonikà 5:2

Ghàs pìə nyî kûmə̀ nə nâʼà ghàyn nyîə ke sə ghàyn ngɨŋ nə, tuʼ vɛ ə Pɛ̂pɛ tə kɛsə pə̂ ətəyn tə kwənə mə wùə ke va, kè kə wùə è chɔŋɔ nə̂ è və pə̂ ètuʼve.

2 Tèsàlonikà 2:15

Ghàs e sè pìə sê ghàyn ə ghɔnyìə nə, ghàyn kyi ke ndò pomə̂ zaynze, kə ghàyn pomə nə wùə nəyn, ə ghàyn za zaʼlê ə səmɔʼ zɛ ə ghàs tè zaʼle sê ghàyn za ə fɨnə nyâʼà sê ghàyn ə ŋwàʼlè.

2 Tèsàlonikà 3:17

Ə̀ nyì ke nâʼà mi Pɔ̂l ə m nyâʼà sê ghàyn è gho kɨmke. Ə̀ vɨnə nyi endom vɛ ə m nyâʼà ŋwàʼlè sɨm sekɨ̂m kə nâʼàpî ndè ə ke nə ŋwàʼlè ə̀təyn ndo pə̂yn sê mi.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.